1 Awala wapalamila kwe Yerusalemu awanyaku Betifage kumwamba wamingungu kukonye akuno Yesu atuma awasambilizi wakwe wawili ukuti wakolele 2 Awakomelezya ati, yanji kakaya kano kaliwalunga namwe mwandi mukazane indokwe ikunzilwe numwana wandokwe apaliponga nayo. Muzisapule muzilete kwenene 3 ndiwumwi waya wawawuzya chimwi mumunene muti tatakulu ali nachino akuzilondela wandi akazitaye nanti kuzimba." 4 Choo chachisilwe alyakuti chifiswe chino chavwanzilwe numutumwa ukuti. 5 Neno akaya kakwe zioni. Uti imfumu yako ikwiza kwewew wechimyamya swinya akwelezile pandokwe pakandokwe umwana wandokwe. 6 Achaleka awasambilizi wakwe awakolela awachitila ndimuno Yesu wawanenezile. 7 Awaya awaleta indokwe nakana kandokwe. 8 Iwumba kulu ilyawantu awanza imyinjilo yawo munzila wamwi awapambula insamba zyamiti awanza munzila. 9 Amawumba yano yakolezile nayano yasyalichile ayatalika ukupunda wakuti tumvanji umwanakwe Davidi Leza apepe wino akwizila mwizina lya mfumu e Leza! 10 Ala Yesu winjila mwe Yerusaremu akaya konsi akati zumbu - zumbu awati ngaweweni? 11 Amawumba ayatolelela ayati we Yesu umutumwa wafumilila kwe Nazareti wa mu Galilaya." 12 Yesu ayinjila mung'anda yakwe Leza aya awinga wonsi wano wakalanga nawano wakazyanga mung'anda yakwe Leza. Apanulania amatebulo yakwe wano wakawunkanianga indalama apenulania nivilimba vyakwe wano walonzyanga inkunda 13 Awanena ati chawalikwa mumawaliko matele muno Leza wavwanga wati ing'anda yane iliwakwitwa ang'anda yakupepela ukuwa mwenji mwachita yawe ang'anda yakuvwama awang'o mwenomo. 14 Intonko nawachikonta awaya kweweliwe mung'anda yakwe Leza aya awapozya. 15 Wasimapwpo wakulu na wasambilizya wamasundo awavitwa pano walola ivizungusyo vikuchitwa nawana wano wapundanga mung'anda yakwe Leza watanji tumvyanji umwana Davidi. 16 Achaleka awanena Yesu awanti wuzye ukwivwa chino wakutaka Yesu atolelela ati nachawuzimanye nlewivwa wuzye mutawazya amawaliko matele yaa mwasambilizye awana winu nutunya ukuti watumvya nukutumvya kwenecho. 17 Yesu awasya afuma mukaya aya ku Betane aya alala kukonye. 18 Ala pano ali pamusinzo akunyochela kwe Yerusalemu kwacha mwepwi inzala imuluma. 19 Alola mukunyu mumbali yanzila aya kweneko, ukuwa nati kuzana chimwi suka ndamafwa matupu, achaleka anena umuti ati utalitela ukome ivikomwa nawanda! napapo napapo umuti awukala. 20 Awasambilizi awalola chochonye awazunguka awati nga umukunyu wakala nanti kuzimba wuli?" 21 Yesu awatolelela ati, yizukani choo! ndachino mukusuwila nanti kuvwilika, muliwachita chino nachita nanti kumukunyu kutupu ukuwa muliwa namaka yakunena umwambanye woo muti simpuka ukayisumbile mwesumbi wulisimpuka. 22 Ndi muli nisuwilo mulipochelela chonsinye chino mwalenga mwipepo." 23 Yesu anyochela kung'anda yakwe Leza ala vino akusambilizya, wasimapepo wakulu nawasongo wawa Yuda awaya kweweliwe awamuwuzya awanti nga amakachi yano ukuchitila ivintunye vyoo? ngaweni wakupa amakanye yaa? 24 Yesu atolelela ati, nandi mbawuzye iwuzyo lyonga nd'achino mwantolelela nandi mbanene amaka yani nkuchitila ivintunye vyoo. 25 Nga Yohani wafumizye amaka yakubatizizya kwiwuzye wafumizye kwe Leza pamwi kuwantu? awatalika ukupanzyania wakuti, nga twandi tutiwuli? nditwatolelela twati, wafumizye amaka kwe Leza, wandi atunene ati, ngafwandi amuno chani chino mytasuwizile Yohani? 