¹ Baada ya siku etanu, Anania kuhani omukuru, baadhi ya abhakaruka no omwaiki umwi nabhilikirwa Tertulo, bhagendere arya. Abhanu bharya nibhareta amashitaka dhidi ya Paulo ku gavana. ² Paulo ejire emereguru imbele ya gavana, Tertulo namba okumushitaki no okwaika ku gavana, "kwa sababu yawe kina elikilisga ekuru; no kwo kurora kwao galetere amageuzi majomu ku charo cheswe; ³ Basi kwa okusima gone ekilamira kila kinu kinu oukora, mtukufu omuheshimiwa Feliki. ⁴ Lakini nisige okukukorera obhuigwa mno, enikusihi untegereshe amang'ana matoto kwa jifadhili jao. ⁵ Kwa imaana chabhona omunu unu omusindi, na kasababisha abhayahudi bhone mucharo okuasi. Tena ni mutangasha wa amadhehebu ga Wanazorayo. (Zingatia: Orubhara rwa misango ja omustari gunu 24:6 ⁶ Na tena asakire okulitura lihekalu obhujabhi kutyo nikimugwata., haumo kwenye nakara bora za kale). (Zingatia: Mstari huu ⁷ Lisiasi, afisa, ejire na namugega kwa managa mumabhoko geswe., haumo kwenye nakara bora za maandiko ya kale). ⁸ Ukamubhusha Paulo okuhusu amang'ana ganu, hata utakutura okwiigila ni kinuki ekimushatakia." ⁹ Abhayahudi bhone mbamshitaki Paulo, nibhaika ati amang'ana ganu galiga ga bhukweli. ¹⁰ Liwali amwimusishe okubhoko ili Paulo aike, Paulo najibu, "Nimenyere ati kwa miaka myafu waliga muramusi we echaro chinu, na enijomerwa okwiyeresha omwene kwawe. ¹¹ Outura okuhakikisha kutya gichari kutura nsiku zaidi ye ekumi ne ebhili tangu nilinye okugenda okuabudu Yerusalemu. ¹² Na bhejire bhambona mwihekalu, nitabhambarire na munu wone wone, na nitakorere fujo ku mkutano, wala kumasinagogi wala musi yo musi; ¹³ Na wala bhatakutura okuhakikisha kumwene amashitaka ganu abhashitaki dhidi yanye. ¹⁴ Ila enikirisha linu kwawe, ya ati kwa injira ilya inu abhaibhilikira dhehebu, ku njira iyo iyo enimukorera Nyamuwanfga wa bharata bheswe. Anye nili muhaminifu ku gone ganu gali kundagano na amandiko ga abharoti. ¹⁵ Nino obhujasiri bhurya bhurya ku Nyamuwanga bhunu hata bhayo nabho abhabhulinda, okuja kwo ubhusuruko bhwa abhafuye, ku bhone abhaihaki na bhanu bhatana haki one. ¹⁶ Na ku linu, ening'ang'ania ili nibhe na idhamira inu itana hatia imbele ya Nyamuwanga na imbele ya abhanu okutulira ku mang'ana gone. ¹⁷ Oli baada ya miaka myafu naja okuleta omusaada ku charo chani na izawadi ya jiyera. ¹⁸ Nejire kakola kutyo abhayahudi fulani bha Asia nibhabhona musi ya isherehe ya ubhutakaso musi ya lihekalu, bila ekundi lya abhanu wala ghasia. ¹⁹ Abhanu bhanu bhanu eibhapasa okubhao imbele yao olyanu kutya na bhaike kinu bhanacho iguru yani rabha bhana ling'ana ryone ryone. ²⁰ Au abhanu bhanu abhene na bhaike ni kikayoki kinu bharorere keanye bhunu nemereguyu imbele ya ribharaja rya ekiyahudi; ²¹ Isipokuwa kwa ajili ya kinu kimwi kinu naikire kwa bhuraka bhunu nemereguyu agati yemwe, ni kwo kubha obhusuruko bhwa abhafuye nasitakibhwa imbere yao lelo." ²² Feliki aliga abhwiriwe bhujomu okuhusu injira, na naguhahirisha omukutano. Naika, "Lisia jemedari akaja emwaro okusoka Yerusalemu enijososha obhuramusi iguru ya amashitaka gemwe." ²³ Niwe nasiga akida amulinde Paulo, ila abhe no ubhuhuru na hata asige kubhao munu wa kubhaganya abhasani bhaye bhasige okumusakila wala okumulibhatila. ²⁴ Baada ya gisiku kadhaa, Feliki nasubha na drusila mkaye unu aliga Myahudi, natuma okubhilikira Paulo na netegereshas okusoka kumwene gihabari ja erikilisha musi mwa Kristo Yesu. ²⁵ Ila Paulo bhunu aliga najadiliana nawe okuhusu ihaki, okubha ne ekiasi na ihukumu hinu eija, Feliki abhonere obhubha najibu,"genda kula kwa oryanu, ila nikabhona omwanya tena, nilakubhilikire." ²⁶ Kumwanya guyo guyo, ategemeye ati Paulo kajokumuyana jiyera ku kutyo amubhilikiye mara kafu naroma nawe. ²⁷ Ila emiaka ebhili jejire jatira, Porkio Festo nabha liwali baada ya Feliki, ila Feliki endere okwipendekeza kubhayahudi, kutyo namusiga Paulo emwaro yo bhwangalisi.