¹ Bhakikishe bhwa kisi, kikimenya ati lisiga rirya eribhilikirwa Malta. ² Abhanu abhenyeji bhenderya yitarila ati bhakiyaye ubhukarimu bhwa kawaida, bali bhakongesishe omuriro na mbakikaribisha bhone, kwo kubha na ingubha na imbeo inu yaliga nigenderera. ³ Lakini Paulo bhunu akumanyishe lifuta rya jing'wi na okulitura mumulilo, ekisoro cha isumu chasokere munkwi jirya kwa sababu ya libhilila lilya, na nesingirisha kukubhoko kwaye. ⁴ Kumwanya abhenyeji bhenderya bharorere etyanyi niityunda okusoka kukubhoko kwaye, bhaikene abhene kwa abhene, "Omunu hunu hakika ni mwiti hunu atoroka munyanja, lakini ahaki itakumwikilisisha okurama." ⁵ Lakini omwene akisigisishe chio echisoro mumuriro na atabhonere madhara gone gone. ⁶ Abhene bhamulindire afwimbe kwa ihoma au agwe ghafula no kufwa. Lakini baada yo kumulorerela kwa mwanya murera no okulola ati litario ring'ana linu ritali rya kawaida kumwene, bhabadilisishe obhwiganilisha bhwebhwe no kwaika aliga Nyamuwanga. ⁷ Basi mahali harya ayeyiu kwaliga na isi inu yaliga ni mali yo omukuru wa kwisinga, omunu abhilikirwaga Pablio. Akikaribisishe no okuchikarimu kwa gisiku esatu. ⁸ Yasokeye ati esemwene Pablio agwatirwe na ihona no obhurwaye bhwo okusaya. Na Paulo namugendako, nasabhwa, natura amabhoko iguru yaye, no okumuosha. ⁹ Baada yalinu okusokera, abhanu abhandi harya kwisinga bhaliga nibhasibhwa one bhagendere na nibhaora. ¹⁰ Abhanu nibhakiheshimu kwa heshima nyafu. Chaliga nichiandaa norugendo, bhakiyaye ebhinu bhinu chaliga nichenda. ¹¹ Baada ya amesi gasatu, chambire orugendo musi ya imeli ya Iskanda inu yaliga ibhumirwe imbeo hao kwwisinga, inu abhangalisi bhayo bhaliga bhayiri bhabhili bhamarongo. ¹² Baada yo okubha kikingire kumusi gwa Sirakusa, chekaye harya siku estu. ¹³ Okusokelela hao chagendere nkikinga ku musi gwa Regio. Baada ya rusuku rumwi omuyaga gwa kusini nigusoka gafla, na baada ya siku ebhili nkikinga kumusi gwa Putoli. ¹⁴ Heyo chabhonere baadhi ya abhairi na mbakikalibisha kikara nabho kwa siku saba. Ku njira inu nikija Rumi. ¹⁵ Okusoka eyo bharya abhairi, baada yo kubha bhonguwe gihabari gyeswe, bhejire okuchilamira eyo mwisoko rya Apias na Hotel esatu. Paulo ejire abharora bharya abhairi asimire Nyamuwanga neturamo obhujasiri. ¹⁶ Chejire chengira Roma, Paulo ekirisibhwe okwikara omwene amwi no omusirikale urya aliga nanulinda. ¹⁷ Basi yaliga baada ya esiku esatu Paulo abhabhilikiye amwi bharya abhanu bhanu bhaliga bhatangasha agati ya abhayahudi. Bhejire bhaja amwi, aikire kubhene, "Bhairi, amwi na-ati nichari kukora ekosa kubhanu ryone ryone ku-bhanu bhanu au kukora kinyume na gitaratibu ja bharata bheswe bhanu bhakitangatie, nasosibhwe rwa mubhoywa kusoka Yerusalemu hadi mumabhoko ga Bharumi. ¹⁸ Baada yo okuhoji, bhatamanishe okunsiga huru, kwokubha yaliga itario isababu kwanye anye yo okustahili iadhabu yo kufa. ¹⁹ Lakini bharya abhayahudi bhejire bhaika kinyume cha ishahuku yebhwe, narazimikire okukata orufaa kukaisaria, kurwokubha itabheye rwa-ati enireta amashitaka iguru ye echaro chani. ²⁰ Ku sababu yo okukata kwani orufaa, kutyo nasabhire okubharora no okwaika nemwe. Ni kwa sababu ya kilya kinu Israeli inobhujasiri kwecho, nibhoyerwe ne ekifungo kinu. ²¹ Kisha nibhamubhwira, "Kichaliga okuramira ibarua okusoka Yudea okuhusu awe, wala atario muhiri unu ejire okusosha itaarifa au kwaika ling'ana ryone ryone ebhibhi kuhusu awe. ²² Lakini echenda okungwa okusoka kwawe owiganilishaki okuhusu linu likundi rya abhanu bhanu, kwo okubha elijulikana kweswe ati eryaika kinyume bhuli mahali." ²³ Bhaliga bhauye orusuku kwa ajili yaye, abhanu bhafu zaidi bhamwijiye mahali anu aliga ekaye. Aikire ring'ana rirya kubhene no kwo kushuhudia okuhusu ubhukama bhwa Nyamuwanga. Asakire okubhajimya okuhusu Yesu, kwa namna jone ebhili kusoka kundagano ya Musa na okusoka kubharoti, kwambira bhwakatondo mpaka kegoro. ²⁴ Baadhi yebhwe bhejimishe okuhusu amang'ana garya gaikirwe, ka abhandi bhatekirisishe. ²⁵ Bhejire bhatamibhwa okwikilishanya abhene kwa abhene, bhasokereo baada ya Paulo okwaika ling'ana limwi linu, "Omoyo omweru aikire bhujomu okuturira Isaya omuroti kubharata bheswe. ²⁶ Aikire, 'Genda kubhanu bhanu waike,"ku matwi gegwe omungwa, lakini mtalimenya; Na ku meso gemwe omujorora lakini mtali tambua. ²⁷ Kwa ajili ya emioyo ja abhanu bhanu gibheye dhaifu, amatwi gebhwe agongwa kwa itaabu, bhafundikiye ameso gebhwe; ili ati bhasige okumenya kwa amesov gebhwe, no okungwa kwa matwi gebhwe, no okumenya kwe myoyo jebhwe na okwichusha tena na nali nimbaosha." ²⁸ Kwa hiyo, omupaswa okumenya ati obhurokore bhunu bhwa Nyamuwanga bhwasirwa kubhanu bha mubhyaro, na abhajotegeresha." (Zingatia: Mstari huu ²⁹ "Omwanya gunu aliga aikire amang'ana ganu, Abhayahudi bhasokereo, ni bhabha na mashindano manene agati yebhwe). ³⁰ Paulo ekaye munyumba yaye yo kupanga kwa miaska jone ebhili, na abhakaribisishe bhone bhanu bhejire owaye. ³¹ Aliga narasha obhukama bhwa Nyamuwanga na aliga neigisha amang'ana iguru ya Omukama Yesu Kristo kwo obhukjasiri bhwone. Hatario hunu amuganyishe.