¹ Yesu afuma mung'anda yakwe Leza alema inzila awapita pano awasambilizi wakwe wayile kweweliwe kukumulanjizya ivizengwa vyang'anda yakwe Leza. ² Yesu ati, molimonye nkuwanena nkuti mungalanga mukulola vyonsinye vyoo ichete, pasi iwe limwi lino lilisyala papela piwuye. Yonsinye - pyu yalimungolwa yasumbwe pansi." ³ Ala Yesu wikala pamwamba wamingungu, awasambilizi wakwe awasochelala awaya kweweliwe kumbali awati tunene pano vyonsi vyoo vilipona. Swinya utunene nachino chilipona kukutulanjizya impindi yakwiza kwako nimpindi yansilo yankulonye yoo. ⁴ Yesu atolelela awanena ati chenjelani, mutize muleke wumwi ayize awatumpike, ⁵ Amuno awantu wavule waliwakwizila mwizina lyane wawatumpike wakuti nenenye ne mesaya. ⁶ Muliyivwa imbilikiti yisumo ikupalamila, mwivwe nilandwe iyisumo ukutali ukuwa yivwani mutize muwatamika ivintunye vyoo vilila vile vipone, lelo vyovyonye visinakusula kuno insito ilitela yize ⁷ Insi zilisambuchilana ziwalwa, namawufumu yaliwachichizana. Kuliwa ivinkumbili nivizumanzi konsinye. ⁸ Ivintunye vyoo vyonsi viliwa ngati awulumila wakutalika uwampapo. ⁹ Apano mulilimwa mulemekwe kukuyimvwa, mukomwe imyiko yonsi iliwawavitilwa amuno anene, ¹⁰ pampindinye yoyo awavule walisumba isuwilo lyawo, wakutililana nukupatana. ¹¹ Awatumwa wavule awawufi walikatuka watumpike awantu wavule. ¹² Uwuwipe walinyama wutalalizye ulukundo lwawantu. ¹³ ukuwa wino wiza wazizimichizya wafika nakunsiloalitulwa ¹⁴ Nilandwe zima lyoo ilya wufumu wamwiyulu liliwalandwa munsi liwe achipanichisyo kumyiko yonsi ngapano insilo iyize. ¹⁵ Mulilola ichakutinia chikulu chino umutumwa Daniel wavwanzile chino chimisilwe mumasyo matele. ( wino akuwazya nd'ayiluke chino choo chikusula!) ¹⁶ Ngapano wano wikala mwe Yudeya wize wasamalile kumyamba. ¹⁷ Wino ali pamusonje wang'anda yakwe atize ayize awazinguluka pakwika ukuti akasende iviya yakwe mung'anda ¹⁸ Umuntu wino ali kuvyalo atize ayize awafwa nukuwela ukuti akasende umwinjilo wakwe. ¹⁹ Yemwe, chililumila awanachi wano wali napanji wuli nawano wakonsya mumandanye yayo. ²⁰ Pepanji kwe Leza ukuti ukusamala kwinu kutize kwize kuwa ichisiku nanti akusamala pawanda wakusolezya. ²¹ Amuno itamyo lyampindinye yoyo liliwa alitamyo lyakutinia lino lisitela liwe walyamwatanye wowo utalichila pano insi yalile lyelewulilwa nukufika ilelo nanti akwiza lilitela lize swinya. ²² Ukuwa Leza wachefya amanda chino ndi atele atachita wowonye, wumwi atanga ayize apasuke ukuwa muno awasolwa wakwe, achino Leza alichefezya amanda. ²³ Achaleka ndiwumwi wiza wawanena wati, lolani, mesaya wee koo! nanti akuti weyo koko-mutize mwize musuwile. ²⁴ Amuno kulikatuka wa mesaya wawufi nawatumwa wawufi waliwachita ivimanyilo vikulu nivizungusyo alyakuti wangasovya nukuchenjezya awasolwa wakwe Leza. ndichingachitwa. ²⁵ Lolani nawanena choo lyankani. ²⁶ Nanti ndi awantu wize