¹ Yesu ayinjila muwato. alamba sumbi aya kukaya kakumwawo. ² Awantu wamwi awamutwalila uwachintendya wino walazile pachitanda Yesu alola Isuwilo Lyawo. anena Echintendya ati. simpa mwenene! amawembuko yako yatetelwa'' ³ Ngapano awasambilizya wamasundo wamwi awavwanziania awati umuntunye wee akukwelengula Leza'' ⁴ Yesu ala wamanya chino awantunye wawo welenganianga ati. ngamuno chani chino mukwelengania Iviwipisye vyoo? ⁵ Wuzye mukuti achintu chipepuke ukuti amawembuko yako yatetelwa nati kuti. kutuka uwapita? ⁶ Nandi mbalanjizye. kuno umwanawamuntu ali namaka munsi ayakutetela amawembuko. achaleka wanenile echintendya ati. katuka nyamula Ichitala chako, uye kumwinu'' ⁷ Umuntu akatuka aya kumwawo. ⁸ Awala awantu walola chonye-choo, awatina awatumvya Leza wino wapa awantu amaka aya mwata wonye-woo. ⁹ Ala Yesu akupita. yewefuma paponye alola kansochezya wa musonko e mateyu ayisile mung'anda yamusonko. amunena ati, mkonka mateyu akatuka amukonka. ¹⁰ Nga ala pano akulya Ichakulya mung'anda yakwe Mateyu wakasonchezya wamusonko awavulenye nawawembu awaya awayisanzyz kwakwe Yesu, nakuwasambilizi wakwe kukulya Ichakulya. ¹¹ Awala awafalisi wamwi walola wowonye awanena awasambilizi wakwe awati. ngamuno chani chino umusambilizya winu akulya nawakasonchesya wamisonko nawawembu?'' ¹² Yesu ayivwa wakuvwanga awatolelela ati. awapuma wasifwa nukulonda Ing'anga, nkandi awalwale. ¹³ Yanji mukavwambisye chino amazwi matele yakusula yakuti, nsilonda Inzuwi zyanyama, nkalonda Inkumbu. ¹⁴ Ngapano awasambilizi wakwe yohani kabatizya awaya kwe Yesu awamuwuzya awati. ngamuno achani chino swenji nawe falisi tukukana ukulya umwenzo Impindi-ni-mpindi. ukuwa awasambilizi wako weni nawanda?'' ¹⁵ Yesu awatolelela ati. wuzye wano wayile kuwinga wangafwilimana pano wachili wali nusiwinga? nanti katichi tichi! ukuwa Impindi Iliyiza pano siwinga alisendwa kwakwe weliwo. apano waliyikala ninzilzi. ¹⁶ Pasi wumwi wino akapatika Impatikwa ya mwenda wupya kuchizwalo chikali. Impatikwa ya mwenda wupya Inganyonkola umwenda ukali ngaitolo likule lilutilizye. ¹⁷ Swinya pasi wino akuwikanga Ipala pya-mumyuwa mikali ndiwachita wowonye Ipala lingalepula nipala litike. nimyuwa Iyononeke. ukuwa Ipala-pya likawikwa mu myuwa mpya ngapano vyonsi vyowili avilanga vili Ichete. ¹⁸ Ala pano Yesu achili akuwanena vyovyonye, esongo wawa Yuda aya asokowala pankolelo ati. kanonzinye, ukuwa tuyange ukawike ikasa lyako peweliwe uzyulupuke. ¹⁹ Yesu akatuka amukonka nawasambilizi wakwenye awapita nawe. ²⁰ Umwanachi wumwi wino wapitilizile kumyaka Ikumi na yini. asochelela kunsizi kwe Yesu afika akumya umwenda wamwinjilo wakwe. ²¹ Ayelengania ati. ndinakumvya umwinjilo wakwe wutupunye nandimpole.'' ²² Yesu atalangania amulola ati. simpa mwanane! Isuwilo lyakupozya. nga umwanachi apola Impindinye yoyo. ²³ Achaleka Yesu aya mung'anda yakwe musika ala walola wakimbila wapamfwa achisinka awantu wonsi. ²⁴ Ali. fumani, mwensinye-pyu! umukazyana atafwile aponechezile. awowo! wonsinye awaseka Yesu. ²⁵ Awala vino awantu wafuma Yesu ayinjila muno mwalinji umukazyana afika amulema Ikasa, akatuka. ²⁶ Amazwi ayasata ayakwila Insi yonsi. ²⁷ Ala vino Yesu akupita ye wafuma mumasyonye yayo Intonko ziwili azimukonka azipunda aziti we mwanakwe Davidi, tufyile Inkumbu! ²⁸ Ala Yesu winjila mung'anda Intonko ziwili aziya mwenemo afika aziwuzya ati, wuzye ukusuwila kuno angachita choo? azitolelela aziti, mulali tukusuwila'' ²⁹ Ngapano Yesu akumya aminso yao ati, ndichichitwe ndimuno mukusuwila'' ³⁰ Awapochelela Ivyeni vyawo Yesu awakalipila nkaninye ati. mutize mukanene umuntu nanti wenga.'' ³¹ Ukuwa awaya awapita awaya wakusasya Ivyakwe Yesu munsi yonsi. ³² Awala pano awantu wakufuma. awantu wamwi awatwala kwe Yesu umuntu wino atavwanganga muno walinji numuzimu wuwipe. ³³ Napaponapapo pano umuzimu wuwipe wawingwa, umuntu ataka awavwanga. wonsi awazunguka awati tusitela tulole Ichamwata ndi-woo mwe Isrseli. ³⁴ Ukuwa awafalisi awati amufumu yamizimu mwipe ayino Ikukupanga amaka yakuwinjila Imizimu'' ³⁵ Ngapano Yesu awapitapita mutwaya tonsi namuzyampunda. awasambilizya mung'anda zyakupela, awawizya Ilandwe zima Ilya wufumu. mbali nukupozya awantu kundwala namatenda yamisangomisango. ³⁶ Ukuwa ala walola amawumba Ichilanda achimulema amuno watamikanga mukuluwaluwa, ngati ang'onzi zino zisi numuchemi. ³⁷ Achaleka anene awasambilizi wakwe ati. Ivizawalo vyavulisya, ukuwa awawomvi wachepa. ³⁸ Achaleka lambilizyanji umweni vizawalo atume wakasinza kukusezya Ivizawalo vwakwe.''