¹ Ngukuti pano Yesu wamala ukukomelezya awasambilizi Ikumi nawawili, afuma kweneko aya mukuyasambilizya nukuwila imbila nzima mutwaya twawo. ² Lelo Yohani kabatizya walile wivwa mung'anda yavingolola Imilimo yakwe kristu, atuma awasambilizi wakwe wamwi kwe Yesu awamuwuzya awati. tunene, ³ wuzye awemuntu Yohani watili akwiza. pamwi tuwalolela winji?'' ⁴ Yesu atolelela Intimi zino Yohani watumile ati, pitanji mukanene Yohani Ivintu vino mukwivwa swinya vino mukulola. ⁵ Intonko zikupochelela Ivyeni vyawo, wachokonta wakupita awamambombo wakutelefwa, nawakutwi wakwivwa nawafwe wakuzyulupulwa, nawasaluke wakuwililwa Ilandwe zima. ⁶ Awalongo awano atandi awazana Ichakumupunuzya mwakwe nene. ⁷ Awala wano wapita, Yesu atalika ukunena amawumba Ivwakwe Yohani ati, nga mulumpalang'ang'a mwayile kwe Yohani,'' mukutamba chani? ⁸ wuzye alisote lino umuza ukayingania? wuzye mwayile mukutamba umuntu wino wazwite Ivizwalo vinji? awantu wano wakazwala Ivyamwatanye wowo wakakwikala mumasano yazyafumu. ⁹ Aleni ngafwedi mwayiletamba chani? wuzye mwayile mukulola umutumwa? ukuwa nachawuzimanye? nkuwanena nkuti mweweni wino mwakula wakula mwalusya numutumwanye. ¹⁰ Amuno e Yohaninye awino yawalisilwe yati, Imfumu e Leza, wavwanga wati, Intimi yane yoo yino ndituma panklelo pakwe wewe kukukumila Inzila. ¹¹ Nyizukanji chonye-choo! e Yohani kabatizya wakula walusya wonsi wano walinji-po kali. ukuwa wino amutichi mu wufumu wamwiyulu awino wakula wamulusya. ¹² Ukufumilila pampindinye yino yohani wumanga Imbila yilandwe zima ukufika nilelo uwufumu wamwiyulu wukalwisya nkaninye, nawantu wawipe wakalonda ukuwulema. ¹³ Amuno amasundo yakwe musa nawatumwa wonsi ukwizafika pampindi yakwe Yohani. wavwanganga Ivya wufumu wamwiyulu wamwiyulu; ¹⁴ Achaleka ndimukulonda ukusuwila amazwi yawo e Yohani- nye awili eliya-nye, wino watanji aliyiza. ¹⁵ Achaleka yivwanji. ¹⁶ Nga nayikolania nachani Inkulonye yoo? ykolana nawana wano wisile pamasyo yakukuzizya. lwumba lyonga likupunda awawuye likuti, ¹⁷ Twawimbilizile ulwimbo lwawinga, ukuwa nanti kuchina! twawimbilizile Indwimbo zyamalosyo ukuwa mutatela mulile.' ¹⁸ Amuno Yohani wizile nanti kuti awalya nanti akung'wa Ipala. awantu wonsi awati, ali numuzimu wuwipe! ¹⁹ Umwanamuntu wizile awalya nukung'wa, awati, lolani umuntu mumilichilichisye, eching'wipala, echiwuza wawasanguzi nawawembu ukuwa naponye amano yakwe Leza yalanjizya mumilimo yakwe kuno ayakusimichila.'' ²⁰ Ngapano Yesu atalika ukukalipila utwaya tuno wachisile mwenimo Ivizungusyo vyakwe Ivikalambane amuno awantu wamutwayanye toto wakanile ukutontolokwa kukuwembulwa, ²¹ Chilikuwipila wuli, we kolazini! nawenye oko, we Betisasaida! ndachino Ichakuzungusya vino vyachisilwe mwekwe mwemwe vyanga vichitwe mutwale na mu Sidoni, awantu wamwe nemo ngali watontolosilwe kali awazwala amasanko, awayikunchila nitoyi awayilanjizya ukutontolokwe kuluwembu lwawo. ²² Achaleka yizukanji, ukuti Leza alifwila tulu nu Sidoni Inkumbu pawanda wipanzyo ukulusye wewe. ²³ Nawe kapernahumi wuzye! walondanga ukukula ukuti ufike mwiyulu? ulisumbilwwa pansi mwilungu lyamulilo! ndavino Ivyakuzungusya vino vyachisilwe mwakwe wewe vyanga vitele vyachisilwe mwe sodomu, ngali akaya kakwe sodomu kangalange kalipo ukufika nilelo! ²⁴ Achaleka fwandi yizukanga, kuno pawanda wipanzyo Leza alifwila sodomu Inkumbu ukuluswe wewe. ²⁵ Pampindinye yoyo Yesu ati, tata, mfumu yamwiyulu namunsi! nkukusalifya amuno wafisile Ivintunye vyoo kuwamano nakuwasambilile, ukuwa wavilanjizya kumintasambilila. ²⁶ Awenche tata wachisile Ivizuntunye vyoo nukulonda kwako ukukulu. ²⁷ Vyonsinyevyoo, we Tata, wampa pansi wumwi wino wamanya wumukwansi suka ndi a mwana, nawensi wino umwana walonda ukumuwumbula. ²⁸ Nzanji kwe nene mwensi mwewantu mukukuwantika swinya mwangwamilwa, nandi njize mbape ukupuza. ²⁹ Sendani Ichikonkoli chane swinya musambilile kwe nene, amuno nechimyamya swinya newakuyichefya mumwenzo; mwandi mwize mwandi mwize muzane ukupuza. ³⁰ Amuno Ichikonkoli chino nandinjize mbape, chitatala nichisendo chino nandinjize mbatwike achipepuke.