¹ Ngapano Yesu akolelelwa nu muzimu mulumpalang'ang'a kukuya kwelezwa nu satana. ² Ala pano Yesu wikala nanti kulya amanda amakumi yani ayamusanya nuwusiku inzala imuluma. ³ Satana afika amunenena ati. ndi wemwanakwe Leza nena amawe nyee yaa yawe achakulya ⁴ Ukuwa Yesu atolelela ati. amawaliko matele ya vwanga yati. umuntu atanga awe nuwumi kuchakulya chitupu. nkandi kwizwi lyonsi lino likafuma mumulomo wakwe Leza.''' ⁵ Nga satana amutwala kukaya kimichile, afika amwimika pansongo yang'anda yakupelela. ⁶ Amunena ati, Ndiwemwanakwe Leza, yiponie pansi amuno amawaliko matele yawalikwa yati, Leza alisundila awangeli wakwe ivyakwe wewe. walikwanka mumakasa yawo, alyakuti utize uchisike amanama yako kumawe." ⁷ Yesu atolelela ati, nayo amawaliko matele yavwanga yati, kusikwezya Imfumu e Leza wako.'' ⁸ Swinya satana amutwala pamwamba utali nkaninye amulanjizya amawufumu yonsi ayamunsi nuwukulu wakwe yoliyo. ⁹ Satana ati. Ivintunye vyoo mandi nkupe ndiwapona pansi wamfukamila.'' ¹⁰ Ngapano Yesu atolelela ati, tina paa, satana! amuno amawaliko matele yavwanga yati.uwafukamila imfumu e Leza wako wenganye-nsu awino uwamupakata! ¹¹ Ngapano satana amusya, awangeli awiza awapyunjila Yesu. ¹² Ala pano Yesu wivwa ukuti Yohani wiyalilwa muvingololo, aya mu Galileya. ¹³ Atisile mwe nazaleti, wayile ayikala mwe Kapernahumi, akaya kano kali mumbali yakwe Sumbi wakwe Galileya, munsi yakwe zebuloni nu nafutali. ¹⁴ Chonyechoo chachisilwe alyakuti chino chovwanzilwe numutumwa ayizeya chfiswe, ichakuti, ¹⁵ wensi yakwe Zebuloni ninsi yakwe nafutali. wulunga nusumbi. kumbalama kwe Yordani. Galileya wamakandi! ¹⁶ Awantu wano wikala mumfinzi walilola ukuwala kukulu nkani! kwekwe wano wikala munsi yawafwe ukuswepa kuliwawalila.'' ¹⁷ Ukufumilila pampindinye yoyo Yesu atalika ukuwila amazwi ya yakwe awati, fumani kumawembuko yinu, amuno uwufumu wa mwiyulu wapalamila.'' ¹⁸ Ala vino Yesu akupita mumbali yakwe sumbi wakwe Galileya, alola awang'anda yonga wawili wano walinji awalondo. e Simoni winowitwanga Ilyakwe Peter nu andreya umunyina, walemanga Inswi mwesumbi nikonde ¹⁹ Yesu awanena ati, nkonkani nandinjize Mbasambilizye uwulondo wa kulema awantu ²⁰ Napaponapapo awasya amakonde awamukonka. ²¹ Ala vino akupita alola swinya awang'anda yonga wawili e Jemusi nu Yohani awanakwe walinji muwato nu yisi e Zebediya wakuyania amakonde. Yesu awita; ²² Napaponapapo awasya uwato nu yisi awamukonka. ²³ Yesu apitapita mwe Galileya monsi akusambilizya mung'anda zyawo Izyakupepela, akuwila Ilandwe zima Ilya wufumu, mbali nukupozya Indwala zyamisangomisango nyonsi. ²⁴ Amazwi yakulumbililwa kwakwe ayakwila munsi ya siliya, achaleka awantu awamutwalila wonsi wano walwile Indwala zyamisangomisango nawano watamikanga nukulumwa kwa misangomisango; ²⁵ awamizimu miwipe nawakwe sinsa, nawandwala zyachintendye Yesu awapozya wonsi.