¹ Akula kwacha mwepwi wasimapepo wakulu nawasanga wawa Yuda awakwamba irwakwe Yesu ukuti amukome. ² awamnyepa niminyololo awamusenda awamusenda awamutwala kwe Pilato, ekapanzya wawa Roma. ³ Ala pano e Yuda wino wakutilizile Yesu walola kuno wanyepwa, atontolokwa anyosya indalama ntiswe amakumi yatatu apa wasimapepo wakulu nawasongo, ati, ⁴ Nawembuka pakukutilila umuntu wino asi nuluwi ukuti akomwe! ukuwa awamtolelela awati ngatwati wuli? chochoachako! ⁵ Yuda avwintila indalama mumasyo mimichile awasya; aya ayinyonga. ⁶ Wasimapepo awakulu awaya awasola indalama awati, indalama zyoo azyawazi, swinya mwisundo litu chitaya na ukuziwika mchisengulilo chang'anda yakwe Leza. ⁷ Awala wazumilizyania kwe chonyo-choo, awaya awasumba indalama awakala ichalo chakwe nakamata ayawa amalalo yakuzichila aweni. ⁸ Achaleka akansinye kako kakakwitwa ukuti achalo chawazi ukufika nilelo. ⁹ Ngapano chino chipanzilwe numutumwa Yeremia ya achifiswe ichakuti wasenzile indalama ntiswe amakumi yatatu, indama zino awa Israeli wazumilizwe ukumukala. ¹⁰ Awaya awakala ichalo chakwe nakamata ndimuno imfumu Eleza wakomelezizye." ¹¹ Yesu aimilila pankpolelo pakwe kapazye amunena ati, wuzye wemfumu ya wa Yuda? Yesu atolelela ati wataka molimonye. ¹² Ukuwa kweni Yesu nanti kuvwanga chimwi kwevino wasimapepo wakulu nawasongo wamulongozile. ¹³ Ngapano Pilato amunena ati, wuzye usinakwivwa ivintu-nye vyoo vyonsi vino wakukulongola? ¹⁴ Ukuwa Yesu nanti kutolelela izwi limwi, achaleka kapazya azunguka nkaninye. ¹⁵ Penye pampindi yachakulya chakulya chakuitopya kapanzya walinji mumwata uwakusapwa uwamuvingololo wumwi. ¹⁶ umumanyikwe nkani nye wino witwanga ilyakwe Yesu Balabasi. ¹⁷ Achaleka lyalile pano iwumba lyawungana, Pilato awawuzya ati wuzye mukulonda kulonda mbasapule Yesu Balabasi pamwi Yesu wino akakwitwa ilyakwe kilistu?" ¹⁸ Wamanyile nye nto kuno walemesile kweweliwe awuzuwa, ¹⁹ Walile pano Pilato ayisile mung'anda yakupanzizya umuchi amutumila amazwi yakuti utize uchite umuntu weyo chimwi wino asi muluwi amuno muchiloto chino ndosile uwusiku mpungine muno amuntunye weyo." ²⁰ Waimapepo wakulu na wasongo awapatichizya amawumba ukuti wanene Pilato awasapulila Balabasi aleka Yesu akomwe. ²¹ Ukuwa kapazya awawuzya ati wuzye weweni pakwe waa wawili wino mukulonda mbasapulile?" awatolelela awati, e Balabasi." ²² Pilato anyoka auzichisya ati, ngafwendi e Yesu wino akwitwa ilyakwe kilistu muchite chani?awatolelela awati, mupamantile pawuchingane" ²³ Ukuwa Pilato ati, ngawachita mlandu-chi? ngapano watalika ukupongomoka na mazwi makulu wakuti, mpamantile pawuchingane! ²⁴ Ala Pilato walola wowonye, ichakuchita achimupota, ati, ncheku ngapano impenzela nga asenda minzi. Asamba kumakasa yakwe pankolelo paminso yiwumba ati, nsinakasinza kuvyakukomwa kwa muntunye wee!! achinu mwewenecho." ²⁵ Iwumba lyansi alitolelela ndiuwazi wuwe pakwe sweswe napawana witu! ²⁶ Ngapano Pilato awasapulila Balabasi atola Yesu amuvwapula awalemeka ukuti wakamripamantile pawuchingane. ²⁷ Ngapano ivita vyakwe Pilato avisenda Yesu avimutwala mwisano, iwumba lyansi alimuwunganila. ²⁸ Awamuzula ivizwalo awamuzwika umwinjilo muwenzu. ²⁹ Ngapano awaluka akamba kamyunga awamuzwika kumutwe awamulemeka pansi pankolelo pakwe weliwe awamwalanganila, wakuti ndi mfumu ya wa Yuda iwe nuwulanzi wutali?" ³⁰ Awamuswilila awasenda ni nsonzo awamuponkola nayo pa mutwe awala wamala ukumwalangania, ³¹ Awamuzula umwinjilo awamwizwika umwenda wakwe, ngapano awamufumya awaya kukumupamantila pauchingane. ³² Awala pano wafumila kunzi awasunkania umuntu wino wayumila e kukuleni wino witwanga ilyakwe Simoni. weyonyo awino awamupatichizya ukusenda uwuchingane wakwe