¹ Kutyo Agripa namubhwira Paulo, ohuruhusiwa okwitetea. 'Nio Paulo nanyorosha okubhoko kwaye netetea kutya, ² "Enirora okujomerwa, Mukama Agripa, ili okukora ikesi yani imbere yao lelo dhidi ya amashitaka gone ga abhayahudi. ³ Hasa, kwo kubha awe ni mutaaramu wa gidesturi ja abhayahudi na maswali. Kutyo enikusabha untegereshe kwo bhutulivu. ⁴ Kweli, Abhayahudi bhone abhamenya kutyo nikaye kwambila bhumura bhwani ku charo chani eyo Yerusalemu. ⁵ Bhamenyere tangu kubhwambiro na abhapaswa okwikilisha ati nekaye rwa Mfarisayo, lidhehebu linu lina musimamo mruru kudini yeswe. ⁶ Oli enimereguru hanu nihukumiwe kwo kubha anye naligiye ihadi inu Nyamuwanga akorere na bharata bheswe. ⁷ Hinu ni ahadi inu amakabila geswe ekumi na gabhili agatumia okuramila rwo okwimwisasama Nyamuwanga ku ibidii ngeta na mwisi. Ni kwa ajili ya litumaini linu, Mukama Agripa, Okwambaabhayahudi abhashitaki. ⁸ Kwaki kwa wowone agati yemwe kafikilia ni ajabu ati Nyamuwangakasurura abhafuye? ⁹ Kumwasnya gumwi neganilisishe omwene ati nakakorere amang'ana mafu dhidi ya risina rya Yesu wa Nadzareti. ¹⁰ Nakorere ganu ku Yerusalemu; Nabhabhoyere abhekilisha bhafu mwigereja, na naliga ninobhuramusi okusoka kubhakuru bha makuhani kukora kutyo; na kumwanya gunu abhetwa, nabhumire ikula kubhene bhone. ¹¹ Mara kafu nabhabhumire kumasinagogi gone na nasakire okubhakora bharema irikilisha ryebhwe. Naliga na risungu sana iguru yebhwe na nabhabhilimishe hata kumisi jo ubhugenyi. ¹² Kumwanya naliga nikora ganu, nagandere Dameski, nili na mamlaka na malagililo kusoka kukuhani omukuru; ¹³ Naliga nili munjira kumwanya gwa mumwisi, Mkama, narorere obhweru okusoka murwire gunu gwaliga mruru kuliko risubha na gung'aa okukisingira anye na bhasu bhanu bhaliga bhali murugendo amwi nanye. ¹⁴ Eswe bhone chaguye hasi, nonguwe obhuraka nibhwaika nanye niyaika ku lugha ya Ekiebrania. Sauli, Sauli! nikwaki ounyasha? ni bhikomeye kwawe okubhuma iteke omchokoo. ¹⁵ Niwe ninaika, 'Awe nigaa, Omukama?' Omukama najibu, 'Anye ni Yesu unu ountesa. ¹⁶ Oli imuka wimereguru kwa amaguru gao; kwokubha kwa likusudi linu anye naonekana kwawe, nakwahura okubha mtumishi na shahidi iguru ya mang'ana ganu umenyere okuhusu anye oli na amang'ana ganu nilakwereshe baadaye; ¹⁷ na enikwerura okusoka kubhanu na kubhanu bha mubhyaro enu enikutuma, ¹⁸ Okwigura ameso gebhwe no okubhasosha mkisute okugenda kubhweru na okusoka kumanaga ga shetani na bhamugeukie Nyamuwanga; ili bhabhone okulamira okusoka ku Nyamuwanga omusamaha gwa ebhibhibhi no okugabha bhunu nibhayaye bharya nibhauye ku likilisha linu lilikwanye. ¹⁹ Kutyo Mukama Agripa, nitaturire okuasi okurora kwanye okwa murwire. ²⁰ Lakini, kubharya bhali Dameski okwamba, na kisha Yerusalemu na echaro chone cha Yudea, na one kubhanu bha mubhyaro ebhindi, narasishe okwamba bhatubu, no okumugeukia Nyamuwanga, bhakore amatendo ganu agastahili toba. ²¹ Kwo kubha kutyo Abhayahudi bhangwatire mwihekalu, nibhasaka okunyita. ²² Nyamuwanga ansakiye mpaka oryanu, kutyo enimereguru no okushuhudia kubhanu bha kawaida na kubharya abhakuru iguru ya garya ganu abharoti na Musa bhaikire agasoka na yitari vinginevyo; ²³ Ati kristo lazima kajookuteseka na kajookubha owokwabha okusuruka okusoka kubhafuye na okutangaza obhweru kubhayahudi na kubhanu bha mu bhyaro. ²⁴ Paulo amarire okwitetea, Festo aikire kwo obhuraka bhunene, "Paulo, awe uli mumumu! amasomo gao gakukora ubhe mumumu. ²⁵ Lakini Paulo naika, anye nitari mumumu, mheshimiwa Festo; lakini kwo bhujasiri enaika amang'ana go bhukweli tupu. ²⁶ Kwo kubha mukama amenyere okuhusu amang'ana ganu; na kutyo enaika kwo bhukuru kumwene, kwa imaana ninahihakika atilitario ryone ryone linu libhisirwe kumwene kwo kubha linu litakorerwe kumbari. ²⁷ Je, ouamini abharoti, Omukama Agripa? Nimenyere ati owikilisha. ²⁸ Agripa namubhwira Paulo, 'Kwomwanya mfuyi outura okunjimya anye no okukora Mkristo? ²⁹ Paulo naika, "Enimusabha Nyamuwanga ati, kwa mwanya mfuyi au mrera, utari awera, bali bhone bhanu abhanyungwa lelo, bhabhe rwanye, lakini bila ginu eminyororo ja magereja." ³⁰ Niwe mukama Nenereguru, na liwali, na Bernike one, na bharya bhaliga bhekaye amwi nabhene. ³¹ Bhejire bhasoka mubhukumbi, bhaikene abhene kwa abhene no kwaika, 'Omunu unu hatakustahili urufu wala kubhoywa. ³² Agripa namubhwira Festo, "omunu unu katura okusigwa huru rabha atakakatire orufaa ku Kaisari.