¹ Ng'ukuti pano Yesu wamala ukuvwanga vyonye-vyoo, afuma mu galileya aya munsi yakwe yudeya, mumbalama. Yaluzi lwakwe yordani. ² Amawumba makulu ayamukonka, awapozya kokonye. ³ Awafalisi wamwi awaya kwewe liwe awamwelezya awati wuzye chayana mwisundo litu umuntu ukuwinga umuchi pano akulondela?" ⁴ Yesu atolelela ati, wuzye mutawazya amawaliko matele? pakutalika talika umwelemuzi welewuzile umonsi numwanachi? ⁵ Ati mono achonye-choo umonsi alisya yisi nunyina awe apoliponga numuchi, wowili wawe amuwili wonga?' ⁶ Achino ye watachiwanga wawili, ukuwa wenga. Achaleka, kusikwezya umuntu ukupa wunkania chino leza wasanzya." ⁷ Awafalisi awamuwuzya awati, "ngamuno chani chino fwandi Musa watusunzile ukuti umonsi angapa umwanachi ekalata wakumuwinga?" ⁸ Yesu awatotetela ati Musa wawazumilizizye ukuwinga wawakwinu muno akukalala kwamyezo yinu ukuwa ukufumilila kuwutalichilo chitalinji awoo. ⁹ Nkuwanena nkuti wensi wino wiza wawinga umuchi wino asinumulandu, ngandi waya watwala winji atela akuzeleluka." ¹⁰ Awasambilizi wakwe awamunena awati ndi umulandu wuli awonyewoo kumonsi numwanachi, fwandi chisi achizima ukutwala ¹¹ Yesu awatolelela ati, ukuwa amazwinye yaa yasi ayawantu wonsi, nkandi kwakwe wano chapwanu Leza. ¹² Amuno kuli ivintu vilekane lekane vino vikalesya awonsi ukutwala; amuno wamwi wakwasilwe awowonye; nawo wanji wachisilwe wowonye; nawanji watanga watwale muno a wufumu wamwiyulu ukuwa wino angapochelela choo ndi achipochelele." ¹³ Awantu wamwi awatwala atwana kwe Yesu alyakuti akawike amakasa yakwe petoliko, atupepe, ukuwa awasambilizi wakwe awawakalipila. ¹⁴ Ukuwa Yesu ati lekani utwana twize kwenene, mutize mutulesye ukwiza amuno umufumu wamwaiyiyulu awatwamwata wonye woo. ¹⁵ Awika amakasa yakwe. Petolito afuma nukufuma. ¹⁶ Umuntu wumwi aya kwe Yesu ati, musambilizizyanga ingachila chizima chi ukuti njize mpochelele uwumi wamuyayaya?" ¹⁷ Yesu amutoletela ati, nga ukumbuzizya chani kuvyakwe chino achizima? umuzima aliwenganye - nsu. Ndi ukalonda ukwinjila muwumi tontelanga amasundo." ¹⁸ Awuzichisya ati, nga amasundo chi? Yesu ati, ayakuti, utokoma; utazeleluka; utakwiwa, utawipizya; ¹⁹ uwachindika eso nunyoka; swinya uwakunda umuwuyo ndivino wayikunda. ²⁰ Umulumendo amunena ati, vyonsinye vyoo nasunga. Nga nchili nasowelwa chani? ²¹ Yesu ati, ndi ukulonda ufike pakafiko, yanga ukakazye vino ulinavyo upe awasaluke indalama, uliwa nimboto yamwiyulu; ngapano uyize unkonke. ²² Ukuwa ala umulumendo wivwa - amazwinye yayo awapita afwilimine, amuno walinji ninsowo mvule. ²³ Yesu anena awasambilizi wakwe ati, nkuwanena nkuti, chalala wulikuwa chindame ukwinjila mu wufumu wamwiyulu. ²⁴ Swinya nkuwanena nkuti chapepuchila ingamila ukupulunkana mwilinso lyansindano, ukulusye umuchindame ukwinjila muwufumu wakwe Leza." ²⁵ Awala awasambilizi wivwa wowonye awazunguka awa, "ngafwandi weweni angatulwa?" ²⁶ Yesu awalolesya awanena ati kuwantu choo chitanga chichitwe, ukuwa kwe leza kweni chingachitwa. ²⁷ Ngapano Peter atolelela ati, lola, twasya vyonsi twakukoka ngafwandi tuliwa nachani?" ²⁸ Yesu awanena ati, nachawuzimanye nkuwanena nkuti, ndi umwanamuntu wiza wapungama pandulu yakwe iyakuchindamikwa munkulo - mpya na mwenye ikumi na wawili mwewantu mukankonka muliyikala pazyandulu, mwize muwapanzya imyiko yakwe Israeli ikumi na yiwili. ²⁹ Na wonsi wano wiza wasya inganda zyawo pamwi awanyina nanti ankazi zyawo nanti awayisi pamwi wanyina nanti alikwata lyawo pamwi ivyalo vyawo muno alizina iyane, walipochelela walutilizye, wapyane nuwumi wamuyayaya. ³⁰ Ukuwa awavule wano kanonzi awayankolela walisyalichila, nawavule wano kanonzi awansizi walikolela.