¹ Ebhiro bhitano kibhyarabhireho, Anania kuhani omukuru, abhagurusi bhake engabhi omo oubhabheire nibheta Tertulo, bhakagenda hao Abhantu abha bhareta ekesi eya paulo ahali gavana. ² Paulo kiyayemereire omumeiso ga gavana, Tertulo abhanza kumutweijera kugambha ahali gavana, ''abhwawe twine emirembhe miango; na abhokurebha omumeso kwawe kuresile obhuinduzi bhurungi omunsi yeitu; ³ omukusima kwona nitukwata bhuri chintu echorakola, Wasalam omukunirwa Feliki. ⁴ Chonka ntakuremesa muno, nikutagiriza opulikirize ebhigambho bhike abhwo obhusasi bhwawe. ⁵ Kubha tubhweine omuntu ogu omubhohi, akozire Abhayuda bhona kuinduka ensi. Nangu no omwebhembhezi wa amazeebhu ga wanazorayo. (kwata:echichweka che ebhigambho bhyo omusitari ogu 24:6 ⁶ Nangu akarengesa kureta obhuchafu omukanisa tubhasa kumukwata., tigurimu omuchipapura chiandikirwe omubhuge obhwa kare).(kwata:Echipapura echi ⁷ Lisiasi, afisa, akeija yamutwara namani omumikono yeitu., tizilimu omubhipapura bhirungi ebhihandikirwe kare). ⁸ Kokubhaza Paulo ahali ebhintu ebhi, nojakubhasa kwega ni chintuki echitwamutwejera.'' ⁹ Abhayuda nabho bhamutwejera Paulo, mbhagambha bhati ebhintu ebhi namazima. ¹⁰ Liwali amwimuchiza omukono Paulo abhase kugambha, Paulo aorora, ''Nimanya emyaka zingi obheire omuramuzi omwiyanga eri, nyine ebhyera kwetorora nyawe omuri iwe. ¹¹ Nobhasa kumanya tibhikarabhireho ebhiro kusaga ikumi na bhibhili kwema najire kwehongera Yerusalemu. ¹² Kibhansangire omukanisa, tindahakeine na muntu wena wena, tindavurugire mbhaga, wala omukanisa wala omuchigo; ¹³ na wala tibheine mazima ekesi ezibhakuntaho nyawe. ¹⁴ Ninyikiriza echi ahali iwe, omumuhanda gubhakunyeta ehizehebhu, omumuhanda ogwo nikorera Katonda owa bhatata bheitu. Nyawe ndi mwesigwa omuri bhyona ebhiri omumuku no obhihandiko bhya abhaereza. ¹⁵ Tikutina kwo kwokwo omuri Katonda okubha nabho bhabhurinzire, okwija kwo okuzikurwa okwa abhafu, abheine obhugororoki na abhateine bhugororoki nabho; ¹⁶ na ahali echi, ninkora emirimo nbhase kurenga ehiramulo omumeiso ga Katonda omumeiso ga abhantu kurabha omubhintu bhyona. ¹⁷ Ati kiyarabhireho emyaka zingi nkeija kureta ebhabhazi omuyanda ryange mbhisaga amaera. ¹⁸ Kinakozire nti, Abhayuda abha Asia bhakasanga omubhugenyi bhwo okwezibhwa omukanisa ,atarimu mbhaga nanga kubhurwa obhusinje. ¹⁹ Abhantu abha chibhasanire kubha omumeso gawe ati bhagambhe echibheine ahali nyawe kibharabha bheine echigambho chona chona. ²⁰ Anga abhantu abha bhonene bhagambhe ni ikosaki eribhabhona ahali nyawe obhunayemereire omumeiso ge ebharaza rya ekiyuda; ²¹ sana obhwo echintu chimo echingambhire neiraka kinayemereire omugati yabho, 'obhwe ensonga yo okuzikurwa abhafu imwe nimundamura.''' ²² Feliki bhakabha bhamugambhire amazima go omuhanda, ayemereza embhaga. Agambha, ''lisia omuserikali kareija ahansi kuruga Yerusalemu nijakuramura echokukora ahali ekesi yanyu.'' ²³ Niho yaramuire omuserikaliamulinde Paulo, abhase kugira omwanya atabhaho muntu wa kubhatanga abhanywanyi bha wenene bhatamuseidia no okumucharira. ²⁴ Ebhiro bhike kibhyarabhireho, Feliki agaruka na Drusila omukazi eyabhehire ari Omuyuda, akatweka kumweta Paulo akaurira kuruga owawenene ebhigambho bhyo okwesiga omunda ya Kristo Yesu. ²⁵ Aho Paulo kiyabheire nafumora na wenene abhwo obhugororoki, kugira echiasi ne eramu eryokwija, Feliki agira obhutini ahorora, ''genda are ati, kindabhona akanya akandi, nijakukweta.' ²⁶ Akanya ako, akamanya ngu Paulo najakuhua amaera akamwetereza muno afumora nawenene. ²⁷ Emyaka ebhiri kiyarabhireo, Porkio Festo abha Liwali obhuyamazire Feliki, Feliki akenda kweyereka Abhayahudi, chityo amureka Paulo ahansi ya abhaserikali.