¹ Basi Yesu ejire amenya kutya amafarisayo bhonguwe kutya Yesu aliga na bhafuasa no kubhabhatija kukila Yohana. ² (Ikabha Yesu omwene aliga atakubhatija ila abhanafunzi bhaye) ³ Asokele Judea no kugenda Galilaya. ⁴ Ikabha yaliga muhimu okutura Samaria. ⁵ Na nakinga kumusi gwa Samaria, gunu ogubhilikirwa Sikari, ayehi na lieneo linu Yakobo amuyaye omwana waye Yusufu. ⁶ Na ekitaro cha Yakoboo chaliga hao, Yesu aliga aigirwe kwa ajili ya orugendo na nekala ayehi ne ekitaro. Yaliga mwanya gwa mumwisi. ⁷ Mugasi omusamalia ejire okutaya amanji, na Yesu namubhwira, "nana amanji ninywe." ⁸ Kwokubha abhanafunzi bhaye bhaliga bhagendere jebhwe mujini okugura ebhyokurya . ⁹ Ulya omugasi musamalia namubhwira, "Eibha kutiki awe muyahudi, okusabha anye omugasi omusamalia, kinu cho okunywa?" Kwo kubha abhayahudi kitakwingililana na abhasamalia. ¹⁰ Yesu namujibu, "rabha wakamenyere ikalama ya Nyamuwanga, na ulya kakubhwira "Nana amanji," wanumusabha, na alinakuyana amanji go bhuoru." ¹¹ Ulya omugasi namubhwila, Omukama hutana ndoo yo kutaira, ne ekitaro ni kilela. ougabhonaki amanji go obhuoru. ¹² Je awe uli mukuru, kukila rata weswe Yakobo, unu akiyaye ekitalo kinu, na omwene na abhana bhaye amwi na ebhitungwana bhyaye nibhanywa amanji ge ekitaro kinu?" ¹³ Yesu namusubhya na namubhwira, "Wowone hunu kanywa amanji ganu atakubhona obhwiro tena, ¹⁴ lakini omwene unu kanywa amanji ganu enimuyana hatakubhona obhwiro tena.Badala yaye amanji ganu enimuyana agabha bhusike bhunu obhusoka hata obhuoru bhwa Kajanende." ¹⁵ Ulya omugasi namubhwila, "Omukama, enisabha amanji gayo ili nisige okubhone obhwiro, na nisige okunyaka okujanu okutaya amanji." ¹⁶ Yesu namubhwila, "Genda umubhilikile omurume wao, kisha usubhe." ¹⁷ Ulya omugasi namubhwira, "Nitana murume." Yesu namusubhya, "Waika bhujomu, nitana murume;' ¹⁸ Kwa imaana alabheye na bharume bhatanu, na unu anawe oryanu atali murume wao, linu waryaika bhukweli." ¹⁹ Ulya omugasi namubhwira, "Omukama enilola yakubha awe uli muroli. ²⁰ Bharata bheswe bhesasamaga kukima kinu, lakini emwe omwaika ya kubha Yerusalemu niyo isehemu inu abhanu abhapaswa okwisasama. ²¹ Yesu namusubhya, "Omugasi, nyikilisha, omwanya oguja gunu mtakwimwisasama rata kuchima chinu wala Yerusalemu. ²² Emwe abhanu omwisasama kilya mutakumenya, lakini eswe ekisasama kinu kimenyere, kwokubha obhulokore obhusoka kubhayahudi." ²³ Hata kutyo omwanya oguja na olyanu kilio anu, kumwanya gunu abhesasama kweli abhamwisasama rata kumwaoyo gwa chimali kwo kubha rata kabhagala abhanu bhaye bhanu abhamwisasama. ²⁴ Nyamuwanga ni moyo, na bhalya abhamwisasama abhapaswa okumwisasama kwa moyo na chimali." ²⁵ Omugasi namubhwira, "Nimenyere kutya Masihi kaja, (nabhilikirwa Kristo) Huyo akaja kachelesha amang'ana gone. ²⁶ Yesu namubhwira, "Anye hunu owaika nawe nanye." ²⁷ Kumwanya guyo guyo abhanafunzi bhaye nibhasubha bhone bhalugulile kwaki aliga naika na omugasi, lakini atalio