¹ Aho ho Yesu hoya malila kugamba ago, magambo gose yalabhabhwiye abhigishwa bhage, ² "Mulamenya hahise himisi zibhili ko halobheho isikunkulu yipasaka, numwana umuntu alotangwe aze kwichwa." ³ Mugo mwanya bhahweje bhakongana abhakulu bhamakuhani nabhazehe bhabhantu bhahulila munzu yakuhani mukulu, yaliyitwa Kayafa. ⁴ Kubhumwe bhalakoze inama yukumufata Yesu bhihishije bhamwiche. ⁵ Kukubha bhagamvye, "Ntilikoleke umusi gwi sikunkulu, bhagamba ntilize likazuka akolomo mubhantu bhamwe." ⁶ Aho ho Yesu yali ali Bethania munzu ya Simoni Mkoma, ⁷ Hoyali yaigoloye kwimeza, umugolegole umwe yalaje iwage yafatiye umukebhe gwamavuta gamahela menshi, yagasukanuliye mumutwe gwage. ⁸ Aliko abhigishwa bhage hobhabhona ilyo, jambo lyalabhagayishije bhagamba, "Nikiki kiteye yino hasala? ⁹ Aga gogujijwe kukigelo kinini bhakahabhwa bhamasikini." ¹⁰ Aliko Yesu, yali yalimenyese lino, yalabhabhwiye, "Nikuki mugiye mumuhangaisha uno mugole gole? nikukubha akoze ikintu kisole iwanje. ¹¹ Abhakene mulinabho imisi zose, aliko jewe nanje ntituloholana. ¹² Kukubha yasukanuye (yasuse) aga mavuta kumubhili gwanje, yakoze intyo agiye ategula kumaziko ganje. ¹³ Bhukuli ndabhabhwiye, hohose iyi injili hoyilo-sigulwa muliyintala yikwiye, ili lyakoze uno mugole-gole, lilohola ligambwa kunanda yukumwibhuka." ¹⁴ Niho umwe mwabhaliya chumi na bhabhili yabhabhili, yali yotwa Yuda Isikaliote, yalagiye kubhakulu bhamakuhani ¹⁵ kandi alagamba, "Mumpeleze iki ndamuzanye ndamusalitiyije?" Bhamugelela Yuda ibhisate amachumi yatatu bhyamahela. ¹⁶ Ukuva aho yalalondeye umwanya yalalondeye umwanya gukumusaliti. ¹⁷ Nagulya musi gwatanguye gwi mikate zitabhiswemo ihamila, abhigishwa bhalamugiliye Yesu bhagamba, "Nihehe hugomba tukutegulile ulye ibhilibhwa bhi pasaka?" ¹⁸ Nawe yabhabhwiye, "Nimugennde mumuji kumuntu mumubhwile, umwigisha yagamvye, "Umwanya gwanje gulegeye. ndokolele ipasaka ndikumwe nabhigishwa bhanje umumunzu mwawe."" ¹⁹ Abhigishwa bhalakoze nkingene Yesu yabhalagiye, linganiza ibhilibhwa bhi pasaka. ²⁰ Hageze kumugolobha, alichala kulya ibhilibhwa kumwe nabhalya abhigishwa chumi na bhabhili. ²¹ Hobhali bhagiye bhalya ibhilibhwa, yalagamvye, "Ukuli ndimo ndabhabhwila umwe muli mwemwe alonsaliti." ²² Bhalahumye chane, nakila muntu alatangula kumubhaza, "ityaga, nikwene ntalijewe, Data bhuja?" ²³ Yabhishuye, "Ulya adimba mwibhakuli kumwe najewe uyo niwo alonsaliti. ²⁴ Umwana umuntu alogenda, nkakulya koyayandikiwe. aliko alahumiwe ulya muntu umusaliti umwana umuntu! hobhaye neza kuluyo muntu atovuse nukuvuka." ²⁵ Yuda, ulya musaliti yalabhajije, "None!, mwalimu?" Yesu yamubhwiye, "Ulagamvye ilyo jambo wewenyene." ²⁶ Hobhali bhagiye bhalya, ibhilibhwa, Yesu yatoye umukate, alaguhezagila, alagumatula. Alabhaheza abhigishwa bhage agambati, "Nimutole, mulye. Ugumubhili gwanje." ²⁷ Atola kandi ilikombe alashimila, alabhaheleza nukugamaba, "Nimunywe mwese mulili. ²⁸ Kukubha