¹ Kichagobhire echiro cha Pentekoste, bhona bhakabha bharihamo. ² Aho chizoka esauti kuruga omwiguru nko omuyaga ngutinisa. gwijuza enju yona aibhabheire bhasitamire. ³ Hao azokaho ebhirimi, nke endimi ezomulilo zenagire, zikabha aiguru yabho bhuri muntu. ⁴ Bhona bhakeijuzwa mwoyo arikwera bhabhanza kugambha omungambha endijo, nka Mwoyo abhabhasize bhagambhe. ⁵ Akabha hariho abhayuda abhabheire mbhatura Yerusalemu, mbhakunira Katonda, kuruga bhuri hianga ahansi yensi. ⁶ Ehiraka eryo kiryahurirwe, echikundi chabhantu chija hamo mbhatina tina obhwokubha bhuri muntu akabhaurira mbhagambha omukugambha kwa bhonene bhonka. ⁷ Bhakatangara, bhonene bhagambha, ''Mazima, abha bhona abhokugambha ti Bhagalilaya? ⁸ Kubhaki itwe nitubhahurira, kuli muntu omukugambha okutwazeirwe nakwo? ⁹ Waparthia na wamedi na Waelamu, na bharinya abhatwire Mesopotamia, Uyahudi, na kapadokia, no omuri Ponto na Asia, ¹⁰ Omuri Frigia, Pamfilia, omuri Misri, ne echichweka cha Libya na Kirene, na abhagenyi kuruga Rumi, ¹¹ Abhayuda na waogofu, Wakrete na waarabu, nitubhahurira nibhagambha omungambha zeitu kurabha omumirimo zo obhubhasa bwa Katonda.'' ¹² Bhona bhakabha bhasobheizwa nokutamanya; bhakagambhirana bhonene kwa bhonene, ''Echi nichirengaki?'' ¹³ Chonka abhandi bhakanga mbhagambha, ''Abha bhegusire amarwa agasya.'' ¹⁴ Chonka Petro ayemerera amo nabharinya ikumi nomo, agambha neiraka, agambha, ''Abhantu bha Yudea na bhona abhokutura aha Yerusaleu, echi chimanyike omuri imwe, uririza omubhuge ebhigambho bhyange. ¹⁵ Abhantu abha tibhasinzire nko kumukugambha, okwokubha ati ni bhwancha. ¹⁶ Chonka echi chikabha chigambhirwe kurabha omuri Yoeli: ¹⁷ Nichijakubha omuchiro che ezindo; Katonda nagambha, Nitakushesha Mwoyo gwange omubhantu bhona. Abhana bhanyu na abheisiki bhanyu nibhajakuranga, abhasigazi bhanyu nibhajakusururirwa, na aabhazee nibhajakurota ebhiroto. ¹⁸ Nomunkozi zange na abhakozi bhange abhakazi omubhiro ebhyo, nijakusesa Mwoyo gwange, nibhajakuranga. ¹⁹ Nijakwereka ebhyokutinisa ahiguru kandi nomunsi, obhwambha, omuriro, no omwika gwomuriro. ²⁰ No omusana gurakorwa kubha omwirima na omwezi kubha obhwambha, kichirabha chitakeizire echiro chihango echokutinisa echa Mukama. ²¹ chirabha ngu bhuromo eyekirize eibhara rya Mukama najakukurokoka.' ²² Abhantu bha Israeli, uririza ebhigambho ebhi: Yesu owa Nazareti, omuntu eyateirweho na katonda omuri imwe omubhikorwa bhyokutinisa, ebhintu mukama kurabhira omuri wenene omugatia yanyu, nkehinywe okumurikumanya- ²³ Okwensonga nabhehireho kuruga obhwambhere, no obhubhasa bhwa Katonda, akatekwaho, nehinywe, ne emikono yabhantu abheisi, mukamusasa no okumwita, ²⁴ Obhwokubha katonda akamwimucha, akeiyaho obhusasi bhwo orufu ahali wenene, tichirabhasikeine kubhikwa norufu. ²⁵ Chityo Daudi