¹ Baada yendao yabheye isikukulu ya Abhayahudi na Yesu alinyire okugenda Yerusalemu. ² Na erya Yerusalemu paliga na libhilika ku mulyango gwa ing'ondi, linu lyaliga nilibhilikirwa kwa inyaika ya kiebrania Bethzatha, nalyo lina matao gatanu. ³ Idadi inene ya bhalwaye yaliga ilimo, bhaofu, abhalema amwi bhanu bhafuye emibhili bhaliga bhaongee kumatao gayo. {zingatia: Amang'ana go omustari gwa 3 gatakuonekana ku nakala ja kisi ja kale. "Nibhalinda amanji gatibuliwe") kwo obhuhakika ku mwanya fulani Malaika ekile munda ya ribhilika no okugatibua amanji. ⁴ Kutyo okwamba, ulya unu aliga wokwamba okwingila musi baada ya amanji okutibuliwa akorerwe omuhoru okusokana na chone chone kinu chaliga kimugwatire kwo omwanya guyo. ⁵ Bhaliga no omunu umwi aliga arwaye kwa mwanya gwa miaka makumi gasatu na nane musi ya matao. ⁶ Yesuv ejire omulola aongee musi ya matao na baada yo okumenya kutya aongee alya kwa mwanya murela Yesu amubhwiriye, "je, owenda okubha muoru?" ⁷ Ulya omurwaye namusubhya, "Omukama munu wo kutula mwibhilika kumwanya gunu amanji agatibuliwa kumwanya gunu enenda okwingila omunu ohundi kantangatila." ⁸ Yesu namubhwila, "Imuka ugege rigodoro lyao ugende." ⁹ Mara ulya omunu naola, nagega obhulili bhwaye nagenda na orusuku ruyo rwaliga rwa bhwoyo. ¹⁰ Kutyo abhayahudi nibhamubhwila omunu unu bhaosha, "Lelo ni rusuku rwa bhwoyo, na hutakuruhusibhwa kugega ligodoro lyao." ¹¹ Nasubhya, "Umwene hunu aosha niwe abhwila, "gega ligodoro lyao ugende." ¹² Nibhabhusha, "Ni niga hunu akubhwira, 'gega ligodoro lyao na ugende.'" ¹³ Hata kutyo, ulya aosibhwe hatakumenyere, kwokubha Yesu asokeleo kwa siri. Kwo kubha aliga no bhuiga ku sehemu hiyo. ¹⁴ Baada ye dao Yesu amubhonele omunu ulya mwihekalu na namubhwila, "Lingila, waola! "Usige okukola ebhibhi tena wasiga kubhonwa na ring'ana libhibhi zaidi." ¹⁵ Ulya omunu agendere no okubhabhwila abhayahudi kutya Yesu niwe amuosishe. ¹⁶ Kutyo, kwo kubha ya amang'ana gayo abhayahudi bhamutesere Yesu, kwo kubha akolele gayo rusuku rwa bhwoyo. ¹⁷ Yesu nabhabhwira, "Rata wani kakora emilimu mpaka woli anye none enikora emilimu." ¹⁸ Kwokubha kutyo abhayahudi bhazidile okumwagala ili bhamwite yitari ila kwo kubha yo okufuna isabhato, bali kwa kumbhilikila Nyamuwanga rata waye, nekola sawa na Nyamuwanga. ¹⁹ Yesu nabhasubhya, "Amini, amini, omwana hatakutula kukola chinu chochone isipokuwa kila kinu kamulola, nicho no omwana kajaokukola. ²⁰ Kwokubha rata kenda omwana, na kamwelesha kila kinu kinu kakola na kamwelesha amang'ana manene kuliko ganu ili ati mzidi okulugula." ²¹ Kwo kubha rwa kutyo Rata kabhasulula abhafuye no okubhayana obhuoru, halikadhalika omwana one kamuyana obhuoru wowone kamwenda . ²² Kwokubha Rata kamuhukumu wowone, bali kamuyana omwana ihukumu yone. ²³ Ili ati bhone bhamueshimu omwana rwa kutyo