¹ Nyawe Paulo wenene, omwetohya obhwo ndi hamo na imwe, emanzi obhwo mbali hara, nimbatagiliza mbataireho obhufura n'obhwetohya bhwa Kirisito. ² Nimbatagiliza, obhwo ndabha ndi okwu mutakungambisa na mani ago ndagiirwe kukoza obhwo ndabha nkwatangaine n'abhakutulenga kubha bhantu bh'ensi. ³ Ensonga n'obhwu tuli omu nsi titukurasana ndasana ya mu nsi. ⁴ Nobhona ebhikwato byeitu ebhyo tukurasanisa endasana ti bhikwato bjya mu nsi omu. Bhikwato ebhine amani ga Katonda agalikusobhora kusilicha ebhoma zona. ⁵ Ebhy'abhantu bhakuhakana nitubhichureza, n'abheikuru abhakwanga obhumanyi bhwa Katonda nitubhatera ahansi. Nituhindura ebhitekelezo bhya bjuli muntu asobhore kujira omuhuliro ahali Kirisito, ⁶ kandi twetegekire kubhonabhonyia bhona abhateina muhuliro, mulemwe mujire omuhuliro nyakabhara. ⁷ Ebhigambo mubhikwasire okwu mukubhibhona. K'omuntu arabha nayemanya okwu ali wa Kirisito, aijuke okw obhwo ali wa Kirisito naitwe tutyo. ⁸ Kubha n'obhwo ndayebhugaho obhushobhora obhwo twinabhwo, obhushobhora obhw'okubhombeka, kutali kubhakambhura, tikwija kujira nsoni. ⁹ Ntakuzoka nimbatinisa mu bharua zange. ¹⁰ Kubha haliho abhakugamba bhati, “Ebharuaze zisikiire mara ziina amani, chonka obhubhili nayorobha, n'ebhy'alikugamba tibhine kantu.” Abhantu nk'abho bhashobhokerwe okwu ebhyo tukugamba omu bharua obywo tutali okwo, nibhyo bhyonene bhyonene ebhyo tukugamba obhwo tukwija. ¹¹ Itwe titwakuziza kujira tuti nitwigana n'abhakwekuza. ¹² Bhonene nibhebhona nibho bhonka abheina amagezi, mara tibhalikukirwa muntu; chonka tibhaine chobhalikushobhokerwa. ¹³ Titukwija kwesiima tukasagulirana; chehi, nitwija kugarukira mbali Katonda yatupimiire, nibhwo orubhimbi orwo yatukwasize, nangu naimwe nitwija kubhagobha. ¹⁴ Mara titukwehanguhya kusagulirana nk'okwu chakubhaire okw muli omwo mbali Katonda yatulengeire, katutakwizire wanyu, n'itwe twabheire bha mbere kwija owanyu tubhaleteire evangeli ya Kirisito. ¹⁵ Titwakwesiimira milimo ya bhanu kusagulirana. Sana nitusubhira okwo okwesiga kwanyu kurayeyongera, aho naitwe tubhone obushango bw'okubhegesa ebisagireho. ¹⁶ Chityo aho turasobora kuranga evangeli omu nsi ezindi, etali yanyu, tutaizire kwesiimira mulimo ogw'omuntu ayekoleire omu chichwekachee. ¹⁷ “Arabha ali w'okwesiima ayesiimire ebyo Katonda akozire.” ¹⁸ Alikusimwa t'oliya alikwesiima, sana alikusiimwa Omukama.