alamalaso gakalangano kanje, galoseswe kunanda yabhenshi kukigongwe kibhichumulo. ²⁹ Aliko ndabhabhwile, hindokanywa kandi amatunda gugu muzabibu, mpaka ugo musi hondokanywa ishasha ndikumwe namwemwe mubhwami bhwa Data wanje." ³⁰ Hobhali bhahweje kulilimba ulusumo, bhalabhyuse bhaja kumusozi gwi mizeituni. ³¹ Yesu yahweje abhabhwila, "Mulili jolo mwese mulogayishwe kunanda yanje, kukubha yayandiswe, ngondo kubhita umulagizi intama nazo zuluhongole lwage zilotana tana. ³² Aliko maze kuzuka jewe, ndoitangila kuja igalilaya." ³³ Aliko Petro yalamubhwiye agilati, "Niho bhano bhose bhokuhakana kunanda yago magambo galokulonka, jewe hindokuhakana. ³⁴ Yesu alamwishula agize, "Yemele ndakubhwiye, lino jolo inkoko zitalabhika, ulobhe wampakanye katatu." ³⁵ Petro amubhwilati, "niho hobha ngeze ukufa nawewe, hindokuhakana."Nabhandi bhigishwa bhose bhahweje bhagamba nkuko nyene. ³⁶ Yesu yahweje agenda nabhene ahantu hitwa igetesemane alabhabhwila abho bhigishwa bhage, "Nimwichale hano umwanya kingenda iyo kusabha." ³⁷ Yatoye Petro nabhana bhabhili Zebedayo atangula kuyinga nukwidodomba. ³⁸ ahweza alamubhwila, "Umutima gwanje guli ni huzuni yinini chane, kusala kufa. mubhe hano ubhuchukupe muli kumwe najewe. ³⁹ aligilayo katonyi, alagwa ubhubhame alasabha. Agambati, " Data wanje, `hakabha bhiyobhoka, ilyo likombe lindengane. Alikontihabhe nkingene ngomba jewe, bhibhe nkingene ugomba wewe. ⁴⁰ Alabhazila kandi abhigishwa asanga bhahuniye itilo, abhwila Petro, "Nikuki mutayobhoye kubha maso kumwe na jewe ninsa nayimwe? ⁴¹ Mukeshe gemusabha ntimuze mukinjila mubhigelagezo, Umutima guli neza, aliko umubhili gwanyemye." ⁴² Alasubhilayo bhwakabhili alasabha, agamba ati, "Data wanje, hakabha lino jambo litayobhoka kundengana ligombezwa ndalinywele lino likombe, ukugomba kwawe ni kukwizwe. ⁴³ Alagaluka kandi alabhasanga bhakihuniye itilo, kukubha amaso gabho gali galemeye ni tilo. ⁴⁴ Alabhaleka kandi alagenda, alasabha kandi bhwa katatu agamba amagambo galya nyene. ⁴⁵ Yesu yahweje abhazila kandi bhabhigishwa bhage abhabhwila, "Agilati muchalaye nukwiluhukila kusa? Nimulabhe insa yilegeye, numwana wumuntu alashilwa mumabhoko gabhantu bhibhichumulo. ⁴⁶ Nimubhyuke, tugende. Labha ulya agiye ansaliti alegeye. ⁴⁷ Umwanya goyali akihaye agamba, Yuda umwe na umwe muli bhalya chukmi na bhabhili, alasohola. Ikidudi kinini bhali nibhipanga namahili, bhavuye kubhakulu bhamakuhani nabhazehe bhabhantu. ⁴⁸ Kandi ulya muntu yakoze inama yukumwicha Yesu yalabhelese ichelekano agilati ulya wondo lamukile niwo wene mumufate." ⁴⁹ Aho nyene yakoze nukuza iwa Yesu agamba, "Ndakulamukiye, Mwalimu!"Alamubusu. ⁵⁰ Yesu alamubhwila ati, "Munywanyi, nukole liliya likuzanye."Niho bhaza, bhalamugololela amabhoko Yesu bhalamufata. ⁵¹ Labha umuntu umwe yalikumwe naYesu, yalagoloye ukubhoko gwage, alasomola ulupanga lwage, alamutema umukozi wakuhan mkulu ukutwi kwage. ⁵² Niho Yesu yamubhwila, galusa