¹ Ayala manda yasila mutanda Yesu asenda Peter awang'anda yonga wawili e Jemusi nu munyinae Yohani akwela nawo mumwamba wutali palwawo. ² Awala pano wakulola nukulola, Yesu apilunkana paminso yawo; impumi yakwe iwala enda yakwe iwa amitiswe ngati akuwala. ³ Awasambilizi wotatunye awalola Musa nu Eliya wakuvwanzyania nu Yesu. ⁴ Achaleka Peter asimpuka anena Yesu ati, chazipa wuli pano tuli konye-koo; ndi ukulonda, nazenga paa imitanda yitatu, wumwi awako, wumwi wuwe awakwe Musa, nawunji wuwe awakwe Eliya." ⁵ Ala vino achili akuvwanga, iwingo tiswe aliwavwimba; nizwi alifuma mwiwingo aliti, wee a mwanane umukundwe, mwakwe weno nkusechela nkani; mwivwanji! ⁶ Awala awasambilizi wivwa izwi, awatina nkaninye awapona pansi wafukime. ⁷ Yesu aya awakumvya ati, kutukami mutatina! ⁸ Achaleka awinula awinso yawo lelo anti kulola wumwi suka ndi we Yesu mutupu. ⁹ Awala vino wakutantamuka umwamba, Yesu awasunda ati mutaya mukanene umuntu wumwi ichikolwa chino mwalola, asuke umwana muntu ayize azyulupulwe kumfwa. ¹⁰ Awasambilizi wakwe awamuwuzya awuti, ngamunochani chino awasambilizya wamasundo wakutanji, Eliya awino alitalichila ukwiza? ¹¹ Yesu atolelela ati, awenche Eliya akwize, ayize ayanie ivintu vyonsi. ¹² Ukuwa nkuwanena nkuti Eliya wiza kali, nanti apakuti wamumanye, ukuwa wamuchita chonsi chino walondanga. Awowonye avino nu mwanamuntu aliyimba kwewoliwo. ¹³ Ngapano awasambilizi wakwe awiluka kuno wawanenanga ivyakwe Yohani kupabatizya. ¹⁴ Ala Yesu nawasambilizi wakwe watatu wanyochela kwiwumba, umuntu wumwi aya kwe Yesu, afika awasekowalila ati, ¹⁵ Mfumu, fwila umwanane inkumbu! amuno ali nusinsa; ali nivipalazi viwipe chino mpindi zimwi akaponela mumulilo, mpindi zimwi mumi. ¹⁶ Imulesile kuwasambilizi wako wapotwa ukumupozya. ¹⁷ Yesu atolelela ati, oko mwenkulo mbipe ntasuwilwa-mwe! ngandi langa nikala namwe mpaka kwinga nandinji kale namwe yangu? leta umulumendo weyo kwenene. ¹⁸ Yesu akalipila umuzimu wuwipe awufuma mumulumendo: apola pampindinye yoyo. ¹⁹ Nga awasambilizi awaya kwe Yesu palwawo, awafika awali, ngamuno chani chino swenji tuposilwa ukufumya umuzimu wuwipe? ²⁰ Awanena ati amuno alisuwilo linu itichi. Manyani choo! mulinena umwambanye woo muti; syembuka uye koko! wulisyembuka. Pasi chimwi chino chiliwapoja. ²¹ (Ukuwa nkundi amapepo nukukana ukulya umwenzo awino vingawinga ichamwatanye ndi-woo). ²² Awala awasambilizi wonsi waya mugalileya, Yesu awanena ati, umwanamuntu alilemekwa mumakasa yawantu; ²³ Wize wamukome uwanda wachititatu azyulupulwe awasambilizi awawa namalanda nkaninye. ²⁴ Ala Yesu nawasambilizi wakwe waya ku kapernahumi, wano wapochelelanga imitulo yang'anda yakupepela awayakwe peter awamuwuzya awati, wuzye numusambilizya winunye akutula imitulo yang'anda yakupepela? ²⁵ Peter atolelela ati eta akatula. ala wino peter winjila mung'anda, Yesu amutang'anizya amuwuzya ati, ngawenji ukuti wuli, Simoni? ngawaweni wano wakutula imitulo kuzya mfumu zyamunsinye yoo? wuzye awakaya wamunsinye pamwi aweni? ²⁶ Peter atolelela ati, aweni. Yesu atolelela ati molimonye awakaya wasitula imitulo. ²⁷ Ukuwa swenji tutuze tupunuzye awantunye waa. Achaleka fwandi yanga kwe sumbi ukasumbile iswelo; usende inswi yino watalichila waswela, ule wayasamula wandi uzane ulundalama luno viyine yitu numutulo wane nuwinu uwape utule walule imitule.