1 Awula uwanda wakusolezya kwa wa Yuda wasila, wino kwati akuwacha uwanda wamulungu, e Mariya waku magadala nu Mariya winji awaya kukulola inkungwe. 2 Napapo napapo kwalinji ichizumanzi chikulu; umungeli wamfumu e Leza wisile afuma wiyulu, aya atantazya iwe ayikala penepo. 3 Imilolechele yakwe walinji ngati wesusuwe 4 Wakalindilila walinji nintete nkaninye awawa ngati wafwile. 5 Umungeli anena awanachi ati, mutize muwatina, manyile kuno mukuvwamba Yesu wino wapamantizilwe pawuchingane. 6 Asi paa; azyulupusile ndimuno wavwanjizilenye, nzanji koo mlole pano walazile. 7 Yangufyani kanonzinye muye mukanene awasambilizi wakwe mti, azyulupusilwe kuwafwe, kanonzi wandi awatanjilile ukuya kugalileya; akuno mwandimukamulola! yizukanji chino nawanena." 8 Achaleka awasamala awafuma pankungwe, nintete mbali nichimwemwe chikulu, awasamala awaya awanena awasambilizi wakwe. 9 Napaponapapo Yesu awasunkania awanena ati, umutende uwanamwe awapalamila kwe Yesu, awalema amatamba yakwe awamufukamila. 10 Yesu awanena ati mutatina yanji kanenani awanji waye kugalileya, akuno wize wandole. 11 Awala pano awanachi wali pamusinzo, wakalindilila wamwi wano walindililanga inkungwe awanyochela kukaya awanena wasimapepo wakulu vyonsi vino vwaponile. 12 Wasimapepo wakulunye wawo awawungana apaliponga nawasongo awachita inkoma; awapa ivita indalamo mvule. 13 Awati muwati awasambilizi wakwe wizile uwusiku wiwa ichala chamuwili wakwe pano muponechile.' 14 Ndi umulasi wivwa wonye-woo, twandi tumusechelesye asule. 15 Wakslindilila awapochelela indalama awachitila ndimuno wawasambilizizye ukufika nilelonye-lyoo ayalimazwi yano awa Yuda wasasya. 16 Awasambilizi kumi na wengi awaya kugalilaya kumwamba kuno Yesu wawasontezile. 17 Awala wamulola awamufukamila, chingatenga wamwi wavwilikanga. 18 Yesu awapalamila awanena ati, nawapa amaka yonsi mwiyulu namunsi 19 Achaleka yanji mkasambilizye imyiko yonsi muleke wawe awasambilizi wane; muwabatizya mwizina lyakwe e tata, ni lya mwana, ni lya muzimu mwimichile. 20 Muwawasambilizya wasunga vyonsi vino nawasunda mwemwe. Yizukanji nandi ndawa namwe-pe, ukufika na kunsilo yansi.