¹ Yahweje Yesu alongozwa nimpemu mwibhuga kugomba agelagezwe na shetani. ² Hoyali yakwiyimye kumisi amachumyane kuzubha namwijolo yalabhonye inzala. ³ Shetani alaza nukumubhwila, "Ukabha wewe ulumwana wi mana, nugambe gano amabhuye gabhe umukate." ⁴ Aliko Yesu yalamwishuye nukumubhwila, "Yalandiswe, 'Umuntu ntalambiye kubhilibhwa bhyonyene, Njali kuli lila lilingo livuye mumnwa gwi mana." ⁵ Yahweje Shetani amutwala mumuji gubhela nukumubhika harugulu chane kumugamba gwi nzu yulusengelo. ⁶ Nukumubhwila," Ukubha wewe ulumwana wi mana, inuge hasi, ilyo lalandiswe 'Alobhwila bhamalaika bhage bhaze bhakusame; Kandi bhalokukiliza kumabhoko gabho, kugomba ntuchitale kumaguru kwawe kwi bhuye." ⁷ Yesu yalamubhwiye. "Kandi ntimugeze umwami ni mana yawe." ⁸ Yahweje, Shetani yalamutoye nukumutwala muluhande lwa haluguru halenze alamweleka imali zose za kubhwelelo nubhuganze bhose. ⁹ Yalamubhwiye." ndakuheleza ibhinto bhyose bhino ukanfukamila nukuntegeza." ¹⁰ Yahweje Yesu amubhwila,"Genda kandi na uve hano shetani! kukubhona yalandiswe, 'Ugombezwa kumukenguluka umwami ni mana yawe, kandi umukolele wene nyene kusa."' ¹¹ Yahweje Shetani amusiga, kandi Malayika bhalaje bhalamukolela. ¹² None Yesu hoyumva ngo Yohana alafashwe, yalagiye mpaka Galilaya. ¹³ Yalagiye Nazareti alagenda nukwichala Kapelanaumu, iiyili hambavu yi Bahari yi-Galilaya muma jimbo ga Zabroni na Naftari. ¹⁴ Ili lyalabhonese nukukwiza kilya cha gamvye numubhonyi Isaka, ¹⁵ "Mumuji gwa Zabroni namulugo lwa Naftari nukusonga mumugezi, lwa mbuko lwa Yorodana Galilaya yabhapagani. ¹⁶ Abhantu bhalibhichaye mumwilima bhalabhonye umucho gunini, kandi na bhalya bhalibhichaye mumagambo gilinzinzi yulufu, harugulu yabho ulumoli lwalabhamolekeye." ¹⁷ Kuva mugo mwanya ugo Yesu yalatanguye kutangaza nukugamba, "Nimwihane, kukubhona ubhwami bhwijuru bhulegeye." ¹⁸ Hoyali agiye abhalama hambavu yumugezi gwa Galilaya, yalabhabhonye abhadugu bhabhili, Simoni alioyaliyitwa Petro, na Andrea mwene wabho, agiye atege amakila mumluzi, kukubha bhali alabhalovi bhi nsamaki. ¹⁹ Yesu yalabhabhwiye, "Nimuze munkulikile ndobhakola mubhe abhalovi bha bhantu." ²⁰ Kulilimwe kusa bhalagasize amakila nukumukulikila. ²¹ Nawe Yesu hoyali agiye yendeleya kuva aho bhalamubhonye abhandi bhadugu bhabhili, Yakobo umwana wa Zebedayo na Yohana mwenewabho, bhalimubhwato kumwe na Zebedayo data wabho agiye abhalila amakila gabho alamuhamagala. ²² Aho nyene bhasiga ubhwato na sewabho na wene bhalamakulikiye. ²³ Yesu yalagiye yegeye Galilaya yose agiye abhwiliza mumakanisa gabho agiye atangaza iyinjili yubhwami nukukiza kila ngene yamalwala gali mubhantu. ²⁴ Inkulu zage zilakwiye Siria yose nabhantu bhalabhazanye iwage bhalya bhose bhalibhahola bhalwaye, bhali na malwala menshi nukubhabhala, muma gala nabhali nibhisigo. ²⁵ Umukutano gwabhantu bhensi bhalamukulikiye kuva Galilaya na Dekapoli na Yelusalemu kandi na uyahudi nukuva lwambuko lwa Yorodani.