¹ Yesu hoya bhona ubhwinshi bhwabhantu yalavuyeho nugegenda kumusozi. Hoyali yichaye hasi abhigishwa bhage bhalaje iwage. ² Yalatwikuluye umunwa gwage nukubhisha agiye agamba, ³ "Njanye bhalya bhakene bhi mpemu kukubhona ubhwami bhwi Julu ni bhwabho. ⁴ Njanye bhalya bhali na maganya bhene bhalo timbishwa. ⁵ Njanye bhalya bhali nubhwitonzi, bhene bhalochula intala. ⁶ Njanye bhalya bhali ninzala, ninyota yukuli, bhene bhalohazwa. ⁷ Njanye uwali nirehema nibho bhololonka irehema. ⁸ Njanye bhalya bhali numutima musole bhene bhaloyibhona Imana. ⁹ Njanye bhalya bhali nubhushilahamwe abho bhene bhalo hamagalwa abhana bhi Mana. ¹⁰ Njanye bhalya bhagaye bhabhigaguzwa kulilyukuli bhene bhalo bhona ubhwami bhwi Julu ni bhwabho. ¹¹ Njanye mwemwe abhantu bhagiye bhabhasibha nukubhatuka nukubhabhigaguza kandi kugomba kila ngene yubhubhi kuli mwemwe kubhabheshi kuli Jewe. ¹² Nimushime nukwiginagiza, kukubhona Inyishu yangu niyinini haluguluyamwi Julu. kukubha ibhyo nibhyo abhantu ingene ko bhabha bhigaguje abha bhonyi bholiho inyuma yanyu. ¹³ Mwemwe mulu mulu gwa kubhwilelo, alika gukabha umunyu gumaze kutaga ubhwafu bhwage. gu yobhola inte kukola kobhigombeza kandi? ntanalimwe ntiguyo bhola kubha musole kukindi kintu chchose kandi. hanyuma yaho nukunugwa hanze nukukanyangwa na magulu gabhantu. ¹⁴ Mwemwe muli ulumoli lwa kubhwelelo ulugo lubhaswe alugulu yu musozi gutinyegeza. ¹⁵ Kandi abhantu ntibhatomeka amatala nukugabhika munsi yinkapo,aliko kumunala, nago gulamoleka bhose bhalimunzu. ¹⁶ Leka ulumoli lwanyu lumole imbele zabhantu kugene aliyo yakubha, bhabhibhone ibhikolwa bhyanyu bhiza nukumwigina Data wanyu ali mwijulu. ¹⁷ Ntimwiyumvile ndaje kuyonona iteka kandi abhabhonyi. hindaza konona aliko kukwiza. ¹⁸ Kukuli ndimondabhabhwila lyukubha ijulu nubhwelelo bhyose bhilohita ntayiliho hodi nayimwe kandi ntanakamwe kiteka bhilokulwaho kwiteka mpaka aho kila kintiu hobhilobha bhihwejwe kukwizwa. ¹⁹ None Lelo wowose yonona iteka nalitoli mulilimwe mulago mateka gano nukubhabhwiliza abhandi kukola intyo alohamagalwa mutoli mubhwami bhwijulu. aliko uwazifata nukubhabhwiliza alohamagalwa mukulu mubhwami bhwijulu. ²⁰ Ndimo ndabhabhwila ukuli kwanyu kukukabha kutalegenje mukuli umwandishi wabhafalisayo, kulibhyobhyose bhilya ntimuloyinjila mubhwami bhwijulu. ²¹ Mujamwayumvise livugwa kuva kela lyukubha,"ntimwiche" na wowose umwichanyi alimunzila yukuchilwa ulubhanza. ²² Aliko ndimo ndabhabhwila wowose amulakila mdugu wage alobha mukuchilwa ulubhanza. Kandi wowose amubhwila mdugu wage nukubha, 'Wene numtu atakwiliye kubhaho alobha mwihatali ya mumabhalaza nawowose wene avuga wewe ulumulandage ; alobha mwihatali yukuja mumulilo gutazima. ²³ Ninkantya ukabha ugiye kutanga isadaka mbele yimana nawibhuke kubha umudugu wawe alinililigo lyolyose kuliwewe. ²⁴ Eleke iyo sadakambele yamadhabahu ufate inzila yawe. Mumanze kwanza kusabhana ikigongwe