¹ "Abhairi na bharata bhani, mutegereshe obhutetezi bhwani bhunu enikora kwemwe oli." ² Amakutano bhejire bhongwa Paulo nabho kwa ekiebrania, mbajibhila. Naika, ³ "Anye nili myahudi, nebhuriwe mmusi gwa Tarso mwieneo rya Kilikia, ila nisomee mumusi gunu, mumaguru ga Gamalieli. Neigisibhwe okuling'ana na injira sahihi eja indagano ja bharata bheswe. Anye ninabidii ya Nyamuwang, rwa emwe mwone mli lelo inu. ⁴ Nabhanyasishe kwa injira inu mpaka kufwa; nimbabhoya abharume na abhagasi no okubhesa mwigereja. ⁵ Hata bhakuhani abhakuru na abhakaruka bhone abhasosha obhushahidi ati naramiye ibarua okusoka kubhene ku njira ya abhairi bhanu bhari Dameski, yaliga nibharetere abhanu Yerusalemu, ku njira irya ili bhabhoywe no okuhadhibiwa. ⁶ Yasokere ati arya naliga nisafiri nakaribiye Dameski, majira ga mumwisi ghafula obhweru obhukuru mbusoka murwire niyamba okumilika. ⁷ Naguye asi na ninungwa obhuraka nibhumbwira, 'Sauli, Sauli ni kwaki oumbiisha? ⁸ Ninjibu, 'awe nawe nigs, Omukama?' Nambwira anye ni Yesu Mnazareti, unu awe oumbiisha.' ⁹ Bharya bhariga nanye bharorere obhweru, ila bhatonguwe obhuraka bhwa urya aga naika nanye. ¹⁰ Ninaika, 'nikoreki anye, Omukama? Omukama naika, Imereguru na wingire Damesiki; eyo houjo okubhwirwa bhuli kinu kinu owendwa ukore.' ¹¹ Nitaturire okurora kwo kubha indengesi yo obhweru bhurya, kutyo nigenda Dameski kwo okweresibhwa na amabhoko ga bharya bhariga nanye. ¹² Eyo nibhugana na munu nabhilikirwa Anania, aliga munu hunu agwatire gindagano na omwene aliga naheshimika imbere ya abhayahudi bhone bhanu bhaliga bhekaye eyo. ¹³ Naja kwanye, nemereguru imvere yani, naika, 'Muhiri wani Sauli, ubhone okurora.' kumwanya gurya gurya nimurora. ¹⁴ Naika, "Nyamuwanga wa bharata bheswe akwahura awe umenye obhwenda bhwaye, okumurora urya owa ihaki, no okungwa obhuraka bhunu obhusoka mukanwa yaye. ¹⁵ Kwokubha oujokubha shahidi waye ku bhanu bhone iguru ya gunu urolele no okungwa. ¹⁶ Basi kwa oryanu kwaki okurindirira? Imuka ubhatijibhwe, oshe ebhikayo bhyao, nuribhilikira risima ryaye.' ¹⁷ Baada yo okusubha Yerusaremu, na naliga nisali musi ya ihekalu, nitokea hati niyanwa amaono. ¹⁸ Nimulola nambhwira, 'Hima na usoke Yerusalemu bhwangu, kwo okubha bhatakwikilisha obhushuhuda bhwao okuhusu anye.' ¹⁹ Ninaika, 'Omukama, abhene bhamenyere nabhabhoyere mwigereja no okubhabhuma bharya bhaliga mbakwikilisha ku bhuli sinagogi. ²⁰ Na amanyinga ga Stefano shahidi wao getiwe, anye naliga nimereguyu ayeyi no okwikilisha naliga nilinda jingubho ja bharya bhamwitire.' ²¹ Lakini ambwiriye, 'Genda, kwo kubha anye enijokukuragilira ugende kula kubhanu bha mubhyaro."' ²² Abhanu bhamutegeresishe mpaka anu aikiye amang'ana gayo. Hao bhasosishe obhuraka no okwaika, "mumusosheo omunu unu mucharo: kwo kubha itali bhwekisi okurama." ²³ Bhaliga mbasosha ubhuraka, no okwesa jingubho jebhwe no okwesa oruteri inguru, ²⁴ Jemedari omukuru naamuru Paulo aletwe mungome. Naamuru abhusibhwe enu nabhumwa emijeredi, ili omwene amenye kwaki bhaliga mbamumwaila namna irya. ²⁵ Hata bhaliga bhamubhoyere kwa gingoye, Paulo namubhwira urya akida aliga emereguyu ayeyi no mwene, "je! ni haki kwemwe okumubhuma omunu unu ali Mrumi na bado hachalo kuhukumiwa?" ²⁶ Urya akida ejire ogwa amang'ana ganu, nagenda ku jemedari omukuru no kumubhwira, naika, uwenda kukoraki? kwo okubha omunu unu ni mrumi." ²⁷ Jemedari omukuru naja no okumubhwira, "Mbwira, je awe ni raia wa Rumi?" Paulo naika, "Ndiyo." ²⁸ Jemedari namujibu, Ni kuturira kiasi kinene cha jiyela nio enibhona ubhuraia." Lakini Paulo namubhwira, Anye nili mrumi wo okwibhurwa." ²⁹ Basi bharya bhaliga tayari okugenda okumuhoji bhasokereo no okumusiga kumwanya guyoguyo. Na jemedari one nobhaya, ejire amenya ati Paulo ni Mrumi, na kwo kubha amubhoyere. ³⁰ Orusukiu runu rwarubhiye, jemedari omukuru endere okumenya ubhukweli okuhusu amashitaka ga abhayahudi inguru ya Paulo. Kutyo bhamwiguriye ebhibhoyo bhyaye mbaamuru abhakuru bha amakuhani na ribharaja ryone bhabhugane. Mbamureta Paulo emwaro, na mbamutura agati yebhwe.