¹ Ngapano Yesu avwanga kumawumba nakuwasambilizi wakwe ati, ² "Awasambilizya wamasundo nawa falisi awano wangalondolola amasundo yakwe Musa. ³ Achaleka tontelanji vyonsi vino wakuwanenamuwavisunga nukuvisunga. Ukuwa mutiza muwachita ndivino wakachita amuno weni wasichita vino wakawizya. ⁴ Wakalonga iviya ving'wame awatwika awantu paviweya, ukuwa weni nanti kwelezya ukulemelela nanti amunwe ukuwatwika ukunyamula iviya vyoovyonye. ⁵ Wakachita ivintunye vyoo vyonsi ukuti walolwe nawantu. Silolani uwukulu wakwe vino amazwi matele yawalikwa penepo vino wanyepelela pampumi zyawo napamakasa yawo swinya mulelechesye vino imiko yavizwato vyawo yapapatala. ⁶ Wakunda amasyo mazima apakwikala pavyakulya vyakuyitopwa swinya wakalonda mung'anda zyakupepela. ⁷ Wakunda ukulamukwa numuchinzi mumasyo yakukazizya awalonda ukuti awantu wawita wakuti musambilizya. ⁸ Mutize muwalonda ukwitwa ilyakuti, musambilizya amuno mwensinye mwewanyina nawanyina ukuwa muli numusambilizya wengansu. ⁹ Swinya kusikwezya ukwita umuntu wumwi munsi moo amuwati, tata amuno muli nuso wenganye-nsu uwamwiyulu. ¹⁰ Mutize muwakwitwa ukuti, nankolelo, amuno we mesaya-nye wenga-nsu awili nankolelo. ¹¹ wino wesongo nkani pakwe mwemwe awino wazipila ukuwa amuwomvi winu. ¹² Wensi wino akuyikuzya alichefwanawensi wino akuyichefya alikuzwa. ¹³ Oko, chawawipila wali mwewasambilizya wamasundo mwe namwenye mwe wafalisi! mwewakachenjezyamwe? mukwiyalilanga awantu ivisakati vyakuyali mu wufumu wamwiyulu, ukuwa namwenye mutaliyinjila mwenomo, nanti awantunye wano wakulondezya ukwinjila mwenemo mukawalesya! ¹⁴ Oko, chawawipila wuli, mwewakasambilizya wamasundo- mwe namwenye mwe wa falisi! mwewakachenjo-mwe mukatondowezya awanachi wafwilwa awalume amupoka ing'anda zyawo, nga amuwayilanjizya namapepo yinu amatali! muno achonye-choo ukusundwa kwinu kuliwipa nkaninye! ¹⁵ Oko, chawawipila wuli mwewasambilizya wamasundo mwe! Amuno mukapita-pita mwesumbi amulanga mukuvungula insi yonsi ukuti mufunkule wumwi awakonke ngandi wawakonka yemwamuletelela mwalutilizya kukuya kwilungu lyamulilo kuno namwenye muliya. ¹⁶ Oko, chawawipila wuli, mwentonko zino zikakolelela- mwe! mukasambilizya mukuti, ndi umuntu walapa ing'anda yakwe Leza kusi nachimwi, ukuwa ndiwalapa golide wino ali mung'anda yakwe Leza peni atela walapa molimonye. ¹⁷ Mweviwelewele ntonko-mwe! ngachino chakula chalusya achani, egolide pamwi ing'anda awa amutele? ¹⁸ Swinya mukasambilizya amuti ndi umunti walapa akandiwalapa ichawila chino chili pakavuwa apano atela walapa molimonye. ¹⁹ Ye, mwaziwata wuli! ngachino chakula chalusya achani ichifimwa pamwi akavuwa kano kakaleka ichifimwa achiwa achitela? ²⁰ Achaleka fwandi ndi umuntu akulapa akavuwa atela akulapa akavuwanya ivifimwa vino vili penepo ²¹ nanti ndi umuntu akulapa ing'anda yakwe Leza atela akulapa ang'andanye apaliponga nu