¹ Alafu aliye ayanzya ufundisya mumbali iya bahari. Nubhumati ubhukulu aliye bhuhongana bhumulibhizya, ayinjila mukasi iya mutumbwi mubahari, Ayihala. Ubhumati bhwonsi bhali mumbali iyabahari. ² Na afundisya amambo aminji kumifano, na alanda ukwabho kumafundisyo gakwe. ³ Yivwini, Inpanzi yapisile nuhomela. ⁴ Aliye pe akuhomela, Ibaazi iya mbeyu aliye zigwila munzila, nivinyunyi vibhala vilya. ⁵ Imbeyu zimo aliye zigwila pamwamba pepatali ilongo ilyinji. alafu zyuma, Kusababu zitali nilongo ilya tosya. ⁶ Lakini alanzi aliye pe lyafuma, aliye zyuma, nakusababu zitali nimizizi, aliye zyuma, ⁷ Imbeyu zimo aliye zigwa pakasi iya minvwa. Aminvwa galiye gakula na gazitota, na zitashili zivyale amatunda gonsi gala. ⁸ Imbeyu zimo aliye zigwa mwilongo izifu zivyala amatunda pe zikula nu konjezeha, zimo aliye zivyala mala selasini nukwendeleya nkani, na zomo sitini, nazimo imya.'' ⁹ Na ati, Wensi uwa makutwi agakwivwa, ayivwe!" ¹⁰ Uyesu aliye pe ali weka, bhala bhe bhali papipi nao nabhala kumi nambili bhaliye bhamubhuzya uhusu imifano. ¹¹ Alanda ukwabho, ''Ukwinyu mwemupebhwa isiri iya bhufalme ubhwa mwene uwa kumwanya. lakini kubhebhali kunzi shilashintu mifano, ¹² Ili ngabhalola kwen kulola, lakini bhatalola na kwahiyo pe bhakwivwa kwen kwivwa, lakini bhatakwelewa, ngantinye te vyeviyo bhali bhasenuhe numwene uwa kumwanya ali abhasamehe.'' ¹³ Na alanda ukwabho, ''Shene mutakwelewa umufano uno? mumelewa bhuli imifano iyinji?. ¹⁴ umupanzi aliye ahomela ineno. ¹⁵ Ibaazi bhebhala bhe bhahagwa mumbali iya nzila pala pe ineno liahahomelwa. na aliye pe bhivwa, usyetani ayinza nulisenda ineno lye aliye lihomelwa mukasi yabho. ¹⁶ Na baazi bhebhalam bhe bhahahomelwa pamwanya iya mwamba, bhe pebhivwa ineno, kuharaka bhaliposhela kulaha. ¹⁷ Na bhatena imizizi yonsi yila mukasi yabho, lakini bhavumiliyaga kumuda umufupiu. Alafu itaabu na masumbufu nga pe vyinza kusababu iyi neno, alafu ukunpala. ¹⁸ Na bhamo bhebhala bhe bhahahomelwa pakasi iya minvwa. Bhakwivwa ineno, ¹⁹ Lakini amachulo aga duniya, ilenga nimali, nitamaa izya mambo aganji, zibhinjilaga nulisonga ineno, na lipotwa uvyala amatunda. ²⁰ Alafu kuli bhamo bhe bhahahomelwa kwilongo izifu. Bhakwivwa ineno nuliposhela nuvwala amatunda: Bhamo selasini nabhamo sitini, nabhamo myamoja.'' ²¹ Uyesu abhabhula, ''Shene akuyiletaga itaa mukasi iya nyumba nuyibhiha mushikapu, ama pansi iya shitala? Akuyitaga mukasi nuyibhiha pamwanya. ²² Kwe kutali shonsi shila she shihavwama she shitalamanyiha, na kutali isiri ye yitalabhikwa apazeru. ²³ Nga uwamakutwi, aga kwivwa, ayivwe!" ²⁴ Abhabhula, ''Mubhe makuni kuli shila she mukwivwa, Kwe ishipimo she mupima, shene mulapimilwa, na shimonjezeha ukwinyu. ²⁵ Kusababu uyo we ali nasho amaposhela nkani, na ula we atenasho, ufuma ukwakwe vimasendwa navilanye vye ali navyo.'' ²⁶ Na ati, ''ubhufale ubhwa mwene uwa kumwanya bhuhaholana numuntu we ahahomela imbeyu pakasi iyi longo. ²⁷ Aliye adila ubhusiku nudamula hatindo, imbeyu zichipuha nukula, ngantinye vye atamanyile vye aliye shitokeya, ²⁸ Iduniya yifumyaga imbeyi inkola; kwanza amatundu, alafu amauwa, alafu imbeyu zye zihagoma. ²⁹ Nuwakati imbeyu pe yela, yitwala mundu, kusababu amavuno igapalamila.'' ³⁰ Na ati, ''Tubhuholaniye ubhufalme ubhwa mwene uwa kumwanya nashintu buli, ama tutumiye mufano bhuli ukwelezya?. ³¹ Shili vye mbeyu izya haradali, amabapo aliye pe yahomelwa nyindo nkani kuliko imbeyu zyonsi paduniya. ³² Na pe yahomelwanye, yikula njubha nkulu kuliko imimeya yonsi iya muntapila, na yibha naamatundu amakulu, nivinyuninye ivya kumbanya vitanga bhiha ivisanzo vyabho kushizunda shakwe.'' ³³ Kumifano imyinji aliye afundisya na aliye alanda ineno ukwabho, kukadi vye aliye bhelewa, ³⁴ Natashili ayange nabho bila imifano. lakini aliye pe ali weka, abhelezya shilashintu abhanafunzi bhakwe. ³⁵ Kulyanda ilyo, uwakati uwa jioni aliye pe wafiha, alanda uwakbho, ''tubhalini ubhupande ubhwa pili''. ³⁶ Kwahiyo bhabhuleha ubhumati, bhamusenda uyesu, uwakati uwo pe aliye ali tayari aliye ali mukasi iya mutumbwi. Imitumbwi iyinji yali poka nao. ³⁷ Ninpepo inkali iya zoruba na amawimbi aliye gakwinjila mukasi iya mutumbwi numutumbwi aliye wewizula. ³⁸ Lakini uyesu umuho ali nishetri, atadila mwihoga. bhamudamusya, bhati, ''mwalimu, utajali swenji twafwa ?'' ³⁹ Na adamula, ayikemeya inpepo na ayibhula ibahari, '''Yibhe shwali, iyamani''. Inpepo yituliya, na kwali ubhutulivu ubhukulu. ⁴⁰ Na alanda ukwabho, ''kweshi mukogopa? shene, mutena iyimani bado?" ⁴¹ Aliye bhabha nihofuinkulu mukasi yabho na bhalandilana bhubho abhahola, ''uno wewenu habhili, kusababu ninpeponye iya mubahari vimweshimu?''.