nagambha ahali wenene, 'Nkamubhona Mukama omubhiro bhyona omumeiso go obhuso bhwange, wenene hali omukono gwange ogwabhuryo chityo tindeirizwayo. ²⁶ Chityo omutima gwange gukagira ebhyera na orurimi rwange rukashemirerwa. Omubhiri gwange nigujakutura omukwehamini. ²⁷ Nojakureka omutima gwange kuja omubhazimu, tokwikiriza akwera wawe kurebha obhufu. ²⁸ Iwe onyerekire nyawe omuhanda gwo obhurora; nojakukora nijure amasemererwa omumeiso go obhuso bhwawe.' ²⁹ Bharumuna, nibhasa kugambha omuri imwe omukwegumya ahali tata yeitu Daudi: wenene akafa yazikwa, n'e echituro cha wenene chiri hamo neitwe na hati. ³⁰ Chityo, akabha arimuereza na akabha namanya kubha Katonda akaharara omukwerahira kwawenene, ngu najakubha omo omuri oruzaro rwawenene omuchitebhe chobhukama. ³¹ Akachirebha echi kare, akagambha aha kuzikurwa kwa kristo, ''tarasigirwe mukuzimu, nomubhili gwa wenene tigurafire.' ³² Ogu yesu-Katonda akamuzikura, ogu itwe twena turi bhajulizi. ³³ Chityo,akamuta amukono gwa wenene ogwobhuryo ogwa Katonda, karabha akwasire endagano ya Mwoyo arikwela kuruga owa Tata, wenene ateireho endagano eji, neinywe nimubhona no kuhurila. ³⁴ Isi Daudi tarahareire kuja omwiguru, Chonka nagambha, 'MUKAMA akagambha ahali Mukama wange, ³⁵ '''Sitama omukono gwange ogwa bhuryo, mpaka kindabhakora abhabhi bhawe egodoro ya abhwa amaguru. ³⁶ Chityo enju yona eya Israeli na emanye amazima kubha Katonda yakora wenene kubha Mukama na Kristo, agu Yesu ohumwa tesize.'' ³⁷ Kibhahurire bhatyo, chibhasasa omumitima yabho, bhakamugambhira Petro ne entumwa ezindi, ''Bharumuna, tukoreki?'' ³⁸ Na petro abhagambhira, ''Mwechuze na mubhatizwe, bhuryomo, omwibhara rya Yesu kristo abhwo obhuganyizi bhwe ebhibhi bhyeitu,nimujakubhona ebhigemuro bhya Mwoyo arikwela. ³⁹ Isi omuri imwe ne endagano na abhana bhanyu na bharinya abhari are, abhantu bhehingi nka Mukama katonda weitu okwarabheta.'' ⁴⁰ Omubhigambho bhingi akabhona no okubhatagiriza; agambha, ''Mwerokore muruge omu ruzaro oru orukukora ebhibhi.'' ⁴¹ Bhakwata ebhigambho bhya wenene na bhabhatizwa,hao bhongezeka omubhiro ebhyo nke emitima ekumi ishatu. ⁴² Bhagenderera omu bhyegeso bhye entumwa no okukwasanya, omukubhegana omugate no omumashabha. ⁴³ Bhuri mutima gwijura obhutini, ne ebhitinisa bhingi ne ebhirengeso bhikakorwa kurabhira omuntwa. ⁴⁴ Bhona abhayesigire bhakabha bhari amo bheine ebhintu bhyabho hamo, ⁴⁵ na bhakaguza ebhintu ne ebhibhabheire bheine no okubhegana bhona kuringana no obhwetago bhwa bhuryomo. ⁴⁶ Omuchiro kwa chiro bhakagenderera bheine echirengeso chino omuri rwensinga, bhakabhegana omugate omumaju, na bhakarya echakurya nebhyera na natekeine omwoyo; ⁴⁷ Bhakasima katonda na bhakabha bheine echijubhuro na abhantu bhona. Mukama akabhareta echiro kwa chiro abhabheire mbharokorwa.