ulupanga halya howalukuye, kukubha bhaliya bhakolesha ulupanga bhalohonywa kulupanga. ⁵³ Mwiyumvila ngo hinyobhola kumuhamagala Data wanje, akanzanila amajeshi galenze chumi anabhabhili gabha malaika? ⁵⁴ Lekela aho nukunzila yinde agayandiswe gayobhole kukwizwa, intyo niko bhigombezwa kubha? ⁵⁵ Ahonyene Yesu yalabhabhwiye abhantu, "Mulaje nibhipanga namahili kunfata kumulamvya? imisi zose ndabha munzu yulusengelo lwihekalu ngiye mbwiliza ntimwanfashe! ⁵⁶ None kusa agagose gakolese agayandiswe na bhabhonyi gakwile." Niho abhigishwa bhage bhamuleka bhaliluka. ⁵⁷ Bhalya bhamufashe Yesu bhamutwaye iwa kayafa , kuhani mkulu, ahantu habhandishi nabhazehe bhakonganiye hamwe. ⁵⁸ Aliko Petro yalamukulikiye inyuma kakule kugela kulizu lya kuhani mukulu. Munzu alichala hamwe nabhalinzi alabhe ningene bhalobhe. ⁵⁹ Abhakulu bhamakuhani nibhalaza lyose bhali bhagiye bhalondela ubhushahidi bhubhubheshi bhukumubhehela Yesu kukugomba bhalonke ningene bhamwicha Yesu. ⁶⁰ Niho bhayibhonekesheje abhashahidi bhenshi, aliko ntibhalonse ijambo lyolyose. Aliko hahohaho hahweje habhonekana abhashahidi bhabhili bhalitwala imbele bhalagamba ati. ⁶¹ Uyu muntu yalagamvye ati jewe, "Ndayobhola kulihomola ihekalu limana nukulyubhaka kandi kumisi zitatu." ⁶² Kuhani mkulu yalahagaze alamubhaza agize, "Ntuyobhola kwishula? Bhano bhakuhojejeko gande kuli wewe?" ⁶³ Aliko Yesu yaliholeleye chee. Kuhani mkulu alamubhwila nkimana iholaho, ndakulagiye utubhwile hakabha wewe aliwo Kristo, Umwana wi mana. ⁶⁴ Yesu nawo alamwishula avuga ati, "Wewe nyene ni wewe ugamvye ilyo jambo. Aliko ngiyendabhabhwila ukuva ntya mulomubhone Umwana wumuntu yaichaye mukubhoko kubhulyo kubhushobhozi, agiye aza alimubhiho bhyu mwijulu." ⁶⁵ Niho kuhani mukulu yalandagula imyenda zage agamba ngo, "Alatukanye! None, tuchagomba ubhushahidi bhwiki? ⁶⁶ None! mwiyumvila iki? Bhalamwishula bhavuga ati igeze kufa. ⁶⁷ Bhahweje bhamuchugako amate muluhanga bhalamukubhita amagumi, bhalamukubhita amakofi kumabhoko gabho. ⁶⁸ Bhavuga ngo, "Nutubhwile, wewe Kristo. Niwahe akukubhise? ⁶⁹ Mugomwanya naho Petro yaliyaichaye hanze mulubhuga, umukozi wumukubhwa yalamugiliye avuga ati, "Wewe kandi wali kumwe na Yesu wi Galilaya. ⁷⁰ Aliko yalihakaniye imbele yabho bhose, avuga ati himenya ikintu chagiye agamba." ⁷¹ Hoyagenda hanze yulubhuga uwundi mukozi wumukobhwa kobhwa alamubhonye alabhabhwila abhantu bhalibhaliho, "uyo muntu kandi yaliabha kumwe na Yesu wi Nazareti. ⁷² Alahakana kandi alalahila nukulahila ati jewe hindamumenyauyo muntu. ⁷³ Akanya katonyi, bhalya bhalibhahagaze hofi yage bhalamugiliye bhagambe na Petro, "Kukuvuga ukuli wewe kandi uli bhamwe na bhamwe kukubha nululimi lwawe lubhonesha." ⁷⁴ Niho yatangula kusibhulula nukulahila ati jewe hinda mumenya uyo muntu yofuye kuhakana inkoko ija ikola nukubhika. ⁷⁵ Petro yahweje yibhuka amagambo goyabhwiwe na Yesu, "Inkoko zitalabhika ulompakane katatu."