¹ Chenjelanji alyakuti mutize muwachita imilimo yunu Imizima Ilyankumbu palwenze Ilyakuti awantu wawalole vino mukuchita ndi mukulanjizya Imilimo yinu Imizima palwenze wowonye ye mutalilambulwa Ichilambu numonsi winu uwamwiyulu. ² Achaleka ndi ukupa umusaluke Ichintu chimwi utize uwayilanjizya kwechino ukuchita ndivino wakachenjezya wakachita mumisolo namung'anda zyakupepela wakachita wowonye. ³ Ukuwa wala pano ukwivwa umusaluke uwasochelela alyakuti nanti Ichiwuza chakonye chitize chimanye, ⁴ Uleka achiwa achankama yako. ngapano umonsi wako. wino akalola vino ukuchita munkama ayiza akulambula. ⁵ Pano mukupepa. mutize muwachita ndivino wakachenjezya wakachita! wakunda ukwimilila nukupepa mumafunku yamisolo namung'anda zyakupepela alyakuti walolwe nawantu wonsi. yinzukani choo! wapochelela Ichilambu chawo chonsi lyankani. ⁶ Ukuwa wenji uwala pano ukupepa uyinjila mung'anda uyiyala Ichisakati, nga upepa ku monsi wako wino ali ukuvwame. ngapano umonsi wako wino akalola vino ukuchitanga munkama akulambule. ⁷ Namumapepo yinu mutize muwataka amazwi chitaketake. ndivino wano watamanya Leza wakachita. wano wakakwelengania wakuti Leza angivwa muno amapepo yawoamatali. ⁸ Mutize mukolane nawo. umonsi winu wino wamanya lyankani vyonsi vino wasowelwa napano mutani mumulenge aliwalambula. ⁹ Achaleka fwandi muwapepa wonye-woo muwati tata witu wamwiyulu; Izina lwako Itele lichindikwe. ¹⁰ Uwufumu wako wize; ukulonda kwako kuchitwe munsi ndivino mwiyulu. ¹¹ Utupe sweswe Ichakulya chilelo. ¹² Ututetele sweswe ukuwifya kwitu ndivino naswe tukatetela wano wakawifya kwesweswe. ¹³ Utize uwatutwala mukwelezwa. ukuwa utupulumuswe kumuwipe.' ¹⁴ Amunondi mwakatetela wanji muwuwipe wawo wuno wawachta namwenye umonsi winu winu wino ali mwiyulu aliwatetela. ¹⁵ Ukuwa ndi musinakutetela wanji kukuwifya kwawo, namwenye umonsi winu uwamwiyulu ataliwatetela. ¹⁶ Achaleka pano mukukana ukulya umwenzo mutize muwayilanjizya Impumi mfilimane ndivino wakachenjezya wakachita weni wakwikalanga Impumi mufwilimane ukuti walolwe nawantu kuno watalile chimwi yizukani choo! wapochelela Ichilambu chawo chonsi lyankani. ¹⁷ Muwala ndi mutalile chimwi amusamba kuminso amusakula ninyele zinu. ¹⁸ Alyakuti awantu wanji watize wamanye ndi muli ninzala-suka umonsi winunye wenga nsu winu ali ukuvwame. awino amanye. ngapano umonsi winu, wino akalola vino mukachita munkama awalambule. ¹⁹ Mutize muwayisengulila Insawo yinu munsi moo, muno akawunguzi nimiloso vikakonona. muno nawang'o wakalepula Ing'anda awiwa. ²⁰ Ukuwa yisengulilanji Insawo yinu mwiyulu. muno akawunguzi nanti amilosyo vitanga vyonone nawang'o watanga walepule winjile wiwe. ²¹ Amuno pano umwenzo wako wakukunjililanga kuno kuli Insawo yako. ²² Aminso ayali yele yamuwili. ndi aminso yako yalichete. umuwili wako wonsi wukulangawuli-mpe. ²³ Nd'aminso yako yasichete. umuwili wako wukulanga wuli mumfinzi achaleka ndi ukuswepa kuno kuli mwewewe amfinzi, ye Imfinzinye yoyo yakula wuli! ²⁴ Pasi wino angawombela Imfumu ziwili; angalele apate yonga akunde Imbuye. pamwi achindike yonga akwelengule Imbuye. mutanga muwombele Leza mbali nukuwombela Indalama. ²⁵ Achaleka nkuwanena nkuti. mutiza muwapechela Ivyakulya nivyakung'wa ukut muwe nuwumi nannt'avyakuzwala kumuwili vinu. amuno wuzye uwumi wutakula walusya Ichakulya? nawo umuwili wuzye wutakula walusya Ivizwalo. ²⁶ Simutele mulole Ivinyunyi vino vikapapuka. visitanda nant'akusinza ukuti vilonge munkoma ukuwa a monsi winu uwamwiyulu awino akavisayila! wuzye mutakula uwuzi mwalusya Ivinyunyi? ²⁷ Ngaweweni pakwe mwemwe wino angayonjelezezya Imiaka weliwe wenga alange akuyisunga? ²⁸ Ngafwendi amuno achani chino mukupechela Ivizwalo? mutele mulole vino amaluwa yalonde yakakula yasiwomba nant'akuyizwika. ²⁹ Ukuwa nkuwanena nkuti, nanti we Solomoni nye, nukuchindama kwakwe konsi, atalinji nivizwalo viyembe ndivino Iluwa limwi Ilyakwe-yaa. ³⁰ We Leza awino akazwika Isote-Isotenye lino likulanga lilipo Ilelo, mutondo alisowa napano lyaya, alisumbilwa mumulilo. wuzye atanga azwike mwemwe alutilizye, oko mwe wisuwilo tichi-mwe? ³¹ Achaleka mutize muwasakamala muwati nga Ichakulya chafuma-kwi? akuti nganawang'wa chani pamwi? nzwale chani?" ³² Vyonsinye Imintamanya Leza Ikapechela umonsi winu uwamwiyulu wamanya kuno mwasowelwa vyonsinye-vyoo. ³³ Achaleka fwendi-ukulusye mutele muvwambe uwufumu wakwe nukulonda kwakwe. ngapano aliwonjelezya vyonsi-vyoo. ³⁴ Achaleka mutize muwapechela Ivyamutondo. amuno umutondo wukayipechela uwenecho wonga. chisi achizima ukonjelezya Intazi kuntazi mbuye Izyamutondo kuzyilelo.