¹ "Barumuna bhange, nabhatata, muhulilize okwetongana kwange okundakora omulimwe hati,'' ² Embhaga kiyahurire paulo nagambha nabho echiebhurania, bhakesiza Agambha, ³ "Nyawe ndi omuyuda, nzalirwe omuchigo cha Tarso echichweka cha kilikia, chonka nsomeile omuchigo echi, omumaguru ga Gamalieli.Nkegeshwa kuringana ne emiku ya bhabha bheitu.Nyawe nyime omurimo gwa Mukama, nkenywe kumuri hati. ⁴ Nkabhasasa omumuhanda nkogu mpaka kukabha; nkabhakoma abhaseija nabhakazi mbhata omuchiome. ⁵ Nomuramuzi mkuru owa abhagurusi bhona nibhabhasa kujurira nkabhona ebhihandiko kuruga omuri bhonene abha rumuna abhali Dameski, nyawe nkanye kukwata orugendo kuja yonene. Chikabha chiseine mbhalete abhantu Yerusalemu abhomuhanda bhakomwe nanokusashwa. ⁶ Chikabhaho bhuliya obhunabheire ninja Dameski, omwiyangwe akahija omwengerero gubhanza kumulika. ⁷ Ngwa ahansi mpulira, ` Sauli, sauli kubhaki nogingiza?' <sup>8</sup> mporora, `iwe oryohi, Katonda?' Angambhira, 'Nyawe ndi yesu mnazareti, owo kugingina.' ⁹ Bhalinya abhabheire bhanyine bhakabhona omusana, chonka tibharahurile lilinya eiraka ryo orinya eyabheire nagambha nanye. ¹⁰ Nkagambha, 'Nakukoraki, Katonda?' Katonda angambhira, 'Yemerera oje Dameski; okwo nojakugambhira bhuri chintu echokupaswa kukora.' ¹¹ Tindabhasize kurebha obhwo kumeremeta kwo omusana ogwo, nanokugenda Dameski bhakwatirire bhatai bhange. ¹² Okwo nkabhugana omuntu omo ezinarye Anania, akabha aryomuntu eyakwasile emiku alimuntu we echitinisa omumeiso ga Abhayuda bhona abhabheire mbhatura okwo. ¹³ Akeija owange,ayemerera omumaiso gange, agambha, 'Murumuna wange Sauli, obhase kurebha. 'omukanya ako ndebha. ¹⁴ Agambha, 'Katonda wa tata bheitu yakuronda iwe obhase kumanya engonzi za wenene, kumurebha orinya ehine obhugororoki, no okuhurira eiraka ryokuruga omukanwa kawenene. ¹⁵ Obhwensonga nojakubha omujulizi ahali wenene abhantu bhona ebhyohurire no okuhurira. ¹⁶ Kubhaki norinda? Imuka, obhatizwe, oyoje ebhibhi bhyawe, oyete eibhararye.' ¹⁷ Kiyasubhire Yerusalemu, kinabheire ninsoma omukanisa, chikazoka nkashururirwa. ¹⁸ Mbhona nangambhira, 'Korabhwangu oruge Yerusalemu,kubha tibharaikiriza ebhirangiriro bhyawe ahali nyawe.' ¹⁹ Ngambha, Katonda, bhonene nibhamanya nkabhakoma omuchihome kubhatera bharinya abhakwesigire omukanisa. ²⁰ No obhwambha bhwa Stefano omujulizi wawe kibhwasheshirwe,nyawe nkabha nyemerehire ehi kwikiliza nkabha nindinda emwenda eza bharinya abhamwisire.' ²¹ Chonka akangambhira, 'Genda, kubha nyawe njakukuragira ogende are omubhantu bha amahanga.''' ²² Abhantu bhakamujubhura agambhe aha chigambho echi.Chonka bhakemucha eiraka bhagambha, ''mwiyemu omuntu ogu omwiyanga: kubha tichiseine kugira obhurora.'' ²³ Kibhabheire nibhagambhira ahiguru, bhanaga ebhijwaro bhyabho bhanaga eitaka ahiguru, ²⁴ Omuserikali omukuru aramula Paulo bhamurete omungome. Akaramula abhazwe oku naterwa ebhibhoko, wewe amanye kubhaki bhabha nibhamuterera enduru engeri ejo. ²⁵ Kibhabheire bhamukomire nemigoha, Paulo amugambhia orinya akida eyayemereire ehi na wenene, ''Isi no obhugororoki omuri imwe kumutera omuntu Omuroma atakaramwirwe?''' ²⁶ Orinya kiyahurire ebhigambho ebhyo, agenda owo Omuserikali omukuru amugambhira, agambha, ''Noyenda kukoraki? Kubha omuntu ogu no omuroma.'' ²⁷ Omuserikali omukuru eija amugambhira, ''Ngambhira, Isi iwe oryomuntu wa Roma?'' Paulo agambha, ''nikwo''. ²⁸ Omuserikali amuorora , ''Nokurabhira omumaera gaingi nibhwo nabhweine obhuzarwa. ''Chonka Paulo amugambhira, ''Nyawe ndi muroma owobhuzarwa.'' ²⁹ Bharinya abhabheire bheandehie kugenda kumubhaza bhagenda bhamusiga akanya ako. Omuserikali atina ,kiyamanyire kubha Paulo no omuroma, kubha akamukoma. ³⁰ Echiro chahondereho, omuserikali omukuru akenda kumanya amazima ekesi ya Abhayuda ahali Paulo. Akamukomora emigoha zawenene ajubhura abhakuru bha amakuhani ne eibharaza ryona bhatangwane. Aleta Paulo ahansi, amuteka omugati yabho.