¹ Pampindinye yoyo yohani kabatizya atunka awawila mulumpalang'ang'a lwamwe yudeya, awavwanga ukuti, ² Tontolokwani kuluwembu lwinu, amuno awufumu wamwiyulu wapalamila; ³ Wenye wee Yohani awino amutumwa ayizeya wavwanjizile ivwakwe weliwe ati, wumwi akupunda mulumpalang'ang'a akuti, yaniani nzila ya mfumu e Leza; yololani ekumba wakwe.''' ⁴ Ivizwalo ivyakwe yohani vwalinji avyameya yangamila wazwalanga umupanga wa mukowa mumutembeleko. Wakwe swinya walyanga makanta nu wuchi wa mulonde. ⁵ Awantu wakwe Yerusalemu awaya kwakwe weliwe na wamunsi yakwe Yudeya wonsi nawamunsi yonsi yino yaliwizizye uluzi e yordani. ⁶ Awazumila amawembuko yawo ngapano awabatizwa mwe yordani. ⁷ Ukuwa ala pano Yohani walola awafalisi awasaduki wakuya kweweliwe kukubatizya awanenena ati, mwe nzoka mwe ngaweni wawanenile ukuti mungapusuka uwukali wakwe Leza wuno wukwiza? ⁸ Fwandi aleni chitanji vino vingalanjizya kuno mwatontolokwa kuluwembu lwinu, ⁹ Mutize muwe nakapemezyo muwati swelikwata lyakwe Abrahamu nkuwanena nkuti Leza alinamaka yakukatusizya Abrahamu ikwata kumawenye yaa. ¹⁰ Nakanonzinye impasa yazunzulwa kukukomwa imiti mwisika umuti wonsi wuno wusi nakukoma ivikomwa vizima wulikomwa wusumbilwe mumulilo. ¹¹ Nachawuzimanye nenji nkubatizzya na minzi kukulanjizya ukutontolokwa kwinu; ukuwa weni wino akwiza pansizi penene aliwabatizya numuzimu mwimichile mbali nu mulilo.weyonye wakula wandusya; wino ntazipila nanti akusenda Indyatu zyakwe. ¹² Ali nu lupe lwakwelela, aliyela amalezi yonsi palwano; alonge inkumba munkoma, ukuwa ayoche Ilyelelo mumulilo wuntazima. ¹³ Pambindinye yoyo Yesu afuma ku Gelileya aya kwe Yorodani,aya kukubatizwa nu Yohani. ¹⁴ Ukuwa Yohani awamukania akuti, nenenye anemuntu nazipila ukubatizwa nawe ungiza kwe nene! ¹⁵ Yesu amutolelela ati. kanonzi leka chiwe wowonye amuno mumwata nyee woo apano tungawomba vyonsinye vino Leza akulonda. ngapano Yohani azumila. ¹⁶ Ala vino Yesu wabatizwa. afuma muminzi, nga mwiyulu amu mwiyuchila, alola muzimu wakwe Leza ukwika ngati ankunda awupona pakwe weliwe. ¹⁷ Izwi alifuma mwuyulu aliti. wee amwanane umukundwe, nkusechela mwakwe weliwe.''