leza wino akwikalanga mwenemo. ²² Nanti ndi umuntu akulapa iyulu, atela akulapa indulu yakwe leza nawino akakwileala penepo. ²³ Oko, chawawipila wuli, mwewakasambilizya wamasundo-mwe na mwenye mwe wa falisi! mwewakachenjezya- mwe! mukafimila Leza akikumi katwakusanzya muntwilo, ndi vino inkwila, nufulwa nga nulutindi ukuwa mukalechelezya ukutontela imisambilizizye yenecho iyamisundo, ndi vino umutende inkumbu nukusuwilwa vyonye-vyoo avino mwazipila ukuvikonke nanti kulechelezya vinji vyovyo. ²⁴ Mwentonko zino zikakolela-mwe! mukasusa ipala amufumya ulusazi mwenemo, ukuwa amumilula ingamile! ²⁵ Oko, chawawipila wuli, mwewasambilizya wamasundo-mwe namwenye mwe wa falisi mwewakachenjezya mwe! mukapwizya impindi zinu indwesho kulonde, ukuwa mukasi amulanga mwizule ivintu vino mwasendela kuwulumba ichilumba. ²⁶ Mwe wa falisi ntonko-mwe! pakutalika pwizyanji impindi zinu mukasi, apano zingaswepa kulonde. ²⁷ Oko, chawawipila wuli, mwewasambilizya wamasundo mwe namwenye mwe wa falisi! mwewakachenjezya mwe! mwakolana ninkungwe ntakase nuchipawukunzi, yino ikakoleka ichete kunzi, ukuwa mukasi amulanga muli amafupa yawafwe niviwole vyonsi avilanga vili mwenemo. ²⁸ Avino namwenye kunzi mukaloleka kwewanji ngati mwewazima, ukuwa mwakwe mwemwe mwizula ukukachenjezya nuluwembu. ²⁹ Oko, chawawipila wuli mwewasambilizya wamasundo-mwe wa falisi mwewakachenjezya-mwe makakwimbila awatumwa inkungwe nzima, amwimika nivyakwimika viyembe ivyakwe wano walinji awantu-wantu, ³⁰ Amuti, nd'achino tutele twalinji-po pampindi yakwe watatakulu, tutanga tuchite nsivino weni wachisile awakoma awatumwa. ³¹ Achaleka mukuyisinila kuno mwewana wakwe wano wakomila awatumwa. ³² Swili, muwa ukuya, musuke mumalizye chino wasokulu watalisile, ³³ Mwenzoka-mwe twana twanzoka-mwe nga mungapusuka wuli ipanzyo lyulungu lyamulilo? ³⁴ Achaleka nkuwanena nkuti ndiwatumila awatumwa na wantu wamano nawasambilizya. Mulikoma wamwi wamwi muwapamantile pawuchingane, nawamwi muwavwapule mung'anda zinu izyakupepela muwawatilimbika mutwaya nutwaya ³⁵ Achaleka ukusundwa kwa wuchikoma wawantu wonsi wano watalinji nuluwi kuliwi pakwe mwemwe, ukufumilila kukukomwa kwakwe Ebelo wino atalinji nuluwi ukwizafika kukukomwa kwakwe zakariya, umwanakwe Berekiya, wino mwamukomezile mung'anda yakwe Leza pakasi pamasyo mimichele nakavuwa, ³⁶ Nachawuzimanye nkuwanena nkuti, ukusundwa kwakwe vyonsinye-vyoo kuliwa pawantu wankulonye yoo. ³⁷ Oko, we Yerusalemu, Yerusalemu, wemuntu ukukoma awatumwa uponkola intumi zino Leza watuma kwewewe nawawe! nga ampindi zinga zino nalondanga ukufukatila awantu wako wonsi, mbafukatile utwana muvyapa ukuwa utanzumilizizye! ³⁸ Kanonzi ing'anda yako ilikanklamulilwa koko. ³⁹ Ukufumilila kanonzi ukuya kunkolelo utalitela undole swinya, avino nataka, usuke uyize uti, ndiwino akwizile mwizinalya Mfumu e Leza awe amupepwe."'