¹ Nahabhili aliye ayinjila mukasi iya sinagogi na mula pali umuntu uwihono lye lihafwa. ² Ibaazi aya bhantu aliye bhamulondelela kubhukaribu nulola nga akumupozya ilyanda ilya sabato ili kwamba bhamusitage. ³ Uyesu aliye abhabhula uwihono lye lihafwa, ''yinuha na uyimilile kubhumati ubhu.'' ⁴ Alafu abhabhula abhantu, ''Je halali ubhomba itendo izifu ilyanda ilya sabado au ubhomba gegatali ni haki; ukokowa amayisya au ukumola?'' Lakini aliye bhatuzya. ⁵ Abhalola kushilahali, enge akununguniha kusababu iyabhugomu ubhwa myoyo yabho, na amubhula umuntu wula, ''Golola ihono lyabho''. Aligolola nuyesu alipozya ihono lyakwe. ⁶ abhamafarisayo bhafuma panzi bhabhomba injama poka na maherode kuliwuyo ili umwumola ⁷ Alafu uyesu, poka na abhanaunzi bhakwe, aliye bhapita kubahari, na ubhumati ubhukulu ubhwa bhantu aliye abhalondela ange akufuma kugalilaya na ubhuyahudi. ⁸ nufuma kuyelusalemu nufuma idumaya iya yorodani na ijilani iya tiro na isidoyi, ubhumati ubhukulu, pe aliye uyivwa shila muntu she aliye akubhomba, aliye bhinza kuliwuyo. ⁹ Na aliye abhabhula abhanaunzi bhakwe ukwandaa umutumbwi umudwo kwamili yakwe kusababu iya bhumati, ili kwamba bhatinze bhamusonge. ¹⁰ Kwe aliye apozya abhinji, ili shilamuntu we ali na amateso ali ni shawuku iya mufishila amuguse. ¹¹ Ponsi pe abharoho abhachafu pe bhamulola, pansi inkolelo iya kuli lunji, ''Wewe mwene uwa mwene uwakumwanya''. ¹² aliye abhamuru kumusisitizo bhatashibhomba umanyihe. ¹³ Aliye apita pamwanya iyigamba, na abhita bhe aliye akubhanza, na bhapita ukwamwe. ¹⁴ Abhachagula ikumimna bhabhili (aliye abhita abhamitume), ili kwamba bhabhe pioka nawo na abhatuma kuhubiri, ¹⁵ Nubha nimamlaka iya iya kwefya amapepo. ¹⁶ Na alabhachagula ikumi na bhabhili; Usimoni, we aliye amupa izina ilya petro, ¹⁷ Uyakobo umwana uwazebedayo, nuyohana undugu wakwe uyakobo, we ahapebhwa izin ailya bonagesi, ibho bhana abha ngurumo, ¹⁸ Nuandrea, Ufilipo, Ubatromayo, Mthayo, Tomaso, Yakobo, Umwana uwa alfayo, Thadayo, usimoni mkanana nayo, ¹⁹ Na uyuda Iskaliyoti, we atamusaliyi. ²⁰ Alafu apisile kunyumba, na ubhumati ubhwa bhantu bhinza habhili, bhapotwa ulya umukate. ²¹ Ifamiliya yakwe aliye pe bhivwa ihabari iyo, bhabhazile bhamulema, kwe bhatiyi, ''Iyachili izilunduha ''. ²² Abhandishi bhe aliye bhinza ufuma kuyerusalemu aliye bhati, ''Atapagawan nu Beelzebuli,'' na, ''kuhatawala uwa mapepo akwefya amapepo''. ²³ Uyesu abhisiye ukwakwe uyanga nabho kumifano, ''shilibhuli vye usyetani angatowa usyetani? ²⁴ Nga ubhufalme bhwagawanyiha ubhuhola, ubhufalme ubhwo bhutangimilila. ²⁵ Nga inyumba yagabhanyiha inyumba iyo yitangimilila habhili. ²⁶ Ngushetani ayimilila ashinyume shakwe wuyo nugabhanyiha,atangimilila,amapela iwufiha umwisho wakwe. ²⁷ Lakini kutali nawekanye wanginjila mkasi iyanyumba iyamuntu uwamaha nukwibha ivintu vwakwe bila umunyepa uwamaha kwanza,nukusanaya sheshili munyumba. ²⁸ Yani nkubhabhula, amazambi gonsigabhantu galasamehebhwa, poka nukufulu kwebhayanga, ²⁹ Lakini wensi wekushe akufulu uloho umutakatifu atalasamehebhwa nalimonye, bali alinihatiya iyamazambi kumwanya.'' ³⁰ Uyesu alitasile ili kusababu bhatiye bhakutaha, ''aliniloho ifinsu,'' ³¹ Abhamama bhakwe na bhandugu bhakwe bhaliye bhinza bhimilila panzi. Bhatuma umuntu amwita. ³² Nubhwinji ubhwa bhantu bhweliye ebhwihala karibu nawo bhamubhula, ''Umama waho nabhamwinyu bhali panzi, bhakwanza wewe''. ³³ Aliye abhabhula, ''Wewuwenu umamawane nyuyo na abhamwitu?'' ³⁴ Aliyenge abhalola bhealiyenge bhihala bhebhamulibhizya, ati, ''Lola, ibha bhebhamama bhane nabhamwitu! ³⁵ Wensi we akubhomba amapenzi aga mwene uwa kumwanya, umuntu uyo wamwitu, nudada wane numama wane''.