¹ Kamwakutekaniire obhufera bwange! Muntekanire. ² Nimpulira nimbabhubhira okw Katonda abhubhira abh'agonza, mbone kubhasiigira musaija omo kubagobhya ahali Kirisito nimususa omugore entahagara. ³ Chonka nintina. Nk'okwu enjoka yakolize obwenge ekabheiyabheiya Eva, nikwo naimwe ebhitekelezo bhyanyu bhikwija kuhabha mukalekera kubha bhesigwa ahali Kirisito, mukalekera n'okumwenda engonzi ezihikire. ⁴ K'omuntu araija akabharangira Yesu ondijo atali owo twabarangiire, anga mukajibhwamu omutima ogundi ogwo mutagirwemu rwa mbere, anga mukesiga evangeli endijo etali eyo mwaikiliize, ebhintu nk'ebhyo nimwija kubhitora bwangu. ⁵ Tikulenga nk'omu ntumwa ezikuru nyawe ndi ntumwa ey'ahansi. ⁶ N'obhwo ndabha ntakumanya kugamba, tikwo kujir'oti tinkumanya kantu. Ebhi bhyona tukabhibhasobhorora kabhutekire okwo twabheire nitusobhora. ⁷ Isi nyawe kanayetohize imwe kamutungama, nkakora obhufu, aha bhw'okubha nkabharangira evangeli ya Katonda muteine chomumpaire? ⁸ Nka nanyagire ekanisa ezindi, ⁹ obhwo naikiliize kutora eshlumbuso eyo bajizire, mbone kujuna imwe! Obhwo nabheire ndi okwu nkabhurabhulirwa, choonka taliho wonabheleire mubhi. Ebhy'okunyamba bhikajirwa bharumuna bheitu abharugire Masedonia. Chityo nketanga mara ndiguma nyetangire kubhera omuntu wena wena kubhi. ¹⁰ Ningamba amazima aga Kirisito; chityo taliho alikwija kunsiza ntebhuga ntyo omu mikoa ya Akaya. ¹¹ Isi kubhaki? Aha bhw'okuba tinkubhagonza? Manya katonda namanya okwo nkubhenda. ¹² Mara ebhyo nkukora ndiguma mbikozire, nyije mbone kumara amani abalikweshalingya okwo emikolere yabo n'eyaitu niy'emo. ¹³ Abantu nk'aba ntumwa z'ebisuba, bhakozi engobhya, abhalikwehindura ntumwa za Kirisito. ¹⁴ Kandi mutakutangara! Kuba na Sitani ayehindura mumalaika w'omushana. ¹⁵ Chityo echo tikilikuobeza k'abhakozi bha Sitani bharabha nibhehindura bjakozi abhaina obhugorogoki. Ebhikorwa bhyabo ebyo bhilibjatoijera. ¹⁶ Kansubhemu: Omuntu atandenga mufera. Chonka n'obhwo murabha nimundenga mutyo, reka mundenge nk'omufera, bhuzima nanye nyesimeho kake. ¹⁷ Ebhyo ndikugamba tindikubigambisa bushobora bhwa Katonda, nimbigamba nk'omufera, mara echi ninchesiimira; ¹⁸ obhwo bangi besiimira ebhintu by'ensi, nanye ndayesiima. ¹⁹ Imwe nimushemelerwa kwemera ebhifera, kandi okwo inywe muli bhamanyi! ²⁰ Lebha, imwe nimwemera omuntu kubhahindura bhairu, nimwemera omunyagi, n'akubhakoza kubhaihyaho amagoba, n'alikubashaijuruza, n'alikubatera empi. ²¹ Kangire nti ch'enshoni, kubona itwe ebhyo titwabisobhoire! Chonka chona chona echomuntu alikumaza kwebhuga, kangambe bundi mufera, nanye ekyo nimaza kukyebuga. ²² Isi abho Bayahudi? Manya nanye ndi Muyahudi. Isi Baisiraeli? Manya nanye ndi Mwisiraeli. Isi nibatabuka ahali Aburahamu? Manya nanye n'iwe ntabukaho! ²³ Isi bairu ba Kirisito? Inye ninshaagaho; ahanu nagamba nk'omuraru, kubha emilimo y'amani ninkora eshaagireho, ninfungwa kusaaga abhandi, okuterwa tinakubhara, emirundi nyingi nagobire aha kwija kufa. ²⁴ Emirundi etano Abhayahudi banteire enshanju 39, kuburwaho rumoi kugoba 40. ²⁵ Ndateirwe enkoni kasatu; limoi nkaterwa amabhare, kasatu emeli nizisinjagulika nzilimu, nindara omu nyanja nijisibamu. ²⁶ Omu ngendo zingi ezakambaireho ndaizire kugwa omu miiga, abasuga baija kummara oruguru, ngambeki Abhayahudi beitu, leka abanyamahanga, naija kugwa omu chigo, n'omu irungu n'omu nyanja, na barumuna baitu ab'ebishuba baija kummara. ²⁷ Nafa nayosha, omuro gwambaho, enjara n'eiliho biti nkuboine, emirundi nyingi naburwa echakulya, embeho n'okuburwa eky'okujwara nabhyo ebhyo byambaho. ²⁸ Kandi n'obhwo ebindi nakubha ntabigambire, ekanisa zona zitura zimpangaire. ²⁹ Ow'okubhurwa amani inye gatambuzire n'ohai? Owo balikugwisa inye ntatamirwe yab'ohai? ³⁰ Kakuraba kuli kwebhuga, kanyebhuge ebikozirwe obujege bwange. ³¹ Katonda oliya Ise Omukama Yesu namanya okwo ntakubheiya. ³² Omuli Damasiko gavana ayabaire atairweho Omukama Aretasi, akalinda echigo echo agondize kunkwata. ³³ Chonka bhakanteka omu kitukuru bhansongolera omw'idirisha ly'orukuta namuruga ntyo omu mikono.