¹ Ati omubhiro ebhi, abhanafunzi kibhabheire nibhazidi kwija, Abhayuda na Abhayunani bhabhanza kuraumu Abha ebrania, obhwokubha abhateine bhasheija bhonene bhakabha mbheikiriza kusobhororwa omubhugabhuzi bhwa bhuri chiro echakurya. ² Entumwa ikumi neibhiri bhaketa embhaga yona eya abhegeshwa bhagambha, ''Tichiseine itwe kureka echigambho cha katonda no okukorera emeza. ³ Chityo, bharumuna, muronde, abhaseija musanju, kuruga omuri imwe, abhantu bhakwesigwa, abheijwire Mwoyo na amagezi, abhitwakubhasa kua omurimo ogu. ⁴ Neitwe, nitujakugenderera omubhiro bhyona kusabha no omumulimo gwe echigambho.'' ⁵ Ebhigambho bhyabho bhyendwa embhaga yona. Chityo, bharondamu Stefano, omuntu eyeijwire okwesiga na Mwoyo arikwera, na Filipo, Prokoro, Nikanori, Timoni, Permena, na Nikolao, omwesiga kuruga Antiokia. ⁶ Abhesiga bhakareta abhantu abha omumeiso ge entumwa, bhakasabha nokubhata emikono ahiguru. ⁷ Chityo, echigambho cha Katonda chikagenderera; abhegeshwa bhakagenderera kubha bheingi okwo Yerusalemu; na bheingi abhakuhani bhabhanza kukunira okwesiga. ⁸ Na Stefano, ehijwire echisa na amani, akabha nakora ebhintu bhyokutinisa nebhyorekwa bhiango omubhantu. ⁹ Aho ehija abhantu bhake abhesiga kuruga omwikanisa lya Mahuru, nerya Wakirene nerya Waeskanderia, nabhandi kuruga Kilikia na Asia. Abhantu abha bhakabha mbhagambha na Stefano. ¹⁰ Chonka, tibharabhasize kumusinga amagezi no Omwoyo eiyabheire Stefano natumia omukugambha. ¹¹ Bhakabhabheha abhantu bhake omukwesereka mubhagambha, ''Tuhurire Stefano nagambha ebhigambho bhifire ahali Musa na ahali Katonda.'' ¹² Bhakabharazimisha abhantu, abhagurusi, nabhahandiki, bhamugendera Stefano, bhamukwata, bhamureta omumeiso geibharaza. ¹³ Bhareta abhajurizi bhe ebhisubha, abhagambhire, ''Omuntu ogu takurekera kugambha ebhigambho bhibhi omuchichweka echi echokwera na omuku. ¹⁴ Kubha twamuhurira nagambha ogu Yesu owa Nazareti najakupakambhura no okwita emiko ezitwaherwe na Musa.'' ¹⁵ Bhuryomo eyabheire aryomwibharaza, bhamugunurira amaiso kurebha Stefano, bharebha obhuso bhwa wenene obhwabheire mubhusana obhwa maraika.