¹ Mwali zilya misi Yohana abhatiza atanga ulubhatizo yalaje atanguza mumunyika gwa Yuda alavuga, ² "Nimwihane kukubhona umwami wijuru alihofi." ³ Kukubha uyo niwo yavuzwe numubhonyi Isaya avuga, "Kubhwaku bhumuntu ahamagalwa kuva haruguru; nimubhike ukwitegula inzila yumwami, mubheze Inzila yage." ⁴ None Yohana alambaye amoya gingamiya numushipi gulusato gumutungu gwage. Ibhilibhwa bhyage ni nzige nubhuki bhwa mwikungu. ⁵ Yahweje Yerusalemu, Yuda yose, na lulya ruhande lose luzungulukwa numugezi gwa Yorodani bhalagiye iwage. ⁶ Bhalibhagiye bhabhatizwa, nawene mumugezi gwa Yorodani ino gwagiye bhihana ibhichumulo bhyabho. ⁷ Aliko hoyabhabhona bhenshi bhamafalisayo na masadukayo bhagiye bhaza iwage kubhatizwa, yalabhabhwiye, mwemwe uluvyalo lwi nzoka yili nubhulungu niwahe uyo yabhahanuye kwiluka icho kihano kigiye kiza? ⁸ Nimuvyala amatunda gagombezwa kwihana. ⁹ Kandi ntimwiyumvile nukugambana muli mwemwe bhanyu, Tulinawene Ibrahmu nkadata wachu. Kukubha ngiye ndabhabhwila Imana yilashobhola kumukiliza Ibrahim nabhana kuva mumabhuye gano. ¹⁰ Aha kilabhiswe ikibhezi lija lyahwejwe kubhikwa kumuzi gwiliti. None kila liti litavyala amatunda masole ligombezwa kukatwa nukunugwa mumulilo. ¹¹ Ndimo ndabhabhatiza kwili lyu kwihana. Aliko wene agiye aza inyuma yanje numukulu kusumba jewe nanje hikwiliye nukwegula ibhilato bhyage. Wene abhatiza kumpemu yela numulilo. ¹² Nilyeluzo lyage lilimukubhoko kwage nukubheza chane nulubhuga lwage nukukonganya ingano yage muligambilo. Aliko alobhitulila ibhisigaye kumulilo aligo gutayobhola kuzimika. ¹³ Yahweje Yesu aza kuva galilaya mpaka kumgezi gwa Yolodani kubhatizwa na Yohana. ¹⁴ Aliko Yohana yagomvye kumugomelwa agiye agamba, "Jewe ngomba kubhatizwa na wewe nawewe ulaza iwanje? ¹⁵ Yesu yahweje amjibu agamba, "lekula bhibhe intyo none, kukubha aliko tugombezwa kukwiza ukuli kose." Yahweje Yohana amulekulila. ¹⁶ Hoyahweza kubhatiozwa yahweje Yesu avaho kumazi, nukulabha, Ijulu lyaluguruse iwage. kandi yalamubhonye impemu yimana yigiyeyishoka nkiki susanyo chi nkundye nukutekana harugulu yage. ¹⁷ Labha, ubhwaku bhwalatuluse mwujuru bhugamba," uyu niomwana wanje mukundwa ndinawene ashimisha chane na wene."