¹ Ikitabho chumugana gwa Yesu Kristo umwana wa Daudi, umwana wa Ibrahimu, ² Ibrahimu yali Data wa Isaka, kandi Isaka Data wa Yakobho, na Yakobho Data wa Yuda na bhadugu bhage. ³ Yuda yali Data wa Pelesi kumwe na Sela kuli Tamari, Pelesi Data wa Hezeroni, kandi Hezeroni Data wa Romu. ⁴ Romu yali Data wa Aminadabu, Aminadabu Data wa Nashoni, kandi Nashono Data wa Salimoni. ⁵ Salimoni yali Data wa Boazi yali Data wa Obedi kulu Ruth, Obedi Data wa Yese, ⁶ Yese yali Data wa Sulemani kumugole wa Uria. ⁷ Sulemani yali Data wa Rehoboamu, Rehoboamu Data wa Abia, Abia Data wa Asa. ⁸ Asa yali Data wa Yehoshafati, Yehoshafati Data wa Yoramu, kandi yolamu Data wa Uzia. ⁹ Uzia yali Data wa Yothamu, Yothamu Data wa Ahazi, Ahazi Data wa Hezekia. ¹⁰ Hezekia yali Data wa Manase, Manase Data wa Amoni data wa Yosia. ¹¹ Yosia yali Data wa Yekonia nabhene wabho mukanya kukutolwa kugenda Babeli. ¹² Kandi hanyuma yukutolwa kugenda Babeli, Yekonia yali Data wa shatieli, Shatieli yali sekulu wage na Zarubabeli. ¹³ Zerubabeli yali Data wa Abiudi Abiudi Data wa Eliakimu, kandi Eliakimu Data wa Azori. ¹⁴ Azori yali data wa Zadokia, Zadoki Data wa akimu, Data wa Eliudi. ¹⁵ Eliudi yali Data wa Elieza, Elieza Data wa Matani kandi matani Data wa yakobho. ¹⁶ Yakobho yali Data wa Yusufu mugabho wa maliyamu, alio kuli wene Yesu yavuse, alioyitwa kiristo. ¹⁷ Ibhivyalo bhyose kuva kuli Abrahamu nukugela kuli Daudi bhyali chumi na bhine, kuva kuli Daudi mpaka kutolwa kugenda Babeli ibhivyalo chumi na bhine. ¹⁸ Kuvyalwa kwa Yesu Kiristo kwali kwingene iyi nyina wage, Maliamu, yalalehejwe na Yusufu, aliko umwanya bhatalahula, yalabhonekanye lyukubha Alininda ya kubhushobhozi bhwi mpemu yela. ¹⁹ Mugabho wage Yusufu, yali umuntu wukuli ntiyagovye kumutela insoni ahabhona. choyakoze yahweje agomesha ubhulesha bhwage na wene atimenya. ²⁰ Hoyali agiye yiyumvila halugulu yagamagambogano, malayika wu mwami yalabhonekanye agiye atola, agiye agamba," Yusufu umwana wa Daudi ntutinye kumutola Maliamu nkamugole wawe kumuli iyonda yali nayene nikubhushobhozi bhwi mpemu yela. ²¹ Alovyala umwana umugabhogabho kandi umuhamagale izina lyage Yesu, kulilyo alobhakiza abhantu bhage kandi nibhyaha bhyabho. ²² Gose gano galabhonekanye nukukwizwa kilya cha tegujwe numwami kunzila zumukiza, alobha agiye agamba. ²³ Labha, inkumi yilotwala inda nukuvyala umwana wumugabhogabho, na bhalo muhamagala izina lyage Emanueli"--kwilyolyage, "Imana kumwe na twebhwe." ²⁴ Yusufu yalabhyuse kuva kuva mwitilo nukukola nkamalayika wumwami kigene yamulagiye lyukumutola nkumugole wage. ²⁵ Ninkatyo,ntiyalaye nawene hiyavyaliye uyo umwana wumugabhogabho na yamwilise izina lyage Yesu.