unu athubutishe okumubhusha, "Owendaki?" au kwaki owaika nawe?" ²⁸ Kutyo omugasi nasiga isuwa yaye ya amanji na nagenda mjini okubhabhwila abhanu, ²⁹ Muje mulole omunu hunu ambhwira amang'ana gani gone ganu nikorere, je eiwezekana nabha niwe Kristo?" ³⁰ Nibhasoka mujini nibhaja kumwene. ³¹ Kumwanya guyo guyo abhanafunzi bhaye nibhamusihi nibhaika, "Rabhi nulye ebhyokurya." ³² Lakini omwene abhabhwiliye, "Anye kinu enirya mutakukimenya emwe." ³³ Abhanafunzi nibhabhwirana, hatalio hunu amuletee kinu chone chone kulya, "je bhaletere?" ³⁴ Yesu nabhabhwira, "ebhyokulya bhyani ni kukola obhulomeresi bhwaye unu antumile no okutimiza emilimu jaye. ³⁵ Je, mutakwaika, 'Gachali amesi gatanu na amavuno agabha tayari?' Enibhabhwila mulingire migunda gibheye tayari kwo okunogwa! ³⁶ Omwene hunu kanoga kalamila omushahara no okukumanya amatunda kwa ajili yo obhuoru bhwa akajanende, ili ati omwene hunu kayamba na unu kanoga abhajomerwa amwi. ³⁷ Kwokubha inyaika inu niya chimali, "umwi kayamba na ohundi kanoga." ³⁸ Nabhatumile kunoga kinu mutakinyakiliye, abhandi abhakola emilimu na emwe mwengila kubhujomu bhwe milimu jebhwe." ³⁹ Bhasamalia bhafu kumusi gurya walimwani kwo kubha ya itaarifa ya ulya omugasi unu aliga namushuhudia, "unu ambwiliye amang'ana ganu gone nakolele." ⁴⁰ Kutyo abhasamalia bhejire bhaja bhamusabhile ekare amwi nabho na ekale ewebhwe kwa siku ebhili. ⁴¹ Na bhafu zaidi bhamwikilisishe kwa sababu ya ling'ana lyaye. ⁴² Nibhamubhwira urya omugasi, "Ekiamini yitarila kwa mang'ana gao, kwokubha eswe abhene chonguwe, na oli chamenyele kubha chiumali unu niwe mwokozi we echaro." ⁴³ Baada ya jisiku jiyo ebhili, Yesu nasoka nagenda Galilaya. ⁴⁴ Kwokubha omwene aliga natangaza ati omuroti hatana heshima mu charo chaye omwene. ⁴⁵ Ajire aja Galilaya, Abhagalilaya bhamukalibhisishe. Bhaliga bhalolele mang'ana gone ganu akolele Yeruysalemu ku sikukulu, kwokubha na abhene bhaliga bhalio ku sokukuli. ⁴⁶ Ajiye tena Kana ya Glilaya eyo abadilisishe amanji ngabha idivai. Aliga alio ofisa umwi unu omwana waye aliga murwaye eyo Kapernaumu. ⁴⁷ Ejire ongwa kutya Yesu asokere Yudea na nagenda Galilaya, agendere ku Yesu no okumusabha ateremuke amuosishe omwana waye, hunu aliga ayehi okufwa. ⁴⁸ Kutyo Yesu namubhwira, "Emwe mukarema okulola giishara na maajabu mutakwikilisha. ⁴⁹ Omutangasha naika, "Omukama ika hasi kabla omwana wani hachali kufwa." ⁵⁰ Yesu nasmubhwira, "Genda omwana wao kalama." Omugasi urya naamini ling'ana linu alyaikire Yesu na nagenda jaye. ⁵¹ Anu aliga neka, Abhakosi bhaye nibhamulamila na okumubhwira omwana, omwana ulya aliga muolu. ⁵² Kutyo nabhabhusha ni mwanya abhonele obhunafuu nibhamusubhya, "Igoro mwanya gwa saa saba ihoma yamusigire." ⁵³ Niwe esemwene namenya kutya omwanya gulya gulya Yesu aikile, "Omwana wao ni muhoru." Kutyo omwene na ifamilia yaye nibhaamini. ⁵⁴ Hinu yaliga ishara ya kabhili inu asosishe Yesu bhunu asokere Yudea okugenda Galilaya.