¹ Palanga patani pazimbe nkani Yesu apita muvyalo vyankumba pawanda wakusolezya. yalumile awasambilizi wakwe, achaleka awatalika ukufyanula Inkumba awapukusa wakulya. ² Ukuwa awafalisi awala walola wowonye, awanene Yesu awati, lola, awasambilizi wako wakuchila Isundo litu wakufyanula Inkumba pawanda wakusolezya" ³ Yesu awatolelela ati wuzye mutawazya chino Davidi wachisile pampindi yoyo pano Inzala yamulumile nawano walinji nawo? ⁴ winjizile mung'anda yakwe Leza, nga Davidi-nye nawantu wakwe awalya Ichakulya chimichile Ichakwe Leza, chingatenga lyalinji alisundo kwakwe woliwo kuno watazipizile ukulya Ichakulya chochonye chalinji achakulya chakwe wasimapepo watupu? ⁵ Pamwi wuzye mutawazya mumasundo yakwe musa kuno mumanda yakusolezya yonsinye wasimapepo wakachila Isusundo lya wanda wakusolezya mung'anda yakupepela, ukuwa naponye nanti kuti wawe numulandu? ⁶ Ukuwa nkuwanene nkuti, paa palichimwi chino chakula chalisya Ing'anda yakupepela. ⁷ Amawaliko matele yakutanji, nakunda Inkumbu, Inzuwi zyanyama pole. ndachino nd'achinomwanga mumanye chino chonye-choo chikusula, mutanga muwasumbichila wano wasi numulandu. ⁸ Amuno umwanamuntu awili mweni wanda wakusolezya.'' ⁹ Yesu afuma paponye aya ayinjila mung'anda yawo Iyakupepela. ¹⁰ Momonye mwalinji umuntu wumwi wino wakwinyine Ikasa. momonye swinya mwalinji nawantu wamwi wano walondanga ukupa Yesu umulandu wakuchita chino chitayana; achaleka awamuwuzyaawati, wuzya achiwipe mwisundo litu ukupozya pawanda wakusolezya. ¹¹ Yesu awatolelela ati, nga chili wuli ndiwumwi uwakwe mwemwe Ing'onzi yakwe yaponela muchizinji pamanda wakusolezya? wuzye atanga ayileme ayifumwe mwenemo? ¹² Ngafwendi wuli umulawa wino walusya Ing'onzi uwuzi achaleka fwendi Isundo litu lyatuzumilizya ukwavwilizya wumwi pawanda wakusolezya.'' ¹³ Ngapano Yesu anena umuntu ati, tambalika Ikasa lyako. atambilika Ikasa lyakwe, alipola aliwa Icheta ndivino Iwuye. ¹⁴ Ukuwa awafalisi awafumaawakwamba ukuti. wakome Yesu. ¹⁵ Yesu ala wamanya Inkoma yawo, afuntuka kweneko; awantu wavule awamukonka. apozya awalwale wonsi. ¹⁶ Awasunda ukuti watize wamuwumbule kwewanji, ¹⁷ Alyakuti chino Leza wavwanjizile mumutumwa ayizeya chifiswe Ichakuti, ¹⁸ Wee amuwonvi wane wino natinsola. ekankundwa wane, mwakwe wino nkusechela nkani. Ndiwika umuzimu wane peweliwe, ayize awumbule Ipanzyo-lyane kuwantu wonsi. ¹⁹ Ataliwa nimimpanzi nanti akupundisya, nanti akupunda nizwi kulu mumisolo. ²⁰ Atalikonyola Itete fwantike, nanti akuzimya umunyeta wuno wukusuka. alilanga alandalizile asuke alete umutende; ²¹ Na wantu wonsi wize wamusuwile. ²² Ngapano awantu wamwi awatwalila Yesu umuntu wino walinji entonko swinya wiwi amuno walinji numuzimu wuwipe Yesu apozya umuntunye weyo, awavwanga, awalola nukukolela. ²³ Amawumba yonsi ayazunguka ayati, wuzye nche atanga alange amwanakwe Davudi?'' ²⁴ Ukuwa awafalisi awala wivwa awati, chino chikuloleka kuno akufumya Imizimu miwipe amuno kapanzwa wa wawo e belizabuli awino akumupa amaka yakuchitila wowonye. ²⁵ Ala Yesu wamanya amelengania yawo awanena ati, uwufumu wonsi wuno wukapawunkana awuwalwisyania wusilandila. nakaya konsinye nanti achiwanza chino chikayipawunkania achiwalwinsyania. ²⁶ Achaleka muwufumu wakwe Satana, ndi Ichipya chonga chikulwisya Ichiwuye Ye kuli ukupawunkana mukusalangana nanti kuzimba. ²⁷ Yesu ati mukuti nkuwinga Imizimu miwipe muno Belizabuli awino akumupa amaka yakuchitila