¹ Echitabho cha kare nkachihandika, Theofilo, ningambha bhyona Yesu ebhiyabhandize kukora no okwegesa, ² Mpaka echiro cha wenene akatorwa ahiguru. Echi chikabhaho abhwoyateireo omuku kurabhira mwoyo alikwera aha ntumwa abhiyabheire aronzire. ³ Obhuyamazire kubhona obhusasi bhwa wenene, Wenene akazoka omuri bhonene na rola nebhintu bhingi bhikabhona. Omubhiro gana akeyereka omuri bhonene, akagambha abhukama bhwa katonda. ⁴ Kiyabheire natanganwa nabhonene, akabhasabha bhataruga Yerusalemu, Chonka bharinde endagano ya Tata, hei, yagambhire, ''Mukahurira kuruga ahalinye ⁵ Kubha Yohana akabhatiza namaizi, Chonka nimujakubhatizwa na mwoyo arikwera omubhiro ebhi bhike.'' ⁶ Kibhabheire bherundeine amo bhamubhaza, ''Mukama, Isi aka niko kanya akindabhagarulira Israeli obhukama?'' ⁷ Wenene abhagambhira, ''Tichiseine omuri imwe kumanya akanya ako Tata arengire omubhubhasa bhwawenene wenka.'' ⁸ Chonka nimwija kukwata amani, akanya aka Mwoyo arikwela abhwareija ahiguru yanyu, naimwe nimwijakubha bhajulizi bhange omuri Yerusalemu na uyahudi yona na samaria mpaka omwisho gwe ensi.'' ⁹ Mukama Yesu kiyamazire kugambha ebhyo, kibhabheire mbharebha ahiguru, Wenene akemuchwa ahiguru, nechichu chikamusangira bhatamubhona na ameiso gabho. ¹⁰ Abhanya kibhabheire mbharebha omwiguru nagenda, chizoka, abhantu bhabhiri bhemerera omugati yabho bhajweire ebhijwaro bhyokwera. ¹¹ Bhakagambha, ''Hinywe bhantu bha Galilaya, kubhaki mwemereire aha nimurebha omwiguru? ''Ogu Yesu eyaarara ahiguru omwiguru najakugaruka omungeri nkejo nko kwo mwamubhona naja omwiguru. ¹² Bhagaruka Yerusalemu kuruga omwibhanga rye emizeituni, ogurihei na Yerusalemu, orugendo rye echiro che esabhato. ¹³ Kibhagobhire bhagenda omugorofa ahibhabheire nibheikara. Nabho ni Petro, Yohana, Yakobo, Andrea, Filipo, Thomaso, Batholomayo, Mathayo, Yakobo omwana wa Alfayo, Simoni Zelote na Yuda omwana wa Yakobo. ¹⁴ Bhona bhakabha omuntu omo, omukwetuma bhakabha nibhagenderera omumashabha.akabha ariho abhakazi, Mariamu mama yake Yesu, nabhakurubhwe abhasigazi. ¹⁵ Omubhiro bhirinya Petro akemerera omugati ya abharumuna bhakabha bhari bhantu 120, agambha, ¹⁶ Bharumuna, chikabha chiseine ebhihandikirwe kugobheserezwa, obwakare Mwoyo arikwela akagambha omukanwa ka Daudi ahali Yuda, orinya eyaragirire bharinya abhakwasire Yesu. ¹⁷ Nawenene akabha ali omuritwe akakwata echawenene echiseine omumurimo ogu.'' ¹⁸ (Omuntu ogwo akagura echibhanja ahali chirinya echiyakwasire omu bhibhi bhyawenene akagwa abhanzaho omutwe, omubhili gunyamuka neibhondo ryawenene ryona ribha echiuru bhiseseka. ¹⁹ Bhona abhatwire Yerusalemu bhakaurira ahalyechi, echichweka echo bhacheta omukugambha kwabho ''Akeldama'' kubha ne''echibhanja cho bhwambha.'') ²⁰ ''Omuchitabho cha Zaburi chihandikirwe, 'Reka echichweka chibwe orweya tutekiriza muntu nobho omo kwikara alinya; na, 'Ramura omuntu ondijo atware akanya kawenene ako obhutwazi.' ²¹ Echo chiseine, obhwokubha, omuseija omo abharinya abhaondereine neitwe akanya ka Mukama yesu kiyarugireo no okutaha omuri itwe, ²² Kubhandiza abhubhatizo bhwa Yohana mpaka echiro chirinya echiyatweirwe ahiguru, najakubha omujulizi owo okuzikurwa amo neitwe. ²³ ''Bhakateka omumeiso abhaseija bhabhiri, Yusufu akwetwa Barnaba, eyabheire nayetwa Yusto na Mathia. ²⁴ Bhakasabha nibhagambha, ''wewe, Mukama, okumanya emitima yabhantu bhona, tugambhire noi omuryabha abhantu bhabhiri ouwaronda ²⁵ Kutwara akanya omuri omirimo no obhuereza, kubha yuda akakora ebhibhi nokuja ahiyabheire asanire.'' ²⁶ Bhatera ekura abhwabhonene, bharondamu Mathia eyabhazirwe omuri bharinya abhaereza ikumi nomo.