¹ Yaramuriwe ati kina orugendo rwa mumanji okuja Italia, bhamukabhijishe Paulo na abhabhoywa abhandi kuafisa umwi we rijeshi rya Kiroma abhilikirwaga Julio, we kikosi cha Agustani. ² Charinyire imeli okusoka Adramitamu, inu yaliga isafiri kumbari ya pwani ya Asia. Kutyo kingira munyanja. Aristaka okusoka Thesaronike ya Makedonia nagenda amwi neswe. ³ Orusuku runu rwarubhiye nikyesa inanga kumsi gwa Sidoni, bhunu Julio amkoree Paulo kwo obhukarimu na namwikilisisha okugenda kubhasani bhaye okuramira obhukarimu bhwebhwe. ⁴ Kusoka hao kigenda munyanja kisafiri okwiinda akasinga ka Kipro kinu chaliga kisirigisha omuyaga, kwokubha omuyaga gwaliga gukinyasha. ⁵ Baada yo kubha kinorugendo kumanji ganu gali yeyi na Kilikia na Pamfilia kija Mira musi gwa Lisia. ⁶ Arya urya afisa wa lijeshi rye Ekiroma, nainyira imeli okusoka Alexandria inu yaliga nisafili okugenda Italia. Nakilinywa musi yaye. ⁷ Baada yo okuha kinorugendo polepole kwa siku nyafu na Hatimaye kibha kikingire kwa inyako ayeyi na Kidinas, omuyaga gutachikilisishe tena okugenderera na injira heyo, kutyo kisafiri kumbari mbari ya rilengesi rya Krete nikisirigisha omuyaga, mkabala na Salmone. ⁸ Kisafiri kumbari mbari ya pwani kwo bhukomee, mpaka kikinga anu kabhilikirwa Fari Haveni inu ibheye ayeyi na msi gwaLasi. ⁹ Chaliga chigegere mwanya mwafu sana, na omwanya gwo omufungo gwe ekiyahudi gwaliga gwaturire, na holi yaliga hatari okugenderera okusafiri kutyo Paulo nakiganya. ¹⁰ Na kwaika, "abhakama, enirora isafari inu echenda kuigega ejokubha na madhara na hasara nyafu, yitarila mizigo na imeli, lakini one ya maisha geswe." ¹¹ Lakini afisa we kijeshi we Kiroma namwitegeresha zaidi omukama waye na omumiliki wa imeri, kukira amang'ana ganu gaikirwe na Paulo. ¹² Kwokubha ibandari yaliga itari sehemu rahisi okwikara kumwanya gwa imbeo, amabaharia abhafu nibhashauri kisafiri okusoka arya, ili kwa inamuna yone yone ekitura ukukingira omusi gwa Foinike, kikare harya kumwanya gwa imbeo. Foinike, ni bandari heyo Krete, na eiringira kaskazini mashariki na kusini mashariki. ¹³ Omuyaga gwa kusini gwambire okuyemba pole pole, amabaharia nibheganilisha bhabhona kinu bhaliga ni bhenda. Nibheya inanga no kusafiri kumbari mbari ya Krete ayeyi na pwani. ¹⁴ Lakini baada ya mwanya mufuyi omuyaga omururu, gwabhilikirwa muyaga gwa kusini mashariki, nigwamba okukibhuma okusoka Ng'ambo ya akasiga. ¹⁵ Kumwanya gunu imeli yajire no kutamibhwa okukabili omuyaga, kikilishanya na ihali hiyo, kisafiri nago. ¹⁶ Kibhilima okutura orubhara runu rwaliga nurukinga omuyaga gwa akasiga nikabhilikirwa Kauda; na kwa inyako sana chafanikiwe okuturya obhwato. ¹⁷ Baada ya okubha bhaifutire, bhatumiye orugoye okuibhoya imeli. Bhobhayire ati chankitura okugenda kwieneo lya amayaru amafu gwa Syiti. kutyo nibhesha inanga na mbendesha kumbari mbari. ¹⁸ Chabhumirwe kwa managa sana na idhoruba, kutyo orusuku runu rwarubhiye amabaharia bhambire okwesa emijigo okusoka mumeli. ¹⁹ Orusuku rwa kasatu, amabaharia bhambire okusosha amanji kwa mabhoko gebhwe abhene. ²⁰ Kumwanya gunu risubha na gijota gitakimilikiye kwa siku nyafu, bado idhoruba nene nikibhuma, na amatumaini ati echijokuokorewa niganyaragana. ²¹ Baada yo kubha bhagendere mwanya murera bila bhyakurya, Ao Paulo nemereguru agati ya amabaharia naika, "Abharume, mwenderwe okuntegeresha, na kitakeire inanga kusoka Krete, ili