¹ Aha kujuna abhakirisito n'obhwo nakubha ntabhahandikire bhisaagireho. ² Nimanya okwu omulimo ogwu muguteireho omutima; echo nicho chimpa okubhebhugah aha Bhamasedonia ningamba okwu abha Akaya omulimo bhakagutaho omutima kwema mwaka oguhoire, mara bhangi muno omuli abho echika chanyu kibhatairemu amani. ³ Chonka kantweke bharumuna bhaitu, chitaija chikazoka okubhebhuga kwange aha mulimo ogu kwa busa, kandi na imwe aho musangwe mutaire omutima aha mulimo ogu, nk'okwu nagambire okwo muragutaho omutima; ⁴ Abamasedoni bhateija bhakeija neija bhakasanga omulimo ogu mutagutaireho chika, itwe tukasonara aha bhw'okubhesiga tutyo, kandi tukabha tutakibhebhuga rundi. ⁵ Chityo mboine nichipe ntemu bharumuna bheitu echika bhanyebhembere okwo, bhatekateke esumbuso ejo eyo mwaragaine, eteija ekazoka yajirwa akujimbwa, ezoke eli sumbuso y'obhweyendezi. ⁶ Echo nkugamba nichechi: Ayabhibha bhike alisarura bhike, n'ayabhyara bhingi alisarura bhingi. ⁷ Bhuli muntu naragirwa kukora okwu ayetegekire: Atasindara, kandi bhutabha bhukakwa. ⁸ Katonda auenda ayaha nasemelerwa. Katonda ogwo nasobhora kubhatunga omugisha gungi ogwa bhuli ngeli, bhuli kanya musobhore kujira ebhibhamazire, kandi n'abhandi mubhone kubhajunisa bhingi ebhy'okukoza emilimo yona emirungi. ⁹ Nk'okwu chahandikirwe chiti; “Abhajege abhatunga bhingi, echisache ch'eira lyona.” ¹⁰ Wenene atunga omubhibhi embibho n'omukate gw'okulya, n'iwe arabhaha obhwihyo bhungi kandi akabhongera erongoro aha rw'echisa chanyu. ¹¹ Echisha chanyu chingi kilibhabhonesa bhingi omuli bhuli kantu, aho na katonda aije asiimwe aha bhw'echisa cheitu echo. ¹² Kubha omulimo ogu ogwo mulikukora tigulikwija kubhonesa bakirisito byo bhakwenda kwonka, nawe nigwija kusindika abhantu bhangi kusiima katonda. ¹³ Okwu eikora eli lilikuzoka, nimwija kuhaisa katonda ekichinwa aha bhw'omuhuliro gwanyu obhwo mulikwebhuga evangeli ya Kirisito, n'aha bhw'echisa echo mulikubhagilira omu kubhajuna n'okujuna abhantu abhandi bhona. ¹⁴ Kandi bhonene abho bharaikara babagiliire orususo, mara bhate nibhabhasabira aha abhw'ekisha kingi echo Katonda yabhatungire mwena. ¹⁵ Katonda yakora aha rw'amatungwage aga agatali ga kugambwa.