na mdugu wawe uje umenya kutanga isadaka yawe. ²⁵ Nimyagile hamwe nuwakusitase wawe uhutagize ulikumwe nawene munzila yukusonga mwibhohelo. ²⁶ Nimwemele ndimo ndabhabhwila, ntanalimwe hulobhikwa mubhuhulu mpaka hulobhe ulishe ibhisenti bhyukugela mwisho yamahelagobhakudayi. ²⁷ Mwalyumvise livugwa,' ntukole bhumalaya.' ²⁸ Aliko ndimo ndabhabhwila umuntu wowose amulabha umugolegole kukumwifuza wene mumutima gwage. ²⁹ Kandi hakabha ijisho lyawe lyamubhulyo lyolutela kuchitala, limole na ulitage kulele nawewe. Kkubha njanye ilyu nga limwe mumubhili gwawe lyononeka kiliko umubhili gose gutabhwe mumulilo gutazima. ³⁰ Na hakabha ukubhoko kwawe gwa kubhulyo ugwateye uchitale, ulikate halafu ulitage mbali hamwe na wene. Intyo niafazali iliungo limwe lili mumwili gwawe lihalibike atali umubhili gose kutagwa mumulili gutazima. ³¹ Lalavuzwe kandi, Wowose amuhama numugole wage amuheleze Ukete lyukutana kandi kumuleka.' ³² Aliko jewe ndimo ndabhabhwila, wowose agiye amuleka umugole wage hatagila kusa kukubha kubhwili lyamalwala agiye akola bhumalaya. Kandi wowose yimula hanyuma yukuhabhwa italaka abha akoze bhumalaya. ³³ Kandi, mulumvise lyalavuzwe kulibhalya bhakela, hene ntimulahile kubhubheshi, njanye mutwale ukwilahiza kwanyu kumwami.' ³⁴ Aliko ndimu ndabhabhwila, ntimulahile nakatori, kandi kwijulu, kubhwili nikuntebhe yimana; ³⁵ Kandi kubhwelelo, na hantu kukubhika intebhe yukukandagililako indenge zage, kandi kuli Yelusalemu, kukubhona numuji gumwami mukulu. ³⁶ Kandi ntutinye kumutwe gwawe, kukubhona ntushobhola uluzwili lumwe kubha lwape kandi ulwilabhula. ³⁷ Njanye amagambo ganyu, 'Gabhe, nikweni, ukuhakana, nukuhakana.' kukubha agasumba ago gava kuli ulya shetani munyabhaha. ³⁸ Mwalumvise livugwa lyukubha, 'Ijisho kwi jisho, kandi ilinyo kulinyo.' ³⁹ Aliko jewe ndimo ndamubhwila ntimulwane numuntu mubhi; aliko umuntu akabha ukukubhise kwitama lyukulyo mupilulile nilindi kandi. ⁴⁰ Egoye hakabha wowose agiye yifuza kugenda na wewe kwibhulanilo kandi akakwaka inkanzu yawe, mulekele ijoho lwawe kandi. ⁴¹ Na wowose akumiliza kugenda nawene kutambula ulugendo lutoyi, tambula nawene imaili zibhili. ⁴² Kuli wowose akusavye muheleze, na wala ntumwinyolole wowose agiya agomba kukwikopa. ⁴³ Mulumvise lyalandiswe, "Umukunde umutulanyi wawe, kandi umugaye umubhi wawe.' ⁴⁴ Aliko ndimo ndabhabhwila, mubhakunde abhantu bhabhi bhanyu mubhasabhile abhagiye bhabhatela ishavu, ⁴⁵ Kugamba mubhe nkabhana bha Data wanyu alimwijuru. Kuko alakola izubha libhamulekele abhabhi nabha nabhiza, alabhagwishiliza imvula abhali nabheza. ⁴⁶ Mukabha mubhakunda bhalabhakunda na mwemwe, mulolonka ishimo linde? None abhatoza bhubhushuru ntikola intyo? ⁴⁷ Mukabha mubhalamusa bhadugu bhanyu kusa mulonka iki lisumba abhandi? "Hivi, abhantu bhabhapagani ntibhakola intyo nyene? ⁴⁸ Kulilyo mulagombezwa mubhe abhikwije, nka Data wanyu wa mwijuru alinubhukwize.