¹ Awafalisi wamwi nawasaduki awayakwe Yesu. walondanga umwakumulemela. Achaleka awamuwuzya ukuti uwachitile ichizungusyo, icha kulanjizya ndi leza alinawe. ² Ukuwa Yesu awatolelela ati, likula pano ilanzi likwinjila amuti, kulichi ichete, amuno mupela mwawenza. ³ Swinya akula kwacha umutondo-tondo amuti, yandi itonye, amuno mupela mwawenza swinya mwafita. Mungakolania vino kulicha pakulolechesya mupela; ukuwa kweni mutanga mumanye chino ivya mpindinyezyozyo chikusula! ⁴ Ye, yawipa wuli inkulonye yoo yino itamanya Lesa! wuzye mukumbuzya ukuti nchite ichizungusyo? awe, nakana! ichizungusyo chino nandi mbape suka ndi achizungusyo chakwe yona. Achaleka awasya apita. ⁵ Ala awasambili walamba sumbi, awiwilia ukusenda ichakulya. ⁶ Yesu awanena ati, chenjelani muwayisunga kuvya mutawa wafalisi na wasaduki. ⁷ Awatalika ukupanzyania, wakuti, Yesu wavwanjila choo muno tutasenzile ichakulya chimwi. ⁸ Ala Yesu wamanya chino wavwanganga awawuzya ati, nga muno chani chino mukupanzyania muno mutesenzile ichakulya? yemwe, wisuwilo tichi mwe? ⁹ Wuzye mutanga mwiluke? wuzye musinakwizuka pano namontolinie imisumba yisano iyakulela awantu imyanda ikumi impindi zisano(5,000) ¹⁰ Nga mwizuzizye ivitundu vinga? nga imifumba yoyo munenula mbali yino yalezile awantu imyanda ikumi impindizini (4,000)? nga mwizuzizye ivitundu vinga? ¹¹ Nga muno chani chino mutanga mwiluke kuno nsinakuwanena mwemwe kuvyacha kulya? yizukanji kuvya mutawa wafalisi na wasaduki! ¹² Nga pano awasambilizi awiluka kuno atawanenanga kukuyisunga kuvya mutawa wachakulya, ukuwa kukuyisunga kumisambilizizye ya wafalisi na wasaduki. ¹³ Yesu aya mupipi nakuya kakwe kesariya Filipi, kuno wayile awuzya awasambilizi wakwe ati, nga awantu wakutanji umina na muntu weweni? ¹⁴ Awatoleleza awati, wamwi wakutanji we Yohani kabatizya nawo wanji wakutanji we Eliya, pano wanji wakutanji we Jeremiya pamwi amutumwa winji. ¹⁵ Nga pano Yesu awawuzya ati, nga mwenji mukutanji neweni? ¹⁶ Simoni Peter atolelela ati, we mesaya, umwanakwe Leza mumi" ¹⁷ Yesu atolelela ati, wasalipa, we Simoni mwanakwe Yohana! amuno ukusimichila koo kutafuma kumulawa wumwi, ukuwa ukuwa kwafuma kwe tata uwamwiyulu. ¹⁸ Achaleka nkuwanena nkuti, Peter,wemfuzi, napalufulanye loo ulwakwe mfuzi apano ndizenga ikeleziyalyane, lino nanti amfwa nye italilichimvya. ¹⁹ ndi kupa wakii wawu wufumu wamwiyulu; chino wiza wakana munsi moo, na mwiyulunye chilikanwa, na chino wiza wazumilizya munsi chilizumilizina na mwiyulunye. ²⁰ Nga pano Yesu akomelezya awasambilizi wakwe ukuti watize wanena umuntu wumwi kuno walinji we mesaya. ²¹ Ukufumilila pa mpindi nye yoyo Yesu atalika ukuwumbulila awasambilizi wakwe ati, nandinje kwe yerusalemu nkayimbe ivintu vivule kwe wasongo, nakwe wasimapepo wakulu, nakuwasambilizya wamasundo. Nkomwe ukuwa nzyulupuke pawanda wachititatu. ²² Peter akwemela Yesu kumbali atalika awamukalipila. ati, ndi Leza achipisizye ukutali mulali ichamwatanye woo chitize chikuponele! ²³ Yesu apiluchila kwe Peter amunena ati, tinapano we satana! wechakupunuzya munzila yane, amuno amelengania yako amelengania ya wantu yasi ayawuleza." ²⁴ Ngapano Yesu anena awasambilizi wakwe ati, ndi wumwi akulonda ukunkonka wazipikla ayiwilila umwenecho asende uwuchingane wakwe ankonke. ²⁵ Amuno wensi wino akulonda ukukakatizya uwumi wakwe aliwusumba; ukuwa wensi wino akusumba uwumi wakwe muno anene alilanga ali nawo. ²⁶ Wuzye umuntu angawotoka chimwi ndiwawa ninsi yonsi ukuwa walovya uwumi wakwe? ng'o! pasi chimwi chino umuntu angakawunkania nuwumi wakwe? ²⁷ Amuno umwana muntu ali papipi nukwiza muwukankala wamonsi wakwe na wangeli wakwe, nga ayize alambulewila muntu ukulingana nimilimo yakwe. ²⁸ Yizukanji choo! panye paa pakwe mwemwe pali wamwi wino watalifwa wasuke wize walole umwana muntu wiza watemi uwufumu.