¹ Kandi Paulo kayajire Derbe na Lyisitira aho hakabha haliho omwegesibhwa arukweta Timotheo akabha ali omusigazi eyazeirwe omukazi wo muyuda akabha ayehongire katonda sana ise akabha ali omugiriki. ² Abhantu bha Listra na Ikonio bhakamujurira ebhirungi. ³ Paulo akenda kibhagenda nawe, orwecho, bhakagenda hamo nawe yatahirirwa, aharwensonga ya abhayuda abhabheile bhalyokwo orukubha bhona bhakabha nibhamanya ise okwari Mugiriki. ⁴ Kibhabheire nibhagenda, bhakarabha omubhigo nukubhaha ebhiragiro omunteko, ngu bhabhikunire ebhyo ibhiragiro ebhyahandikirwe Entumwa nanabhagurusi okwo Yerusalemu. ⁵ Orwecho enteko zikagumisibhwa omumwesigo na abhabheire nibhesiga bhakeyongera kukanya bhuri chiro. ⁶ Paulo na mugenziwe bhakaja Firigia naGaratia orukubha mwoyo wa mukama akabhatanga kurangirira echigambo okwo omuri Asia. ⁷ Kabhabheire bhehirira hehi na misia, bhakarengesa kuja Bithinia chonka mwoyo wa yesu yabhatanga ⁸ Orwecho, bhakarabhira misia bheija bharabhira omuchigo cha Troa. ⁹ Paulo akasurulirwa omuchiro, akabhona omuntu wa Makenia ayemeleire nagambha ati, ''Mwije mtubhere kunu Mekodonia''. ¹⁰ Paulo kiyayerekirwe aho tweteke teke kuja Makedonia amanya nko kwo Mukama yatweta kuja Makedonia kurangirila amakuru ga Mukama. ¹¹ Orwecho turugayo Troa. Tugenderera chimo Samothrake, nichiro chahondereo tukagobha omuchigo cha Neapoli. ¹² Kurugaho tukaja Filipi nacho nichigo, Omubhigo bhya Makedonia nichigo chensonga omubhutwazi bhwa amakiro ga Abaroma omyo amalamu ebhiro bhike. ¹³ Echiro chorwamukaga tukaja aheru ye chilyango, twarabha omumugera, Omwo tukabha nitumanyangu twakabhona akanya kukukoletamu amashabha. Tukasitama twaganira nawe abhakazi abhehizire hamo. ¹⁴ Omukazi omo eyabheire nayetwa Lidia, Omuchuruza mara ge Zambarau, kuruga omuchigo cha Thiatra, Omushabhi wa katonda, Akatuhuririza Mukama akamukomorora omwoyo gwe nokuteka ahanjoka ebhigambho ebhyagambhirwe Paulo. ¹⁵ Kiyamazire kubhatizibhwa wenene hamo nekaye yona akatutagiriza nagambha kimurabha mwabhona okwondi mwesigwa omuri Mukama, kimuramara nibhatagiriza mutahemu nanukwikara omwange ,mara atutagiriza muno. ¹⁶ Chikazoka nko kwo, kitwabheire nituija ahukusabhira, Omwisiki omo eyabheire akwasirwe abhazimu akabhoroga na neitwe akaletera mukamawe amagobha geingi omukuranga. ¹⁷ Omukazi ogu akahondera Paulo hamo neitwe, natera enduru nagambha, Habha abhasheija nabhakozi bha Mukama ari muango, mbhabarangirira hinywe ebhigambho bhyokurokola''. ¹⁸ Akakora atyo ebhiro bhingi, Chonka Paulo kiyatamirwe ahinduka enyuma agambhira ogwo muzimu.''Nikugimbha omwibara rya Yesu omurugemu, ''Nagwo gumuteisura aho onka, ¹⁹ Bhakamabhe kibhabhweine amasiko ga amagobha gabho gahwa, bhakabhakwata Paulo na Sila nanukubhanza kubhakurula omumijajaro. Omumeiso ga abhakuru. ²⁰ Kibhabhahikize, Omubharamuzi bhagambha, "Abhabhaseija nabhayahudi kandi nibheita kubhi emirembhe yichigo cheitu. ²¹ Nibhegesa ebhintu ebhitasaine kuhonderaitwe, Abharoma. ²² Embaga ebhasobhokerwa kubhi Paulo na Sila, abharamuzi bhatagura ebhijwaro bhyabho bhajiba kibhabhatera ensaju. ²³ Kibhamazire kubhatera ensaju zingi, bhabhanaga omuchihome nanokugambhira abhaserikali ngu bhalindege. ²⁴ Kibhamazire kuhebhwa obhubhasa bhutyo, Abhalinzi, bhakabhanaga omuchirugu echomunda muno kandi bhabhakoma amaguru okwo ahibhabhateire. ²⁵ Omwitumbi Paulo na sila bhakabha bhariyo nibhasabha, nan'ukusingiza katonda, aho abhandi bakabha bhaliyo nibhauliriza, ²⁶ Ahohonka, hakeija omusisi gwingi aho ebhyombeko bhichihome bhitengeta, Emilyango echinguka nanembhingo zibhakomirwe zigutukata. ²⁷ Omulinzi omo eimuka kuruga omuturo arebha emiryango yona echingukire; atwara echipankache ayenda kuyehita arukubha akatekereza ngu abhantu bhamutoroka. ²⁸ Chonka wenene paulo abhoroga nagamba, ''Otayeita," orukubha, twena turyaha, ²⁹ Omulinzi akasabha bhamuretere etadobha,ataha omunda bhwangu bhwangu, nazuguma, Abhagwa omumaguru Paulo Sila , ³⁰ Abhasohoza haeru, abhagambhira, ''bhakunirwa,'' chiseine nkore nta mbase kujumwa? ³¹ Nabho bhamuhorora , ''Yesige mukama yesu neiwe obhase kujunwa hamo neka yawe.'' ³² Bhamugambhira echigambho cha Mukama hamo nanabhantu bhona abhekaye, ³³ Ogwo omulinzi we echihome abhatwara omuchiro echo, chonene chonene abhasembha ekojo zabho, abhatizibhwa hamo nanabhekaye. ³⁴ Abhatwara Paulo na Asila awawenene abhaha ebhyakulya, mara agira ebhyera bhingi hamo nabhantu bhekaye aharwukwesiga Katonda. ³⁵ Kiryabheire ehiyagwe abharamuzi bhagambhira omulinzi, teisura abhantu abho bhagende, ³⁶ Omulinzi amanyisa Paulo nku kwo abharamuzi bhajubhura kimugenda. Orwecho iroko muje aheru kandi,mugendege na n'emilembe.'' ³⁷ Chonka Paulo abhagambhira, ''bhatuteire rubhona abhantu abharoma bitari obhusoborozi bhakaramula kututa omuchihome; chonka aati nibhenda kutuiyamu bhweserekire? chehi, tichakusobhoka sana bhonene bheije bhatwihemu. ³⁸ Abhalinzi bhabhamanyisa abharamuzi ebhigambo ebhyo, Abharamuzi bhakatina muno kibhamanyire kubha Paulo na Sila na Abharoma. ³⁹ Abharamuzi bhakeija bhabhatagiriza kibhagenda, kibhamazire kubhehiyamu bhabhagambhira Paulo na Sila bharuge omuchigo chabho ⁴⁰ Orwecho Paulo na Sila bharuga omuchihome, bheija omunju ya Lidia. Paulo na Sila kibhabhweine abho abharumuna bhakabhagumisa kandi bharuga omuchigo echo.