omwana kamuheshimu Rata. Omwene hatakumuheshimu omwana hatakumuheshimu Rata hunu amutumile. ²⁴ Amini, amini, omwene unu kongwa ling'ana lyani na okumwikilisha omwene hunu atumile anabho obhuoru bhwa kajanende na kahukumiwa na badala yaye, atura okusoka mubhafuye na kwingila mubhuhoru. ²⁵ Amini, amini, enibhabhwila omwanya oguja na oli gulio bhanu abhafuye abhongwa obhuraka bhwo mwana wa Nyamuwanga, no kwingila mubhuoru. ²⁶ Kwo kubha rwa kutyo Rata ali no obhuoru musi yaye omwene, ²⁷ kadhalika amuyaye omwana kubha no obhuoru musi yaye, na Rata kamuyana omwana amamlaka ili ati ahukumiwe kwo kubha ni mwana wa Adamu. ²⁸ Musige okulugula na linu, kwo kubha omwanya oguja gunu abhafuye bhone bhanu bhali mumahubili abhongwa obhuraka bhwaye. ²⁹ Bhone abhasoka anja: Ku bhanu bhakolele amajomu kwo ubhusuluko bhwo obhuoru, na bhanu bhakolele ebhibhibhi kwo obhusuruko bhwa indamu. ³⁰ Nitakutula kukola kinu chone chone okusoka kwanye omwene rabha kutyo enungwa, kutyo enisosha idamu na idamu yani ni haki kwo kubha nitakwagala bhulolesi bhwani, bhali obhulomeresi bhwaye unu atumile. ³¹ Rabha nikeshuhudia omwene, ubhushuhuda bhwani bhutakabheye bhwa chimali. ³² Alio ohundi unu kashuhudia na nimenyere kwa obhuhakika obhushuhuda bhunu kashuhudia nibhwa chimali. ³³ Ekitumana ku Yohana omwene kashuhudia echimali. ³⁴ Hata kutyo obhushuhuda bhunu enilamila bhutakusoka kumwana wa munu. Enigaika ganu ili ati muture okuokolewa. ³⁵ Yohana aliga na tala yaliga niyaka no okung'ara na mwaliga tayari okujomerwa kwo mwanya mtoto inuru yaye. ³⁶ Bali obhushuhuda bhunu ninabhwo ni bhukuru kukila bhurya obhwa Yohana, kwokubha emilimu ginu Rata anaye okujikamilisha, jiyo emilimu enijikola okushuhudia kubha rata antumire. ³⁷ Rata unu atumire omwene kashuhudia okuhusu anye. Hachaliha kungwa obhuraka bhwaye wala okukola liumbo lyaye kumwanya gwone gwone. ³⁸ Litalio ling'ana lyaye linu likaye munda yemwe kwo kubha mutakumwikilisha hunu antumile. ³⁹ Omugachunguza amandiko mwitogera munda yaye bhulimo obhuoru bhwa kajanende na gayo amaandiko agashuhudia gihabari jani na ⁴⁰ Wala mutakwenda kuja kwanye mubhone obhuhoru bhwa kajanende. ⁴¹ Nitakulamila sifa kusoka ku bhanu. ⁴² Lakini nimenyere kutya mutana ryenda ku Nyamuwanga munda yemwe emwe abhene. ⁴³ Nijire kwa lisina lya rata wani, mutaturile kundamila, Rwa ohundi akaja kwa lisina lyaye mwakamulamiye. ⁴⁴ Je, omutula okwikilisha emwe bhanu mutakutula isifa emwe kwe emwe lakini mutakwagala sifa inu eisoka ku Nyamuwanga omwene? ⁴⁵ Musige kumenya anye enibhashitaki imbele ya Rta unu kashitaki emwe ni Musa, unu emwe mmtuyeo amatumaini gemwe ku mwene. ⁴⁶ Rabha mwakabheye mumwikilisha Musa, mwakanyikilishishe anye kwokubha andikire okuhusu jihabari jani. ⁴⁷ Rabha mutakwikilisha amaandiko gaye, omutura kutiki okwikilisha amang'ana gani.?