Yesu. ³³ Awaya kumasyo yano yakwitwanga Golgota, lino likusula ukuti, amasyo yapanga. ³⁴ Paponye awamupa ipala lino lyasonzinkine nivilule ukuti ang'we naponye walile walezya, akana ukung'wa. ³⁵ Awamupamantila pawuchingane ngapano awankana ivizwalo vyakwe mukupenda. ³⁶ Ngapano awikala paponye awalanga wakumulola. ³⁷ Pamutwe wakwe awawika ichimanyilo chino chawalisilwe penipo vino wamwambanga wakuti wee we Yesu imfumu ya wa Yuda." ³⁸ Ngapano awapamantila Yesu apaliponga na wang'o wawili pamawuchingane, wumwi lwakwe ndilo numuwuye lwakwe kamani. ³⁹ Awantu wano wapitanga penepo awapunzya imitwe yawo nukufondomola intusi awatuka Yesu wakuti ⁴⁰ Wenji ungamongola ing'anda yakwe Leza unyoke uyizenge swinya mumanda yatatu! sale yiyule, nd'achino we muanakwe Leza! yika mfumu pawuchingane!" ⁴¹ Awowonye nawasimapepo wakulu nawasambilizya amasundo nawasongo awamwalangania wakuti, ⁴² Watulanga wanji ukuwe weni chamupota! nd'achino angika afume pawuchingane kanonzinye kaa peni tungamusuwila. ⁴³ Wasuwila mwe Leza nukuti a mwanakwe Leza aleni tulele tulole wino Leza wandi amutule! ⁴⁴ Nawang'onye wano wasayisilwe apaliponga nawe awamutuka. ⁴⁵ Alila ilanzi lyafika pamutwe papela imfumu ikoma munsi yonsi, ilanga ikomile mpaka pano ilanzi lyatonta. ⁴⁶ Nche kwela pano ilanzi lyasenika, Yesu akuta nizwi kulu ati, eli, eli, lemasabakiani? kuno akuli kuti, Leza wane, Leza wane, ngawansila chani? ⁴⁷ Awantu wamwi wano wimilile paponye awivwa awati, akwita Eliya." ⁴⁸ Wumwi uwakwe woliwo asamala nanti kuzimba. Aya asenda pamba amutimpika mwipala, amuwika kunsonzo kunsongo ayelezya ukupa Yesu ukuti ang'we ⁴⁹ Ukuwa wanji awati, techela tulole ndi Eliya andiayize akutule! ⁵⁰ Swayanye Yesu alila nizwi kulu, aputuka afya. ⁵¹ Ngapano ichimwenda chakuchinga chino chachinzilwe mung'anda yakwe Leza achilepuka pawili, ukufumilila papela mpaka pansi insi iyingana, wamfuzi awalepunkana. ⁵² Ninkungwe aziyuka, nawantu wakwe Leza awavule wano wafwile awazyulupulwa. ⁵³ Awasya inkungwe; ngapano Yesu wazyulupuka kumfwa awaya kukaya katele; kuno awantu wavule wawaweni. ⁵⁴ Ale musika wavita apaliponga nawavita vyakwe wano walindililanga Yesu walola ichizumanzi nivintu vinji vyonsi vino vyaponile, awawa kwetete awati, achauzimanye wee walinji amwanakwe Leza! ⁵⁵ AWanachi awavulenye walinji kukonye, walolanga lwapatali, wawonye awano wakonsile Yesu ukufuma kugalileya, wamwavwanga,. ⁵⁶ Pawanachinye wawo walinji e maliya wa ku magadala, nu maliya enyina wakwe Jemusi nu Jozefu, nga nu nyina wawanakwe Zebediya ⁵⁷ Akwakwila, umuntu wumwi umuchindame afika wino wafumile kualimatiya izina lyakwe walinji we Jozefu, wino swinya walinji amusambilizi wakwe Yesu. ⁵⁸ Aya kwe Pilato amulenga ichala chamuwili wakwe Yesu. Pilato akomelezya ukuti wamupe. ⁵⁹ Nga Jozefu asenda ichala achivwimba mumwenda wupya uwutelepe, ⁶⁰ Aya azika munkungwe yakwe, vino watezile wafolonkonta mwemfuzi nga akunkulusizya iwe kulu pankungwe nga apita. ⁶¹ E Mariya wa ku Magadala nga nu Mariya winji wisile paponye, wulunga ninkungwe. ⁶² Uwacha pachiwelusi-wasimapepo wakulu na wa falisi awasunkana nu Pilato. ⁶³ Awati, tatakulu, twizuka kuno chawufi weyo pano walinji amumi watili, ndizyulupulwa kuwafwe ndikwapita amanda yatatu.' ⁶⁴ Achaleka fwandi, komelezya ukuti inkungwe isungwe ukwizafika nuwanda wachititatu, alyakuti awasambilizi wakwe watize wamwiwe, nga awanena awantu wakuti azyulupuzilwe kuwafwe, uwufinye wowo uwakupelelechezya wungawipa wulutilizye nuwakutalika." ⁶⁵ Pilato awanena ati, yanji kalindililanji inkungwe namaka yinu yonsi. ⁶⁶ Achaleka awapita awaya mukulindilila inkungwe yoyonye awamatilila ichimanyilo piwe nga wakalindilila awalanga wali paponye.