wowonye. aleni fwandi, ngamwenji weweni wino akapa awantu winu amaka yakuwinjila Imizimu miwipe? awantu winunye wanowakatungulula wapanichisya kuno mwewachawufi. ²⁸ Nga a muzimu wakwe Leza awino wamupanga amaka yakuwinjila imizi miwipe chino chikupanichisya ukuti. uwufumu wakwe Leza walala wiza pakwe mwemwe. ²⁹ Pasi umuntu wumwi wino anga mongola Ing'anda yamuntu mukazawane asende Insawo yakwe nkandi ndwatela wanyepa umukazawane; peni apano angonona Ing'anda yakwe. ³⁰ Wino asi nani achipando; nawino asinukukonganika nani ye akusampania. ³¹ Achaleka nkuwanena nkuti; aluwembu lonsi numusamu vyonsi vilitetelwa kuwantu; ukuawa ukusamula e muzimu mwimichile kutalitetelwa. ³² Nawensi wino wiza wavwanjila umwanamuntu ulumi alitetelwa; ukuwa wensi wino wiza wavwanjila e muzimu mwimichile uluwi atalitetelwa nanti ampindinye yoo nanti ayino Ikwiza. ³³ Ndi ukulonda ukuwa nivikomwa vizima, wazipila uwa numuntu muzima; ndi uli numuti wuwipe ungawa nivikomwa viwipe amuno umuti wukamanyichilwa kuvikomwa vyakwe. ³⁴ Mwenzoka mwe nga mungavwanga Ivizima wuli pano mwewawipe? amuno umulomo wukavwanga vino vili mumwenzo. ³⁵ Umuntu muzima ahafumya Ivintu vizima mumboto yakwe Inzima; nu muntu muwipe akafumya Ivintu viwipe munsawo yakwe Imbipe. ³⁶ Nkuwanena choo nkuti, pawanda wipanzyo umuntu wensi aliyiyulila Ivyamazwi yakwe ayavye yano wavwanga. ³⁷ Amuno ulipanzizwa kumazwi yakonye, uzanwe kuno usi nakasinza pamwi uli numulandu awafalisi awalonda ukuti walole amayele.'' ³⁸ Ngapano awasambilizya wisundo wamwi na wafalisi awavwanga awati, musambilizya tukasi tulole kuno ukuchita amayele. ³⁹ Yesu apunda ati, yee, wawipa wuli awantu wankulo yoo wano watamanya leza! nga mukumbizizya Ivyamayele chani.? nakana! sukamdi achayele yakwe Yona umutumwa. ⁴⁰ Amuno ndivino Yona wisile munda yaswi nkulu amanda yatatu ayamusanya nuwusiku, avino numwanamuntunye aliyikala pansi mumusili amanda yatatu ayamusanya nuwusiku. ⁴¹ Pawanda wipanzyo awantu wa kunive waliwakatuchila wawalongole, amuno walanga wivwa ukuwila kwakwe Yona awatontolokwa kuluwembu lwawo; swinya nkuwanena nkuti panyipaa pali Ichintu chinji Ichikulu ukulusye Yona. ⁴² Pawanda wipanzyo Imfumukazi alifumilila kambazwi ayize awakatuchile awalongole amuno wapisile umusinzo azinguluka Insi mbali kukwivwa Imisambilizizye yamano yakwe Solomoni; nakanonzinye paapali Ichintu Chinji, chino chakula chalusya nu Solomoni-nye. ⁴³ Ukuwa umuzimu wuwipe wukula mumuntu, awuwapita wukulungana mulumpalang'ang'a wukuvwamba amasyo yakupuza. ukuwa ndiwapotwa ukuzana apakupuza. ⁴⁴ Ngapano awantu, nandinyochele kung'anda yane kunonafumizile. nga awula wanyochela kweneko awuya awuzana mulimya, amupyele amuyanie. ⁴⁵ Ngapano awupita awuyaamusenda Imizimu yinji munenula mbali yino yawipisya yawulusya, Ifika Iyinjila Iwakwikala mwenemo nga Imyikalile yakupelelechezya yamuntunye weyo Iwipa Ilisye niyakutalika. avino chiliwa nakunkulonye-yoo. ⁴⁶ Ala pano Yesu achili akuvwanga na wantu, E nyina nawanyina awafika. awimilila palonde, awalonda ukuti wavwange nu Yesu. ⁴⁷ Nga umuntu wumwi amunena ati, lola enyoko nawanyonko wimilile palonde, wakulonda ukuvwanga nawe''. ⁴⁸ Yesu atolelela ati, nga mayo weweni? nawana witu awaweni? ⁴⁹ Asonta Ikasa lyakwe pawasambilizi wakwe ati lolani! waa awali wamayo nawana witu! ⁵⁰ Amuno wensi wino akuchita ukulonda kwakwe tata wamwiyulu, awili umwanawitu, awili nkazi yane awili mayo''.