okubhona ganu amadhara na ihasara. ²² Na oli enibhafariji no kubhayana omwoyo, kwo kubha bhutakubhao bhubhurwa ku maisha agati yemwe, yitari ila ihasara ya imeli ila. ²³ Kwokubha mungeta hiyo iturire malaika wa Nyamuwanga, unu huyo Nyamuwanga anye ni waye, na unu enimuramilisha one - malaika waye emereguyu kumbali yani ²⁴ No kwaika, "siga okubhaya Paulo. Lazima wimereguru imbele ya Kaisari, na lingira, Nyamuwanga ku bhujomu bhwaye akuyana bhanu bhone bhanu abhasafiri amwi nawe. ²⁵ Kutyo, abharume, mwiyane omoyo, kwo kubha enimwikilisha Nyamuwanga, eibha rwa kutyo nabhwiriwe. ²⁶ Lakini lazima chiutare kwo kubhumwa ku baadhi ye visiga." ²⁷ Yejire yakinga ingeta ya ekumi na nne, chaliga mbakiendesha heyo ne heyo kunyanja ya Adriatik, rwa mubhwire bhwa manane kutya, amabaharia bheganilisishe ati bhakaribiye kucharo echimu. ²⁸ Bhatumie milio okupima ekina cha manji na nibhabhona mita makumi gasatu na sita, baada ya mwanya mufuyi nibhapima tena nibhabhona mita makumi gabhili na saba. ²⁹ Bhobhayire okwamba ekitura okugonga amatare, kutyo nibhesha nanga enna okusoka kwibhara yo okuturira ginanga na nibhasabha ati katondo yakejire bhwangu. ³⁰ Bharya amabaharia bhariga nibhagara inamna yo okuisigao irya imeli na bhesishe mmanji amato amatoto toto ago kuturya amaisha, na nibhekora ari abhesa inanga okusoka kumwanya gwa imbele ye ryato. ³¹ Lakini Paulo namubhira urya omusirikare wa jeshi ryo Ekiroma na bharya abhasirttikare, "mutakutura kuturya yitarila bhanu abhanu abhasigara mumeli." ³² Kisha bharya abhasirikare nibhabhutura orugoye rwe ryato na mbaisiga igegwe na amanji. ³³ Kumwanya obhweru bhwa katondo bhwaliga nibhusoka, Paulo nabhasihi bhone angalau bharye kutoto. Naika, "Runu ni rusuku rwa ekumi na kana omulinda bila kurya, mchari kulya kinu. ³⁴ Kutyo enubhasabha mugege ebhyokurya bhitoto, kwo kubha inu ni kwa ajili yo okuishi kwemwe; na kutario hata rufwiri rumwi orwe mitwe jemwe lunu orujobhura. ³⁵ Ejire okwaika gayo, nagega omukate nasima Nyamuwanga imbele ya meso ga bhuli munu, kisha nagubhega omukate namba okurya. ³⁶ Kisha bhone nibhayanwa omwoyo, na bhone nibhagega ebhyakurya. ³⁷ Chaliga bhanu 276 musi ya imeli. ³⁸ Bhejire bharya bhyookutosha, bhakorere imeli nibha ihuhu kwo kwesa ingano musi ya inyanja. ³⁹ Yaliga mumwisi, bhatamenyere echaro kirya, lakini bharorere akabhara ke echaro echumu kinu kingiye mumanji kuinu chariga na mayaru mafu nibhabhushanya rabha abhatura okuyendesha imeli okugenda hao. ⁴⁰ Kutyo nibhalijura inanga nibhagisiga munyanja. Ku mwanya guyo guyo gingoye ja ginanga na nibhemusha ribhara rya imbele okulingira kumuyaga, kutyo nibhagenda kwibhara rya amayaru amafu. ⁴¹ Lakini bhejire orubhara runu mikondo ebhili ja manji egibhugana, na imeli nilingira mmayaru. Na ilya ribhara rya imbele rya imeli niryamba okubhutuka kwa isababu yo bhururu bhwa ribhoka. ⁴² Ompango gwa bharya abhasirikare guliga ni kwita abhabhoywa, ili ati asige okubhao omunu unu kajohokuhuga na natoroka. ⁴³ Lakini urya omusirikare wa lijeshi rye Ekiroma endere okumuturya Paulo. kutyo netegeresha omupango gwebhwe; na nasigilisha bharya bhanu abhatura okuhuga, bhasanuke okusoka mumeli okwamba na bhagende kucharo echumu. ⁴⁴ Kisha bharya abhandi abharubhira, iguru ye ebhibhara bhya gimbao na abhandi iguru ye ebhinu ebhindi okusoka ku meli. Ku njira inu nitokea hati bhone kikinga salama kucharo echumu.