^{3 1} Hanyuma yayesu kuvuka muli Bethelehem yubhuyahudi mumisi zumwami Helode, abhantu bhasomwe kuva mutuluko ya kulele bhalasohoye yelusalemu bhahweza bhagamba, ² "Alihehe uyo wene aliwo yavyawe umwami wabhayahudi? Twalaibhonye inyonyoli yage muturuko natwe tulaje kumufukamili," Mukanya Umwami Herode hoyumva ago yalabhabhaye, kumwe na Yerusalemu yose kumwe nawene. ⁴ Helode yalabhakonganyije abhakulu kumwe nabhandisi bhabhantu, nawe yahweje abhabhaza. "Kristo alovyalwa hehe?" ⁵ Bhalamubhwiye "Muli Bhethelehemu yabhayahudi, Kukubha intyo aliko lyayaswe numulegeza, ⁶ Nawe Bhethelehemu, Muyinsi ya Yuda, ntali yitoli mwali bhalya bhaganza bha Yuda, kukubha ukuva kuli wewe alokaza umuganza alobhalagila abhantu bhanje bha Israeli." ⁷ Nantyo Helode yalabhahamagaye bhalya bhasomye kukwihisha nukubhabhaza numwanya gunde uga hinyonyoli yabhonekanye. ⁸ Yalabhatumye Bhethelehemu, akuga," nimugende kukwiyangalila muje kumlondela uyo mwana yavuse. Mukabha mumubhonye, munzanile inkulu kugomba jewe kandi nshobhole kuza nukumulabha. ⁹ Mumwanya gukubha bhalamutegeje Umwami, bhalakulikilanyije ulugendo lwabho, ni nyonyoli yilya yobhalibhabhonye mutuluko yalabhalongoleye kugela hoyahagaze harugulu hoyali umwana hoyavukiye hoyalali. ¹⁰ Mukanya hobhaibhona inyonyoli, bhalashimye nukushima chane kulengelanye. ¹¹ Bhaliunjiyemulugo nukumubhona Umwana avyawe na Mariam nyina wage. Bhalamunamiye nukumugundamila. Bhalatekeye ibhintu bhyabho nukumutangila Izawadi zizahabhu. ¹² Imana yalabhihanyije mundoto ntibhagaluke iwa Herode, bhahweje, bhagaluka mukuhugu chabho kunzila iyindi. ¹³ Umwanya gukubha bhalagiye, Malaika wumwami yalabhonese iwa Yusufu mundoto avuga, "Nimubhyuke, mumutole Umwana na nyina wage na mwilukile Misri. Nimusigale mpaka hondobha ndabhabhwiliye, kukubha Herode agiye amulondela uyo mwana kugomba amwiche. ¹⁴ Mwilyo jolo Yusufu yalabhyuse nukumutola umwana na nyina wage nukwilukila Misri. ¹⁵ Yalichaye iyo mpaka Herode hoyafa. Ili lyalakwije kulikala Mwami lyoyali yagavye kuhitila kumuteguzi," kuva Misri ndalamuhamagaye Mwananje." ¹⁶ Yahweje Herode, hoyabhona nukubha alahebhelabhejwe nabhantu bhabhasomi, yalagayije chane. yalalagiye kwichwa kwamba abhana bhatoli bhose bhabha gabhogabho bhaliyo Bhethelehemu nabhose bhaliyo mulo luhande alibho bhali nikigelo chi myaka zibhili nabhali hasiyage kwingana na numwanya goyali aja yahweje kubhona chane kuva kuli bhalya bhantu bhasomye. ¹⁷ Niho lyakwiye lilya jambo lya vuzwe kumunwa gumubhoyi Yeremia, " ¹⁸ Ubhwaku bhwalumvikanye Ramah, nikililo namaganya manini, Raheli agiyelilila abhana bhage, kandi yalahakanye kutimbishwa kubhwili ntibha kiliho kandi." ¹⁹ Helode hayafa, labha Malayika Umwami yalabhonekanye kuli Yusufu mundo Iyumisiri nukugamba, ²⁰ ''Byuka umutole Umwami kumwe na nyina wage, mugende munsi ya Israeli kukubhona abhali bhagiye bhalondela ubhulamvi bhumwana bhalafuye" ²¹ Yusufu yalabhyuse, alamutola umwana kumwe na nyina wage, nukugaluka Munsi yabho Israeli. ²² Aliko hoyumva kubha Arikelau yaliaganza Yuda muluhande Iwadata wage Helonde, Yalatinyinje kugenda iyo. Hanyuma yimana kumwihanya mundoto, yalavuyeho nukugenda mumukowa gwa Galilaya. ²³ Kandi yalagiye kwichala mumji gwitwa Nazareti. Ili lyalakwije kilya chali cha hwejwe kuvugwa kunzila ya-bhabhonyi, lyukubha aloyitwa Munazaleti.