¹ Apano awafalisi wamwi na wazambilizya wamasundo awafuma kwe Yerusalemu awaya kwe yesu awamuwuzya awati ² Ngamuno chini chino awasambizi wako wakukana ukutontela kusambilizizye yino watatakulu watupile? wasisamba kumakasa ichete ndimuno chazipila panowakulya! ³ Yesu atoleleza awanena ati, ngamwenji amuno chanichino musinakutontela isundo lyakwe Leza ukuwa mukukonka imisambilizizye yinu? ⁴ Amuno Leza wavwanga wati, uwachindika Eso nunyoko, na wensi wino akuvwanjila yisi nantiwenyina uluwi, wazipila imfwa. ⁵ Ukuwa mwenji mukati wansi wino wanena yisi nanti wenyina wati ichintu choo chino ungalonda nkupe, napa Leza kali, ⁶ Umuntunye wee mwenji mukutanji chingatenga atapaumukwasi, asi nu mulandu. Wowonye avino mwakana ukupecheza izwi lyakwe Leza mwakonka imisambilizizye yinu. ⁷ Mwewaka chenyezya - mwe! ye - mwe vino ayizeya watumilwe ichete ivinu, ati, ⁸ Awantu nye waa wakanchindika namazwi yawo matupu, wakuti Leza - Leza, ukuwa imyenzo yawo ili ukutali nani. ⁹ achavye-chanye ukumfukamila, Amuno wakusambilizyanga amasambilizyo yamasundo yawantu ngati amasundo yakwe Leza." ¹⁰ Yesu ayita iwumba alinena ati, teyelezyani, mwivwichisye! ¹¹ Chisi achino mumulomo achino chikakombezya umuntu; ukuwa nkandi chino chikafuma mumulomo achino chikakombezya." ¹² Ngapano awasambilizi wakwe awaya kweweliwe awati, wuzye umanyile kuno awafalisi walumilwe mumyenzo nkaninye pano wivwile wonyi-woo?" ¹³ Atolelela ati, umuti wonsi wuno asi amonsi wane uwamwiyulu walembeka, wulinyunkulwa. ¹⁴ Walekani! awakakolelela ntonko; chino ndi intonko yakolelela intonko mbuye, wonsinye wowili wangaponela muchizinji." ¹⁵ Peter asempuka ati, tunene chino umulumbenye woo wakusula. ¹⁶ Yesu ati, namwenye mutani muwe na wano ukulusyewanji. ¹⁷ Wuzye mutilusile? chonsinye chino chikakwinjila mumulomo wa muntu chikuyanga munda achinyoka achifuma kulonde?. ¹⁸ Ukuwa vino vikafuma mumulomo vikafuma mumwenzo; vyovyonye avino vikakombezya umuntu. ¹⁹ Amuno mumwenzo wakwenye amuno amelengania mawipe ayamukolelela awa wechikoma, amuzelele, nukuchita ivintu vinji iviwipe; ukupoka ukuwipizya nukunenia. ²⁰ vyonye-vyoo avino vikakombezya umuntu. ukuwa ukulya na makasa matifi ndimuno wakuwanenela ukuti muwasamba vyeni visikombezya." ²¹ Yesu afuma kweneko aya munsi yino vyapalamine nutwaya twamwe ture nu sidoni. ²² Umwanachi umu kenani wino wikalanga muchipya chansinye yoyo aya kwe Yesu. Afika akuta ikuta ati, we mwanakwe davidi, mfwila inkumbu. Nazina! umwanawe umukazyana ali nu muzimu wuwipe wuno wumuvulunginie mwaline." ²³ Ukuwa Yesu nantii kumutolelela chimwi. Awasambilizi wakwe awaya awamulambilizya awati, muwinge apite! akutukonchelela nukuchita ichongo." ²⁴ Ukuwa Yesu atolelela ati, ukuwa nenji ntatumilwa chinji nkandi kung'onzi nsowe izya wantu wakwe Israeli." ²⁵ Ala umwanachi wivwa wowonye apupuka ayaapona pamanama yakwe Yesu. Ati, tatakulu! ntula. ²⁶ Nawe atolelela ati, chisi achizima ukusenda ichakulya chawana usumbila imbwa." ²⁷ Atolelela ati, molimonye, Tatakulu; ukuwa nimbwanye zikalya imvongonyo zino zikupona pano wayisikulu wakulya. ²⁸ Achaleka Yesu amutolelela ati, wemwanachi wisuwilokulu wuli! chino ukulonda chandi chichitwe pakapindi nye kako umwanakwe apola nu kupola. ²⁹ Yesu afuma mumasyonye yayo akonka mumbali yakwesumbi wa galileya. Akwela umwamba ayikala pansi. ³⁰ Amawumba makulu ayaya kweweliwe, wasenzile awalemale, nintonko, nawachikonta, nawawiwi, nawalwale wanji awavule, awaya awawalambalika pamanama yakwe Yesu; awapozya. ³¹ Awantu awazunguka pano walola wiwi akuvwanga wachikonta wapola. nawalemale wakupita, nintonkozikulola, awatumvya Leza wawe Israeli. ³² Yesu aita awasambilizi wakwe awanena ati, "indi nichilanda kuwantu awaa, amuno wikala nani kanonzi yawa amanda yatatu, wasi ni chakulya. Nsina kulonda ukuwataya ukuti wapite nanti kulya chimwi, amuno nche pamwi wangafwa ulupwe munzila panowakuya kumwawo." ³³ Awasambilizi awamuwuzya awati, ngafwandi monye -moo mulu mpalang'ang'a twandi tuzane ichakulya chino chingalela iwumbanye lyoo kwi? ³⁴ Yesu awawuzya ati, ngafwandi muli ni misumba munenula mbali, ninswi ntichi." ³⁵ Achaleka Yesu anena iwumba ukuti likale pansi. ³⁶ Ngapano atola imisumba munenula mbali ninswi, asalifya kwe Leza, amenyania apa awa sambilizya wakwe, nawo awapa awantu. ³⁷ Wonsi awalya awikuta. Awasambilizi awasenda ichakulya chino chisyazile awalonga muvitundu munenulambali. ³⁸ Ukuvula kwa wantu wano walile ichakulya walinji imyanda ikunu impindi zini (4,000) nanti kuwazya apaliponga nawanachi na wana. ³⁹ Ngapano Yesu aleka amawumba ayapita, nawe ayinjila muwato, aya munsi ya magadani.