¹ Aliye pe agaluha kukaperinaumu ibaada iya manda mashe, aliyen shivwiha kwamba ali kunyumba. ² Abhantu abhinji bhaliye bhebhahomana pala nayitaliko inafasi habhili, niyapamulyangonye, nuyesu aliye alanda ineno kuli bhubho. ³ Habhili baadhi iya bhantyu bhinzile ukwakwe bhe aliye bhamuleta umuntu we aliyenge ahafwa ulusali lumo; abhantu bhani aliye bhamunyatula. ⁴ Uwakati pe aliye bhapotwa umupalamila kusababun iya bhumati ubhwa bhantu, aliye bhefya aliye bhefya inyumba pala pe aliye akwihala. Na pen aliye bhatulula ilina, aliye bhisya ishitala she umuntu we ahapooza aliye akudilila. ⁵ Aliye pe alola iyimani yabho, uyesu aliye amubhula umuntu we ahapooza, ''mwana wane, amazambi gaho igasamehebhwa.'' ⁶ Lakini ibaadhi iya bhandishi bhe aliye ebhihala aliye bhajihoji mumyoyo yabho. ⁷ ''Angazya bhuli bhuli umuntu uno ulanda bhulo? Akukufuru! Wenu we angasamehe izambi wewumwene uwa kumwanya wekanye?'' ⁸ Uyesu aliye amanyile mumwoyo wakwe sheliyenge bhakwelengula kati yabho abhahola. Aliye abhabhula, ''Kweshi mukwelengulka bhulo mumiyo yinyu? ⁹ Lilikwi lye lihapepela nkani ulanda kumuntu we ahapooza, 'Amazambi gaho gahasamehebhwa' au uti, 'yimilila, senda ishitala shaho, upite?' ¹⁰ Lakini ili bhapate umanya kwamba umwana uwamamulaka iya sameha izambi kuduniya, aliye amubhula wula we ahapooza, ¹¹ ''Inkubhula wewe, bhuha, senda ishitala shaho, upite kunyumba yaho.'' ¹² Aliye ayimilila lyo asenda umukeka wakwe, na aliye apita kunzi iya nyumba pankolelo iya shila muntu, bhonsi bhaliye bhasangaya na aliye bhamupa umwene uwa kumwanya ybhutukufu, na bhati ''kamwe, tutatala tulole ijambo kama ili.'' ¹³ Aliye apita kumbali iyizibha, na ubhumati bhwonsi ubhwa bhantu aliye bhanza ukwakwe, na abhafundisya. ¹⁴ Aliye pe akupita aliye amulola ulawi umwana uwa alfayo atihala kusehemu iyakusanizya ikodi na amubhula, ''Ndondela.'' Aliye ayimilila numulondela. ¹⁵ Nuwakati wula uyesu pe aliye akupata ishakulya kunyumba iya lawi, abhahakusaniya abhakodi abhinji na abhantu abhizambi aliye bhakulya nuyesu nabhanafunzi bhakwe, kwe aliye bhahavula bhamulondela. ¹⁶ Uwakati abhandishi, bhebhali mafalisayo, aliye pe bhalola kwamba uyesu aliye akulya poka na abhantu abhizambi na abhahakusaniya abha kodi, aliye bhabhula abhanafunzi bhakwe, ''Kweshi akulya poka na abhahakusaniya abha kodi na abhantu abhizambi?'' ¹⁷ Pe uyesu aliye ayivwa ivyo aliye abhabhula, ''Abhantu bhebhali ni afiya kumubhili bhatamwanza utabibu; bhantu abhalwale tu bhene bhamwanza. Intamanyile ubhita abhantu abhahaki, ila abhantu abhizambi.'' ¹⁸ Abhanafunzi abha yohana na amafalisayo aliye bhafunga. Nibaazi iya bhantu bhinzile ukwakwe numubhula, ''Kweshi abhanafunzi abha yohana na abhamafalisayo bhakunyepwa, lakini abhanafunzi bhaho bhatanyepa? ¹⁹ Uyesu aliye abhabhula, ''Je bhaliye bhahuzuliya kuntiyo bhangafunga uwakati ubwana intiyo bado poka nabho? kuvyonsi ubwana uharusi enge ashili ali poka nabho? bhatangafunga.'' ²⁰ Lakini amanda galinza uwakati ubwana uharusi pe alepa ukwabho, na kumanda igo bhubho bhalafunga . ²¹ Kutali umuntu we akusuma ishipande ashipya isya mwenda kwivazi ikulu, bila ivyo ishilaka shimalepuha ufuma kulilyo, ishipya ulepuha ufuma kushikulu, na shimalepuha ivibaya. ²² Kutali umuntu we akuchanaganiyaga idivayi impa kuviliba ivikulu, bila ivyo idivayi yimavilepula iviliba na vyonsi vibhili idivayi niviliba vimaponga. Bdala yakwe, bhiha idivayi ipya kuviliba ivipya.'' ²³ Kulyanda ilyasabato uyesu aliye apita kubaazi iya magunda, na abhanafunzi bhakwe bhazya usenda amasuke ningano. ²⁴ na abhamafarisayo aliye bhamubhula, ''Lola, kweshi bhabhomba ishintu she shinyume isha syeriya kulyanda ilya sabato?'' ²⁵ Aliye abhabhula, ''Mutashili musome shila she aliye abhomba udawudi pe aliye ali kubhuhitaji ninzala-wuyo poka na bhantu bhebhali poka nawo? ²⁶ Vye aliye apita kulimwene uwa kumwanya uwakati uabiathali peliye nukuhani umukulu na alya umukate we aliye wuli pankolelo-we shali shinyume isha syeriya kumuntu wensi ulya isipokuwa makuhani-na aliye abhapa ibaazi iya bhala bhebhali poka nawo?'' ²⁷ Uyesu aliye ati, ''isabato aliye yibhombwa kwajili iya bhanadamu, te umwanadamu kwajili iya sabato. ²⁸ Kwahiyo, umwana uwa adamu ubwana, na kusabatonye.''