¹ Mutize muwapanzya wanji; alyakuti namwe Leza atize yize awapanzye. ² Amuno Ipazyo lino mukupanzya wanji alino namwenye Leza aliwapanzya. namasundo yano mukunyepela wanji ayano namwe mulinyepelwa. ³ Ngafwandi amuno achani chino ukulola akaswaswa mwilinso lyamunyonko. ukuwa nanti kupechela Ichintu chino chili mwilinso lyako? ⁴ Ngafwandi unganena umunyonko wuti leka nkufule akaswaswa kano kali mwilinso lyako, pano nawe Ichimuti chili mwilinso lyako.? ⁵ Wekachenjezya we! pakutalika tela ufumye Ichimuti chino chili mwilinso lyako. ngapano uwalola Ichete pakufula umunyonko akaswaswa kano kali mwilinso lyakwe. ⁶ Kusikwezya ukusumbila wasimbwa Ichakulya chimwi -amuno wangakunyochela wakulume. kusikwezya ukusumba uwukasi wako pakwe wakapoli, amuno wangaulyatanjila ninkando. ⁷ Lenganji mulipochelela; vwambanji mulizana. kong'onsyanji, muliyiyulilwa. ⁸ Amuno wensi wino akalenga akapochelela, nawensinye wino akakong'onsya akakwiyulilwa. ⁹ wuzye wumwi pakwe mwemwe wino amukwasi angapa umwanakwe Iwe? ¹⁰ Pano umwana akulenga Ichakulya.? pamwi wuzye ungapa umwanako Inzoka pano akulenga Inswi? ¹¹ Ukuwa ndi mwemwe mwewawipe. mwamanya ukupa awana winu Ivintu Ivizima. ¹² Achaleka Ivintu vino mukalonda wanji wawachitile avino namwenye mwawachitila; amuno lyonye-lyoo alisundo lyakwe Musa nimisambilizizye yawatumwa. ¹³ Yinjilanji pampongolo mfyenenkane amuno Impongolo wemwansa ninzila yino yalungama kwilowelwe yapepuka, munzilanye yoo ayino awavule wakapita. ¹⁴ Ukuwa Impongolo mfyenenkane ninzila yino yalungama kuwumi antale, yani wano wakayiza wali watichi. ¹⁵ Muwachenjela nawantu wawufi; wano wakwizanga kwemwemwe awalanga kulonde wakuloleka ngati ang'onzi ukuwa mukasi ampumpi nkangu, ¹⁶ Fyandi muwamanyila kumilimo yawo Imiti ya myunga Isikoma Ivikomwa, nkololwe asikoma amaku. ¹⁷ Umuti wuvunde wukakoma ivikomwa vizima ukuwa umuti wutuze wukakoma Ivikomwa viwipe. ¹⁸ Umuti wuvunde utanga wukome Ivikomwa viwipe. numuti uwutuze wutanga ukome Ivikomwa vizima. ¹⁹ Umuti wonsi wuno wusikoma Ivikomwa vizima wukaputulwa awusumbilwa mumulilo. ²⁰ Achaleka fwandi mwamanyila mwamanyila awatumwa wawufi kumililo yawo. ²¹ Asi amuntu wensinye wino akanjita akuti. we mfumu. Leza awino aliinjila mu wufumu wamwiyuli. ukuwa nkandi wano wakuchita ukulonda kwa monsi wane wino ali mwiyulu. ²² Pawandanye wowo awavule waliwati. we mfumu. mfumu Leza! twavwanjilanga mwizina lyako amazwi yakwe Leza mwizina lyakonye amuno twawinjilanga Imizimu miwipe nukuchita Ivizungusyo vivule! ²³ Apano ndiwanena Inti ntawamanyile. mfumilani pano, mwewawembu mwe!' ²⁴ Achaleka wensi wino akwivwa amazwi yane yanye-yaa mukuyatontela wakolana numuntu wamano wazenzile Ing'anda yakwe pemfunzi. ²⁵ Imvula Iwatonya nimilamba Iwatantala numuza awapupa nkaninye wukuma Ing'anda yoyonye ukuwa nanti kupona. amuno yazenzilwe pe mfuzi. ²⁶ Ukuwa wensi wino akwivwa amazwi yane yamye-yaa nanti kuyatontela wakolana numuntu mutumpe wino wazenzile Ing'anda yakwe paluselensenga. ²⁷ Imvula Iwatonya nimilamba Iwatantala. numuza awapupa nkaninye wukuwa pang'andanye yoyo Ipona.ye vino yaponile uwuwi!" ²⁸ Walile pano Yesu wamala ukuvwanga vyonye-vyoo. Iwumba lyawantu alizunguka kumisambilizizye yakwe. ²⁹ Atalingine nawasambilizya wawo awamasundo ukuwa weni wasambilizyanga namaka.