¹ Uwufumu wamwiyulu wakolana numwenichalo wino wapulusile mwipwi kukulalika awakuwomba muchalo chakwe ichavikomwa. ² Awalayana ukuwalipa ndivino walipilanga ulundalama longo, pawanda wonga, awatuma kuchalo chakwe kukuwomba. ³ Swinya pano ilanzi lyakwe la katichi aya pamasyo yakukazizya alola wanji wimilile wowo ⁴ Achaleka awanena ati, namwenye yanji kuchalo chavikomwa nandi njize mbalipile ichetenye. ⁵ Achaleka awaya, anyoka swinya pano ilanzi lyawa pamutwe, napano ilanzi lyasenuka achita wowonye. ⁶ Alila pano ilanzi lyapona aya pamasyo yakukazizya alola awansi wawili wimilile penepo. awawuzya ati, ngamuno chani chino mwimilile paa awowo uwanda numukulu? ⁷ Awumutolelela awati, amuno pasi wumwi wino atulalisile, awanena ati, saleni fwandi na mwenye yanji kuchalo chavikomwa.' ⁸ Akula kwila, umwenichalo anena kapimpizya wakwe ati, 'yita awawomvi uyeze uwalipile, utalichile kwewano wizile pansizi upelelechezye wano watela wizile pakutalika.' ⁹ Awantu wano wayile mukuwomba pano ilanzilyapona awalipilwa ulundalama longa - longa. ¹⁰ Achaleka awantu wano watalichizile ukuya mukuwomba awakwelengania wakuti wandi wapochelele walusye, ukuwa nawonye awapochelela ulundalama longa - longa. ¹¹ Awala wapochelela awavijilwa umwenichalo awati, ¹² Waa awansizi wawomvile akapindi katichinye pano swenji twatela tusenzile umusanya wonsi - ukuwa naponye watulingania amalipilo.' ¹³ Ukuwa umwenichalo atolelela anena wenga uwakwe woliwo ati, yivwa wane, ntakuchenjezizya, ukuwa, ngavino twatela tulayine ulundalama longa kuwanda wonsi. ¹⁴ Achaleka pochelela uwapita kumwinu akulonda kwane ukulipila uwansizinye wewe ndivino wewe. ¹⁵ Wuzye chisi achane ukuchita ndimuno nkulondela nindalama zyane? wuzye pamwi uwuzuwa wakulema munoawila wane? ¹⁶ Yesu apelelechezya namazwi yakuti, achaleka awakupelelechezya waliwa awakutalika, awakutalika waliwa awakupelelechezya" ¹⁷ Ala vino Yesu akuya ku Yerusalemu asenda awasambilizi wakwe ikumi na wawili, pano wakupita awanena kumbali ati, ¹⁸ vivwani kanonzi tukuya ku yerusalemu, umwanamuntu wandi akalemekwe kwe wasimapepo wakulunakuwasambilizya wamasundo, wakamupanzizya kumfwa. ¹⁹ Wamulemeke kumakandi, wamusoweke wamuvwapule, wamupamantile pawuchingane; ukuwa pawanda wachititatu azyulupulwe." ²⁰ Ngapano nyina wawanakwe zebediya aya kwe Yesu nawanakwe, afika afukama, amulambilizya ukuti amulole inkumbu. ²¹ Yesu amuwuzya ati, Ng'ukulonda chani? amutolelela ati, nazina layilizya ukuti awanane waa wowili wize wikale wumwi kwikasa lyako ilyandilo wumwi kwekamani muwufumu wako." ²² Ukuwa Yesu awatolelela ati, mutamanyile nachino mukulenga wuzye mungang'wela mulupindi luno nandi ng'wele? awawutolelela awati, tungangwela." ²³ Yesu awanena ati awanche muling'wela kwikasa lyane ilyandilo nilyakwe kamani ukuwa chisi achane ukusola wumwi. Amasyonye ayakwe wano umonsi wane wawayanizya." ²⁴ Awala awasambilizi ikumi wivwa awavitilwa awang'onda yonga wawili. ²⁵ Ukuwa Yesu awata wonsi apaliponga ati mwamanya kuno izyamfumu zikapazya awantu wamo, awalanga wakupanzya awantu wawo, awalanga wakupanzya nawakapanzya wawo ²⁶ Ukuwa naponye mwenji asi avino chili ukuwa ndiwumwi pakwe mwemwe akulonda ukuwa amukulu, wazipila awapyunjila wanji. ²⁷ Nawensi mwakwe mwemwe wino akulonda ukuwa awakutalika, wazipila awa amuzya winu. ²⁸ Ndivino umwanamuntu, wino atizizile kukupyunjilwa, nkandi kukupyunjila nukutaya uwumi wakwe kukutula awavule." ²⁹ Awala pano wakufumu mwe Jeriko, iwumbakulu alikonka Yesu. ³⁰ Lolani intonko ziwili zino zyisile mumbali yanzila azyivwa kuno Yesu wapitanga, achaleka azipunda aziti wemwanakwe davidi! tufwile inkumbu, mulali! ³¹ Iwumba alizikalipila ukuti zimyatale ukuwa zipundisya nkani azili, wemwenakwe Davidi! tufwile inkumbu, mulali." ³² Yesu ayimilila awita ati, ngamukasi mbachitile chani? ³³ Azitolelela aziti, mfumu, tukasi ukuti utupe ichete! ³⁴ Yesu awalola inkumbu ukumvya aminso yawo; napapo napapo awatalika ukulola awamukonka.