¹ Paulo abharebha abhantu bhe eibharaza agambha, ''Bharumuna bhange, ntwire omumeiso ga Katonda akurenga ebhirungi mpaka chirechi.'' ² Kuhani omukuru Anania abhajubhura bharinya abhemerehire ehi nawenene bhamutere omunwa gwawenene. ³ Niho Paulo yamugambhire, ''Katonda najakukutera iwe, orukuta ruteire erangi. Ositamire kundamura omumuku, neiwe noramura bhantere okuchitari omumuku?'' ⁴ Bharinya abhayemereire ehi na wenene bhagambha, ''Nikwo okujuma kuhani omukuru owa Katonda?'' ⁵ Paulo agambha, ''bharumuna bhange, nyawe tinkumanya ogu kari kuhani omukuru. Kubha chihandikrwe,najakugambha kubhi aha mutwazi wa abhantu bhawe.'' ⁶ Paulo kiyabhweine orubhaju rumo na Amasadukayo norundi na Amafarisayo, agambha neiraka, ''bharumuna bhange, nyawe ndyo omufarisayo, omwana wo omufarisayo. Obhwensonga eji ndinzire okuzikurwa kwa abhafu abhikuramurwa nabho.'' ⁷ Kiyagambhire ebhyo, bhabhanza kuryana Amafarisayo na Amasodokayo, ebhaga eyebhegana. ⁸ Kubha amasodokayo bhagambha tariyo okuzikurwa, bha mwoyo tibheine mutima, Amafarisayo mbhagambha ebhi bhyona. ⁹ Endwano zihango chikazoka abhahandiki abhabheire bhari orubhaju rwa Amafarisayo bhakemerera, mbhagambha, ''titukubhona echintu echibhi echili aha muntu ogu.Kichakuzoka mwoyo nanga maraika yafumora na wenene?'' ¹⁰ Akarugamu omujagara guhango, omukuru wa abhaserikali akatina paulo bhakumunyamura ebhibhaju nabho, ajubhura abhaserikali bhateremuke ahansi bhamutware namani kuruga omubhateirwe abharaza, bhamureta omungome. ¹¹ Omuchiro chahondereho Mukama akemerera ehi na wenene agambha, ''Otatina, kubha wandanga Yerusalemu, chityo nojakujurira no omuri Roma.'' ¹² Kbhwacheire, Abhayuda bhakakora endagano bheta emiramo ahali bhonene bhonka: bhakagambha tibhakuja kurya wala kunywa chonachona mpaka ahibharamwitira Paulo. ¹³ Bhakabha bhariho abhantu nka gana abhapangire echi. ¹⁴ Bhagenda amukuru wa abhakuhani na abhagurusi bhagambha, ''Twayeteraho itwe omuramo guango, titukwija kurya chona chona mpaka twite Paulo. ¹⁵ Chityo ati, eibharaza rimugambhire omuserikali omukulu amulete omuli imwe, musane abharamula omushango gwa wenene omubhuge.Itwe nitujakubha twabheire taysari kumwita atakagobhire ao.'' ¹⁶ Chonka omwana wa dada yawenene Paulo aulira okwariho omupango, agenda aja omungone amugambhira Paulo. ¹⁷ Paulo ayeta akida omo agambha, ''Mutware omwana ogu omuserikali omukuru; kubha eine echigambho cho kumugambhira.'' ¹⁸ Aho akida amutwara orinya omusigazi amutwara amuserikali omukuru amugambhira, ''Paulo orinya akomirwe akanyeta akenda nkuretere omusigazi ogu ahaliwe. Eine echigambho chokukugambhira.'' ¹⁹ Ogwo omuserikali omukuru akamukwata omukono amutwara arubhaju, amubhaza, ''Nichintuki echokwenda kugambhira?'' ²⁰ Omusigazi ogwo agambha, ''Abhayuda bhapangirana kukusabha omurete Paulo nyencha omubharaza omungeri yokwenda kumanya amazima gawenene muno. ²¹ Iwe otaikiriza abhantu makumi gana nibhamuiga. Bhekomire omumiramo, tibhakurya wala kunywa mpaka bhamwite. Mpaka ati bhetekire, bharinzire ejubhuro kuruga owawe.'' ²² Ogwo omuserikali omukulu amureka omusigazi ayegendere, kiyamazire kumuragira ''Otamugambhira muntu wena wena kubha wangambhila ebhi.'' ²³ Ayeta abhaakida bhabhili agambha mutekateke abhaserikali chikumi ibhili kuja Kaisaria abhaserikali bhaaname efarasi nsanju, bhabhe bheine amachumu chikumi ibhili, nimujakugenda omukanya ke echiro cha kasatu omuchiro. ²⁴ Amugambhira bhate ebhigunju omubhuge Paulo owaratumira kumutwara omubhuge owa Feliki Gavana. ²⁵ Ahandika echipapura omugeri eji, ²⁶ Klaudio Lisia owa Liwali omukunirwa Feliki, nikushura. ²⁷ Omuntu ogu akakwata na Abhayuda bhakabha bheizire kumwita, nibhwo nagenzire na abhaserikali nkamurokola, kinamanyire kubha wenene no omuzarwa wa roma. ²⁸ Nkenda kumanya kubhaki mumutwejeire, chityo mutwara omubharaza. ²⁹ Mbhona kubha bhakabha bhamutwejeire omubhibhazo bhya omuku gwabho, wala akabha atariho echigambho chona chona echabheire chisanire kumwita na kumukoma. ³⁰ Chimanyika ahali nyawe kubha akabha ariho omupango ahali wenene, kukora bhwangu mutuma ahali iwe, kubharagira abhamutwejeire kureta emishango yabho ahali wenene omumeiso gawe. Bharagangana.'' ³¹ Abho abhaserikali bhakunira ebhiragiro: bhamutwara Paulo bhamutwara mpaka Antipatri omuchiro. ³² Echiro chahondereho, abhaserikali bheingi bhabhareka bharinya abhaanami bhe efarasi bhagende amo na wenene, nabho bhagaruka omugome zabho. ³³ Abhaanami bhe efarasi kibhagobhire Kaisaria, bhamuha liwali chirinya echipapura, bhateka Paulo omumeiso ga wenene. ³⁴ Nawe liwali kiyasomire echipapura, akamubhaza Paulo akaruga ijimbo riha; kiyamanyire no omuntu wa kilikia, ³⁵ agambha, ''Nijakukuurira iwe abhworahija ahali bharinya abhakutweijeire, ''ajubhura bhamute omubhukama bhwa Herode.