¹ Basi bhaliga na mufarisayo umwi lisina lyaye Nikodemo, umwi wa bha libhalaja rya bhayahudi. ² Omunu hunu amwijiye Yesu omwanya gwa mungeta no kumubhwira, "Rabi, ekimenya awe ni mwalimu hunu husokere ku Nyamuwanga maana hatalio munu wowone hunu katura okukora ebhijegekanyo bhinu oukora isipokuwa Nyamuwanga amwi nawe." ³ Yesu namusubhya, "Amini, amini, omunu hatakutura okwingira kubhukama bhwa Nyamuwanga akalema okwibhurwa mara ya kabhili." ⁴ Nikodemo naika, "Omunu katura kutiki okubhwibhurwa ali mukaluka? Hatakutura okwingira munda ya nyira mwene mara ya kabhili no kwibhurwa, je katura?" ⁵ Yesu namjibu, "Amini, amini omunu akarema okwibhurwa kwa manji no kwo omoyo, hatakutura kwingira mubhukama bhwa Nyamuwanga. ⁶ Kinu chebhuliwe kwo mubhili ni mubhili, na chinu chebhuliwe kwo omoyo ni moyo. ⁷ Usige kurugura kwokubha nakubhwiriye, 'ni lazima wibhurwe mara ya kabhili.' ⁸ Omuyaga oguyemba wone wone enu ogwenda no bhulaka bhwaye omubhungwa, lakini mutakumenya enu ogusoka wala enu ogugenda. Kutyo ili ihali yo bhuli unu ebhuliwe no omoyo. ⁹ Nikodemo namujibu, kwo okwaika, "Amang'ana ganu hagatulikana kutiki?" ¹⁰ Yesu namujibu, "Awe uli mwalimu wa Israeli, hata hutakumenya mang'ana ganu? ¹¹ Amini amini enibhabhwila, ekyaika kilya kimenyere na ekishuhudia kinu kikorere bali mutakulamila ubhushuhuda bhweswe. ¹² Rabha nabhabhwira amang'ana ga hanu mucharo na mutakwikilisha, omutura kutiki rabha nikabhabhwira amang'ana ga murwire? ¹³ Maana hatario hunu alinyire okugenda inguru murwire yitarila omwene hunu ekire, Mwanawa Adamu. ¹⁴ Rwa kutyo Musa emusishe echisoro mwijangwa, kutyo kutyo omwana wa Adamu lazima emusibhwe, ¹⁵ Ili ati bhone bhanu abhamwikilisha bhabhone obhurame bhwa kajanende. ¹⁶ Kwa imaana na ijinsi inu Nyamuwanga endele echaro, ati namusosha omwana waye wa pekee, ili ati omunu wowone hunu kamwikilisha asige okusingalika bali abhe no obhurame bhwa kajanende. ¹⁷ Kwokubha Nyamuwanga hatamutumire mwana waye mucharo ili ahukumu echaro, bali ati echaro kiokorewe kutura kumwene. ¹⁸ Hunu kamwikilisha omwene hatakuhukumiwa. Omwene hunu hatakumwikilisha tayari haukumibhwe kwokubha achari kulikilisha lisina ryo Omwana omwene wa Nyamuwanga. ¹⁹ Hinu niyo isababu ya ihukumu, yo kwamba obhweru bhwejire mucharo, lakini abhanu nibhenda ekisute zaidi yo obhweru kwokubha ebhikorwa bhyebhwe bhyariga bhibhibhi. ²⁰ Bhuli munu hunu kakora ebhibhibhi kabhihirirwa obhweru wala hatakuja ku bhweru ili bhikorwa bhyaye bhisige okuturwao kubhweru. ²¹ Nawe omwene unu kakora echimali kaja kubhweru ili ebhikorwa bhyaye bhibhonekane ati akorerwe kwo bhutiifu ku Nyamuwanga. ²² Baada ya ganu Yesu amwi na abheigisibhwa bhagendere mucharo cha Yudea heyo bhatumiye omwanya gumwi nabho na aliga nabhatija. ²³ Oli Yohana wone aliga nabhatija heyo Ainea yei na Salimu maana galiga galio manji mafu arya. Abhanu bhaliga mbaja kumwene no kubhatijibhwa, ²⁴ Kwokubha Yohana aliga achari kweswa mwigereja. ²⁵ Kutyo nigisoka gimamba agati ya bheigisibhwa bha Yohana no Muyahudi okuhusu gisikukuu jo bhutakaso. ²⁶ Nibhagenda ku Yohana nibhamubhwira , "Rabi, omwene hunu wali unawe erya kung'ambo yo oruji Yordani, omwene hunu ashuhudiye gihabari jaye, lingila kabhatija na bhone abhagend mbamurubha." ²⁷ Yohana namujibu omunu hatakutura kuramila kinu chone chone yitarila rabha ayaywe okusoka murwire. ²⁸ Emwe abhene omushuhudia ati naikir kutya, "Anye nitari Kristo', badala yaye naikire, nitumirwe imbele yaye.' ²⁹ Omwenga ni omutwasi oli omusani wo omutwasi emeleguru na okwitegeresha na okujomerwa sana kwo kubhaya obhulaka bhwo mutwasi. Hinu oli ni kujomerwa kwani kunu kutimilikire. ³⁰ Eipasa kukila, anye enipaswa kupungua. ³¹ Omwene kasoka iguru, ali iguru ya gone. omwene ali wa mucharo kasoka mucharo na kaika mang'ana ga mucharo. Unu kasoka murwire ali iguru ya gona. ³² Omwene kashuhudia garya alolere no okugongwa, nawe hatalio hunu alamiye obhushuhuda bhwaye. ³³ Omwene unu aramiye obhushuhuda bhwaye ahakikisishe kutya Nyamuwanga ni wachimali. ³⁴ Kwa imaana omwene hunu atumirwe na Nyamuwanga kaika mang'ana ga Nyamuwanga kwokubha Nyamuwanga atakuyana omoyo kipimo. ³⁵ Rata kenda omwana na kamuyana ebhinu bhyone mumabhoko gaye. ³⁶ Omwene unu kekilisha omwana anabhwo obhuoru bhwa kajanende, nawe kumwene hunu hatakumutii omwana hatakubhulola obhuoru, bali lisungu rya Nyamuwanga elikala iguru yaye.