26 Napo nditwati amaka yafumile kuwantu, tukusaya chino awantu wangacgita, amuno wonsi wapanichisya kuno Yohani walinji amutumwa. 27 Achaleka watolelezile Yesu awati tutamanyile nawenye ati nanti anenenye ntandi mbanene, amaka yano nkuchitila ivintunye vyoo. 28 Ukuwa ngamwenji mukuti wuli? umuntu wumwi walinji nawachonsi wawili, aya kwesongo amunena ati, mwana yanga mukumwomba muchalo chavikomwa ilelo. 29 Umwanakwe amutolelela ati, nsinakuya, ukuwa pansizi ayelengania aya mukuwomba. 30 Yisi anyoka aya kumwana winji aya amunena ichilichonga, umwananye weyo amutolelela ati Eta nandi inje ukuwa atatezile aye mukuwomba. 31 Wuzye pawananye waa wawili weni wachisile chino yisi walondanga? awatolelela awati esongo awino wachisile ichete. Yesu wawanenile ati, wakasochezya wamusonko nawazelele waliwatanjilila ukwinjila mu wufumu wakwe Leza 32 Amuno Yohani kabatizya wizile awalanjizya inzila yakukonka ukuwa mwakanile ukumusuwila ikuwa wakasonchezya wamusonko nawazelele weni wamusuwizile, nanti apano mwaweni chochonye mutatela mupilule amelengania yinu pansizi mumusuwile. 33 Yesu ati yivwani umulumbe wunji, kwalinji esichilima wino walembesile imiti yavikomwa vino wakasuta ipala, apinda ulwamba aliwilizya, akumba nichakufinila ivikomwa mwenemo, azenga nuwulunga. Azumilizyania nawanji ukuti wikale muchalo wawalya ivyamwenemo wamulipila, weni aya kunji. 34 Ila impindi yakukuntula ivikomwa yapalamila atuma awazya wakwe kwemano wasunganga ichalo ukuti wakamupe ivikomwa vyakwe. 35 Wano wasunganga ichalo awalema awazya wamenichalo, awuma wenga awakoma umuwuye awapola winji namawe. 36 Swinyanye umuntu atuma awazya wanji awavule ukulusya wano watumile pakutalika, ukuwa wano wasunganga ichalo awaya awawachita ndivino wachisile awakutalika. 37 Pakupelelechezya atuma umwanakwe, `'ati umwanane weni wandi wakamuchindike.'` 38 Ukuwa awala wano wasunganga ichalo walola umwanakwe awavwanzyania awati, wee amwana wamwenichalo saleni tumukome ngatusende insawo yakwe iwe ayitu! 39 Achaleka awamulema; awamusumbila kunzi yachalo awamukoma. 40 Yesu awazya ati ale, wuzye pano umwenichalo wiza waya alichita wuli nawantunye wawo?" 41 Awamutolelela awati, nachawuzimanye alikoma awawipenye wawo ape ichalo chakwe kuwalimi wanji wano waliwawupa ivikomwa vyakwe mumpindi nzipile." 42 Yesu awanena ati, "wuzye musitela muwazye chino amawaliko matele yavwanga ukuti lwe lino wakazenga walikana wati alyavye lyolyonye alino lyanyosile aliwa lyenecho chonye - choo chachisilwe ni mfumu e Leza ye, achakuzungusya wuli?' 43 Yesu anyoka avwanga ati, mulipokwa uwufumu wakwe Leza wupwe kuwantu wano walikoma ivikomwa. 44 Wensi wino wiza waponela piwenyelyoo alivunika alepunkane, ukuwa ndi iwe liza lyaponela wumwi lilimusyutungula witukumbu." 45 Wasimapepo wakulu nawa falisi wivwile imilumbe yakwe yesu awiluka kuno wawanenanga woliwonye. 46 Achaleka awalonda ukumulema, ukuwa awatina amawumba, wuno yeni yasuwizile Yesu kuno walinji amutumwa.