wawanena wati lolani ali mulumpalang'ang'a - mutize mwize mwize musuwile. ²⁷ Amuno umwanamuntu aliyize ndivino ukumesya kuno kukamesya akukwila mwiyulu monsi kapela nakasikanye. ²⁸ Konsinye kuno kuli chala akuno amawimba yakawungana. ²⁹ Ukuwa napapo nditamyo lyamandanye yayoliza lyasila, ilanzi lilifita, numwezi wutaliwala nintanda zililakata zifume mwiyulu, namaka yamwiyulu yaliyinganwa muno yikala. ³⁰ Ngapano kuliloleka ichimanyilo cha mwanamuntu mwiyulu, ngapano imyiko yonsi iyamunsi iyize iwalosya, nga walole umwanamuntu akwiza mumawingo yamwiyulu namaka nuwukankala wukulu. ³¹ Inkangang'ombe nkulu ililila, nga ayize atume awangeli wakwe muvikonchi vini, wize wawunganike awasolwa wakwe ukutalichila kuno insi yafumilila ukufika nukuno yapakula. ³² Lekani amukunyu wuwasambilizye isambililo ziwala ndi insamba zyawa antontentonte namafwa yalemba, amumanyang'anye amuti aminjililo yapalamila. ³³ Awowonye muwala ndimwalola ivintunye vyoo vyonsi, amumanyanga-nye amuti impindi yanenenchela ukwiza. ³⁴ Yizukanji choo! ivintunye vyoo vyonsi vilipona pano awantu wankulonye yoo watani wafwe wonsi. ³⁵ Lyulu insi vilizimanjika. Ukuwa amazwi yane yatalizimanjika. ³⁶ Ukuwa kweni pasi nanti wenga wino wamanya ukwiza kwawanda wowonye nanti apimndi-nanti awanfgelinye awamwiyulu, nanti a mwananye nkandi umukwasi wenganye-nsu awino wamanya. ³⁷ Ukwiza kwa mwanamuntu kuliwa ndivino chino chaponile pampindi yakwe nowa, ³⁸ Ndivino mumanda yano intalala yachilinji ukwiza, awantu walyanga nukung'wa, awonsi nawanachi watwalananga. Ukwizafika napawanda wuno Nowa winjizile muwato. ³⁹ Naponye watamanyile chimwi isuka intalala iyiza iwakumpichizya wonsi, wowonye avino chiliwa pano umwanamuntu aliwakwiza. ⁴⁰ Pampindinye yoyo waliwala awantu wawili wakuomba muchalo wenga asendwa wumwi asyala ⁴¹ Awanachi wawili waliwasya piwe wenga asendwa wumwi asyala. ⁴² Achaleka fwandi lolelanji, amuno mutamanya uwanda wuno imfumu yinu iliyizila. ⁴³ Yizukanji choo; nd'achino umwening'anda amanyile pano umung'o akalepule ing'anda yakwe ⁴⁴ Muno achonye-choo, fwandi namwenye mwazipila ukuyisengania, amuno umwanamuntu aliyiza pampindi yino musinakwelengania. ⁴⁵ Ngafwandi umuwomwi musuwilwa uwamano weweni, awino yisikulu wamulasika ukuwa wesongo pawawomwi wawuye. Ukuti awawapa ichakulya pampindi nzipile. ⁴⁶ Awalongo wuli umuwomvinye weyo, wino alila pano yisikulu wawela waya amuzane akuchita wowonye! ⁴⁷ Nachawuzimanye nkuwanena nkuti yisikulu alilasika umuwomvinye weyo pansawo yakwe yonsi. ⁴⁸ Ukuwa nd'amuwomvi muwipe aliyelengania ati tatakulu ataliyiza zuwa. ⁴⁹ Paponye atalike ukuma awawomvi wawuye awalya nukung'we nawachakolwa. ⁵⁰ Ngapano yisikulu wamuwomvinye weyo ayize afike uwanda wuno atapechezile nukuwumanya atawumanyile ⁵¹ Yisikulu alimupatulania, apochelele umupamba wakwe wakachenjezya, awalila nukulumania amino.