¹ Yesu ayinjila awasambilizi wakwe Ikumi na wawili awapa amaka yakuwinjila Imizimu miwipe nukupozya Indwala namatenda yamisango-misango. ² Amazina yawasambilizi Ikumi nawawili ayaa. uwakutalika we Simoni (wino akakwitwa Ilyakwe Peter) numunyina e Andreya, e Jemusi nu Yohani umunyina, awanakwe Zebediya, ³ E Firipu nu Bartolomayo, e tomasi nu Mateyu, ekasonchezya wamusonko nu Jemusi umwanakwe Alifeyu, nu Tadeyu, ⁴ E Sinoni umukaya nga nu Yuda Iskariotiti, wino wakutilizile Yesu. ⁵ Yesu atuma awantunye waa Ikumi nawawili awakomelezya ati, mutize muye munsi zyamakandi nanti akuya mutwaya twa wasamaliya. ⁶ Ukuwa yanji kung'onzi nsowe Izya waisraeli. ⁷ Yanji mukawilange Ilandwe zima muwati, uwufumu wa mwiyulu wapalamila.' ⁸ Mukapozyange awalwale, nukuzyulupula awafwe nukutelefya awamambombo nukuwinga Imizimu muwipe mwapochelela uwila, achaleka namwenye kapanji uwila. ⁹ Mutize muwasenda nanti we Golide, nanti we silivara, nanti andalama zyamakopala zimwi mumatumba yinu. ¹⁰ mutize mwasenda Ivyakupepela pamusinzo nanti ukusenda amalaya yawili-yawili nanti adyatu, nanti ansonzo yakusintilila, umuwomvi wazipila ukulambulwa. ¹¹ Muwala mukaya mukaya konsi kano mwinjila mwenemo akakulu nanti akatichinye, amuvwamba umwi wino akulonda ukuwapochelela amulanga mwisile nawe yonye musuke mwize mufume mumasyonye yayo. ¹² Ndi mwinjila mung'anda amuti, umutende wuwe namwe. ¹³ Ndi eweni ng'anda wawapochelela, amuleka umutende winu awuwasyalila; ukuwa ndi wakana ukuwapochelela, amuleka umutende winu awuwanyechela. ¹⁴ Ukuwa ndi mwaya mung'anda nanti amukaya kamwi wakana ukuwapochelela nanti akuwivwa amupita amusya mwakunta Itukumbu lino lilikumatamba yinu. ¹⁵ Izukani choo! pawanda wipanzyo Leza aliwa ninkumbu nkulu kuwantu wamwesodoma nu Gomora ukulusye awantu wamukayanye kako. ¹⁶ Yivwani nawatuma ngati ang'ozi mukasi mumpumpi. mule muwachenjela ndivino Inzoka swinya muwe mwewachimyamyanye, ndivino Inkunda. ¹⁷ Ukuwa, amuno awantu wamwi waliwalema wawatwale kumapembo ya kupanzizya, wawavwampule nukuwavwampula mung'anda zyakupepela. ¹⁸ Waliwatwala kwakwe wakapanzya nawuzya mfumu muno anene, pakuwalandila Ilandwe zima nukulandila amakandi. ¹⁹ Ndi wiza wawatwala kukupanzwa, mutize mwize muwasakamala chino mwandi mukavwange nanti aichakuti Ngamwaya vwanga chani, ndi Impindi yiza-yiza mulipwa Ichakuvwanga. ²⁰ Amuno amazwi yano muliwavwanga yasi amazyi yinu; yalifuma kumuzimu wa monsi winu awino aliwavwanga mwakwe mwemwe. ²¹ Awantu waliwalemeka awanyina kukukomwa nawakwasinye nawo waliwachita kuwana wawo wowonye; awana walisambuchila awakwasi waleke wakomwe. ²² Awantu wonsi waliwapata, amuno anene. ukuwa wino wiza walemasya ukufika nakunsilo alitulwa. ²³ Ukuwa ndi wiza wawayimvya mukaya kamwi, amwiza amusamalila kukaya kanji. nkuwanena nkuti, mutalimala ukuwomba umulimo winumutwaya twakwe Israeli tonsi alanga umwanamuntu atizile. ²⁴ Umusambilizi atakuka walusya umusambilizya atakula walusya umusambilizi wakwe; nanti amuzya atalusya yisikulu. ²⁵ Achaleka umusambilizi wazipila awa ngati amusambilizya wakwe numusambilizya ngati weyisikulu. ndi. pongo lyachiwanza akakwitwa Ilya muwipe. ye awamuchiwanza weni angitwa amazina mawipisye ukulusye! ²⁶ Mutize muwatina awantu. chonsinye chino chafumfunjizywa chiliwa palwenze, ninkama yonsinye Ilimanyika. ²⁷ Chino nkuwanena mumfinzi mwenji amuchivwanga apatiswe, na chonsi chino mwivwa munkama amuya amuchivwanjila pamusonje papela. ²⁸ Mutize muwatina wino ali namaka yakukoma umuwili ukuwa nanti kuwa namaka yakukoma umuzimu; ukuwa tinanzi Leza wino ali namaka yakulovya vyowili umuwili numuzimu awusumbile na mwilungu lyamulilo. ²⁹ Mungakala utusawa tuwili nikopala lyonga. ukuwa naponye pasi nanti kamwi kano kakapona pansi nanti kuti umonsi winu amanye. ³⁰ Achaleka fwandi mwenji , ninyele zyakumitwe yinunye zyapendwa zyonsi. ³¹ Achaleka mutize muwatina; mwakula uwuzi mwalusya utusawatuvule! ukuzumila mbali nukukana kirsitu ³² Wensi wino akunzumila pankolelopawantu awino naninye ndimuzumila pankolelo pamonsi wane uwamwiyulu. ³³ Ukuwa wensi wino akunkana pankolelo pawantu, naninye ndimukana pankolelo pa monsi wane uwamwiyulu. ³⁴ Mutize muwakwelengania muwati niza leteumutende munsi awe ntizaleta umutende ukuwa alisumo. ³⁵ Niza mukupatania awanachonsi kweyisi nawo awanachanachi kwewanyina, wanyinavyala wana kwewanyinavyala. ³⁶ Awalwani walutilizya wamuntu waliwa awachiwanza chakwenye. ³⁷ Wensi wino wakunda yinsi nanti wenyina walusya nene atazipila nene; nawensi nawensi wino wakunda umwanakwe uwachonsi nanti awachanachi walusyya nene atazipila nene. ³⁸ Wensi wino asinakusenda uwuchingane wakwe ankonka munzila zyane atazipila nene. ³⁹ Wensi wino akwelezya ukukakatizya uwumi aliwusumba. ukuwa wensi wino akusumba uwumi wakwe muno anene alilanga alinawo. ⁴⁰ Wensi wino akuwapochelela. atela akumpochelela nene; nawensi wino akumpchelela nene. atela akumpochelela wino wantuma. ⁴¹ Wensi wino akupochelela Intumi yakwe Leza apochelela Ichilambu nawensi wino akupochelela umuntu muzima muno nachauzimanye amuzimu, alipochelela Ichilambu. ⁴² Achaleka yizukani choo! wensi wino wiza wapa wenga awawatichinye wano wakankonka aminzi matalale, muno akankonka nene. nachawuzimanye alipochelela Ichilambu chakwe.''