¹ Paulo nabhalingira umwi kwa umwi abhanu bha ribharaja no okwaika, "Abhairi bhani, nikaye imbele ya Nyamuwanga kwa idhamira njomu hadi lelo." ² Kuhani mkuuru Anania nabharagirisha bharya bhemereguyu eyeyi nomwene bhamubhume omunwa gwaye. ³ Niwe Paulo namubhwira, "Nyamuwanga kajo okukubhuma awe, indugu inu yakatirwe ichokaa. Wikaye nuhukumu kwa indagano, awe ousiga nibhumwe kunyume cha indagano?" ⁴ Bharya bhariga bhemereguyu ayeyi nawe nibhaika, "Kutya nikwo oumufuma kuhani mukuru wa Nyamuwanga?" ⁵ Paulo naika, "Abhaili bhani, anye nitakumenya ati unu ni kuhani mukuru. Kwokubha yandikirwe, owaika kubhibhi iguru yo obhukama bhwa abhanu bhao." ⁶ Paulo ejire erora ati oribhara rumwi rwa ribharaja ni Masadukayo, na abhandi ni Mafarisayo, namwaya no kwaika, "Abhaili hani anye nili Mfarisayo, omwana wa Mfarisayo. Ni kwokubha hinu enitegemea kwo ubhujasiri bhwo obhusuruko bhwa abhafuye bhunu enihukumiwa nabhwo." ⁷ Ejire aika gayo, amarumbano manene ngasoka baina ya Mafarisayo na masadukayo, na amakutano ngagabhanyikana. ⁸ Kwani amasadukayo abhayika bhutario bhusuruko, malaika wala gutario omwoyo. ila Amafarisayo abhayika gayo gone galio. ⁹ Rilemo enene nilisokerera na baadha ya abhandishi bhanu bhaliga bhali lubhara rwa Amafarisayo nibhemereguru no okujadili, nibhaika, "kichari kulola chone chone kibhibhi kuhusu omunu hunu. Kutiki rwo omwoyo na malaika aikire no mwene?" ¹⁰ Kumwanya yasokere hoja nene, omukuru wa majeshi obhayire okwamba Paulo akararuriwe bhibhara bhara na abhene, kutyo nibhaamuru abhanajeshi bhabhe emwaro no okumugega kwa managa okusoka kubhajumbe bha ribharaja na okumureta mungome. ¹¹ Mungeta inu yarubhiye Omukama nemereguru ayeyi no omwene no okwaika, "Siga okubhaya, kwo kubha washuhudia ku Yerusalemu, kutyo oujokusosha obhushahidi ku Roma one." ¹² Bhwejire bhwacha, baadhi ya Abhayahudi bhakorere liagano no kubhilikira eliime iguru yebhwe abhene: bhayikire ati bhatakurya wala kunywa chone chone mpaka bhakamwita Paulo. ¹³ Bhaliga bhanu zaidi ya arobaini bhanu bhakorere injama inu. ¹⁴ Nibhagenda kubhakuru bha makuhani na abhakaruka no okwaika, "Chituye abhene kuchiime ekikuru, kisige okurya chone chone hati kikamwite Paulo. ¹⁵ Kutyo oli, libharaja limubhwire Jemedari mkuru amurete kwemwe, rwa ati omuramura ikesi yaye kwo obhusahihi zaidi. Kweswe eswe kibheye tayari okumwita kabla achari kuja hanu." ¹⁶ Lakini omwana wo omusubhati wa Paulo nongwa ati yaliga ilio injam, nagenda nengira musi ya ingome na namubhwira Paulo. ¹⁷ Paulo namubhilikira akida umwi naika, "Mugege omumula hunu ku jemedari; kwokubha ano ring'ana ryo okumubhwira." ¹⁸ Basi akida namugega omumula urya namusira kujemedari omukuru namubhwira, "Paulo uryas omubhoywa ambilikiye nenda nikuretere omumura unu kwawe. Ana ling'ana ryokukubhwira." ¹⁹ Urya jemedari omukuru namugwata okubhoko naja nawe kumbali, namubhusha, "Ni kinuki kinu owenda okumbwira?" ²⁰ Omumula urya naika, "Abhayahudi bhekilishanya okukusabhwa umurete Paulo mtondo mwibharaja rwa ati abhenda okubhona jihabari jaye kwo obhusahihi zaidi. ²¹ Basi awe usige okwikilisha kwokubha abhanu zaidi ya arobaini abhamwiteganira. Bhebhoyere kwa ekiime, bhatakurya wara kunywa mpaka bhakamwita. Hata oryanu bhabheye tayari, abhalindilira erikirisha okusoka kwawe. ²² Basi urya jemedari omukuru namusiga omumura nagenda jaye, baada yo okumuragilila "usige okubhwira munu wone wone ya ati wambwira gunu." ²³ Nabhabhilikira maakida bhabhili naika mubhatayarishe bhaaskari mia mbili, abhasokao zamu ya kasatu ya mungeta. ²⁴ Nabhabhwira okuturao gityanyi tayari jinu Paulo kaja okmuitumia nookumugega kwo ubhwekisi ku Feliki Gavana. ²⁵ Nandika ibarua kwa inamuna inu, ²⁶ Klaudio Lisia ku liwali omutukufu Feliki, ikesha. ²⁷ Omunu hunu agwaterwe na abhayahudi mbabha ayeyi okumwita, nio mbagenda amwi ne chikosi cha abhasirikare okumuturya, nejire nabhona gihabari ja kubha omwene ni raia wa kirumi. ²⁸ Nendere okumenya kwaki abhamushitaki, kutyo nimusila mwibharaja. ²⁹ Nalorere ati, aliga nastakibhwa kwa ajili ya amaswali ga indagano yebhwe, wala bhatamustakishe kwa ling'ana lyone lyone linu elistahili okwitwa wala okubhoywa. ³⁰ Kisha nimenyekana kwanye ati ilio injama dhidi yo mwene, kutyo kwo obhwangu nimutuma kwawe, na kubharagilisha bhanu abhastaki one bharete amashitaka dhidi yo omwene imbele yao. mbaragana." ³¹ Basi bharya abhasirikare nibhekeya amri: nibhamugega Paulo mbamusira hata Antipatri mungeta. ³² Orusuku runu rwarubhiye, abhasirikare bhafu mbabhasiga bharya abharinyi bha gifarasi bhagende amwi no mwene, nabho nibhasubha jebwe mungome. ³³ Na abharinyi bha gifarasi bhejire bhakinga Kaisaria, no okumuyana liwali ibarua irya, nibhamutura Paulo imbele yaye. ³⁴ Omwene liwali ejire aisoma ibarua, amubhusishe Paulo wasokere jimboki; ejire amenya ati ni munu wa Kilikia, ³⁵ naika, "Nirakutegereshe awe alibha bhaja bharya abhakushitaki," naragirira bhamuture mwiikuru ya Herode.