¹ Kanyebhuge, n'obhwo okwebhuga kurabha kutaine mugaso. Chonkail ebhyo nabhonekeirwe n'ebhyo Omukama yansuruliire nimbigamba. ² Nimanya omukirisito omo ayasutwirwe akagobha omw'iguru lya kasatu, emyaka 14 eyahingura. Nka yabhaire narora anga afire, echo tikukimanya; nichimanywa Katonda. ³ Echiliho nimanya okwu omuntu ogu yashutwirwe akagoba Paradiso. Nka yabheire narora anga afire echo tikuchimanya, nichimanywa Katonda. ⁴ Wenene ogwo akahulira ebhitagambwa, ebhy'omuntu atakugamba. ⁵ Mbwenu kanyebhuge aha bh'omuntu ogu. Tinkwija kwebhuga aha bhwange sana nyebhuge obhujege bwange. ⁶ N'obhwo nakwenda kwebhuga timbe mufera, aha bhw'okubha ninyija kugamba amazima. Chonka echo ninchenyinya, omuntu ataija akantekeleza kubha kusaaga okwu akumbona anga kuhulira ebhyo nkugamba. ⁷ Nteija nkebhuga nkashaagulirana aha rw'ebhintu bhingi ebhyo nasuruliirwe, niyo nsonga nkachumitwa eihwa, niyo ntumwa ya Sitani, yambumbuija, ntaija nkebhuga nkatamu gungi. ⁸ Nkatagiliza Omukama kasatu aha bhw'ensonga y'echigambo echi kakindugaho. ⁹ Chonka wenene yangambira ati, “Echisa change nichikumara, kubha omu bhujege nimwo obhusobhora bwange obhugobeleire bumanyikira.” Ninyija kugendelera kwebhuga obhujege bhwange, nyije mbone kujira amani ga Kirisito. ¹⁰ Niyo nsonga ninsemelerwa kubha mujege, bhanjume, nsase, banyite kubhi, mpangarwe n'omwoyo nibhantura Kirisito. Ahakubha obhwo ndikuba mujege nibhwo ndikujira amani. ¹¹ Honene nyawe mbaire mufera! Chonka n'imwe mwankakire kubha ntyo, kuba imwe mwakuragiirwe kumpa eibhara lirungi. Nobhona n'obhwo ndaba ntaina kwo ndi, entumwa ezo ezikuru muno tizina kyozilikunkizaho n'akati. ¹² Okwegumisiliza kwange okutali kuke, obhubhonero n'eby'okutangaza n'ebigiro by'amani ebyo nabakoleire nibhwo bhubhonero obw'entumwa ey'amazima. ¹³ Ni chiha echekanisa ezindi zabhachilizeho? Lebha naimwe tinabhabheleire mubhi. Munganyire entambara egyo! ¹⁴ Mbwenu ndiyo n'inyetekateka kwija okwo omurundi gwa kashatu. Kandi tindikwija kubabera mubhi. Ebhyo mwinabhyo tibhyo nkuhiga, sanasi nimpiga imwe. Kubha abhaana tibo baragirwa kubisira bazaire bhabho; abhazaire nibo balikuragirwa kubisira abhana bhabho. ¹⁵ Ndasemelerwa muno munonga kwehayo, mara nyeheyo kurokora emyoyo yanyu. Kandaba nimbagonza muno, inywe aho mungonze mpora? ¹⁶ Inywe nimugira muti tinakubhabheleire mubhi, chonka muti nkabhachiza obhwenge nabhagobheza. ¹⁷ Isi omuli balinya abho nabatwekeire halimu owo nabhatwekeire kubhanyihiraho akagobha kona kona? ¹⁸ Tito n'iwe natagiliize kwija okwo, nasubha namutaho murumuna waitu omo. Isi Tito wenene ogwo aina akameka ako yabheihireho? Manya wenene nanye twakoraga bhimo! Tukatambuka ntambuka emo. ¹⁹ Lero aho mbali mukatulira mulenga muti itwe tukabha nitweyeza ahali imwe? Bhagonzibwa, ebhyo tukagamba tubhigamba omu mabona ga Katonda twemirwemu Kirisito, mara ebhyo tubhigamba kwombeka imwe. ²⁰ Nangu nintina nti haliho obhwo nakwija nkabashanga muli okwo ntakwenzire kubashanga, anga inywe kumbona ndi okwo mutakugondize kumbona ndi: Haliho orwo yakubaho enkungana, ekiisho, ebiniga, okweyenda, okuhagikangana, einwa, okwetutumura n'etabhangu. ²¹ Mara kandi nintina kandagaruka haliho obhwo katonda yakunfutika omu meiso ganyu nkaragirwa kuchulira abhafakaire ruli mara batakechuzaga bhuhagare bhwabho, na bhujanga, na mairu gabho gabhi.