¹ Yesu yatuhise mulusengelo lwihekalu Aligila. Abhigishwa bhage bhalamugiliye nukumweleka amazu gihekalu. ² Aliko yalabhishuye nukubhabhwila, "ati, ntimuga bhona gano magambo gose? ukuli ndimo ndabhabhwila, ntabhuye lilosigala halugulu yilindi litalo homolwa." ³ Kandi yamaze kwichala kumusozi gi mizeituni, abhigishwa bhage bhalamugiliye kukwihelela bhalagamba, "Tubhwile, ago magambo galobhaho lyali? kandi nikintu kinde kilobha ichelekano chukuza kwawe ihelezo liyi ntala?" Yesu yalabhishuye nukubhabhwila, "Ati nimwilabhe ntihagile umuntu aza kubhabheha. Kukubha bhenshi bhalokaza kwizina lyanje. bhalogamba, 'Jewe niwo kristo', nabhalobhabheha giza bhenshi. ⁶ Mlotegeza idwano. Lwindwano mwilabhe ntimuze mukabha nubhobha, kukubha gano magambo ntigaleka kubhonekana; aliko lyahelezo lilobha litalabha. ⁷ Kukubha intala yilobhyuka kukuhitana niyindi, ntala nubhwami. kukubhitana nubhwami yilobhaho inzala nibhitetemoko bhyulusi uluhande lwilya nino. ⁸ Aliko ago gose nintango kusa yilise lyukuvyala. ⁹ Niho bhalobhatanga mwemwe mugoleke nabho bhalobhicha. Namwe mulobha abhantu bhukugaywa namahanga gose kunanda yizina lyanje. ¹⁰ Niho bhenshi bhalo-yichalako nukusalitiana na-bhalokagayana bhene nabhene. ¹¹ Abhabhonyi bhenshi bhubhubheshi bhalobhaho nabho bhalo-bhabhachagiza abhabtu bhenshi. ¹² Kwiyo ngene ubhononyi bhulogwila, nulukundo lwabhenshi lulohola. ¹³ Aliko uwalo yemelela ukugela kumwisho, uyo alotabhalwa. ¹⁴ Yino injili yubhwami yilasigulwa muntala yose nkubhushuhuda mumahanga gose. Aho niho lyahelezo liloja liza. ¹⁵ Kulintyo, homuloka bhona iligayisho lyubhononyi, lyagamve numubhonyi Danieli lyahagaze ahantu hela [Uwasoma naamenye], ¹⁶ Niho abhali yuda bhilukile kumisozi. ¹⁷ Naulya alihalugulu kwidali ntayobhole kushoka nukutola ibhintu ukuva munzu yage, ¹⁸ Nauliya alikumulima ntagaluke kutola imyenda zage. ¹⁹ Aliko bhalahumiwe bhaliya bhali nabhana nabhaliya bhonsa mulizo misi! ²⁰ Nimusabhe ukwiluka kwanyu ntikubhe ntikubhe akanya kimbeho, kandi umusi gwi sabhato. ²¹ Kukubha halobhaho amagolwa manini, gatalakabhaho ukuva ino ntala yilemwa nukugeza hano kandi, ntiyiloka bhaho kandi ²² Hato bhaye izo misi zageguje, ntanaumwe yokize. aliko kunanda yabhakijijwe, izo misi zalageguzwa. ²³ Mulugo mwanya umuntu akabhabhwila 'Labha, Kristo alaha! kandi, 'Kristo aliliya' ntimwemele amagambo ago. ²⁴ Kukubha bhakristo bhubhubheshi na bhabhonyi bhubhubheshi bhaloza nukwelekana ichelekano kinini nibhitangaza, kukugomba kubhatagisha, bhikabha bhiyobhose nabhakijijwe. ²⁵ Nimulabhe, ndabhihanyiji umwanya ago gose gatalaza. ²⁶ Kulintyo, akabha bhalokabhabhwila, "Kristo aliyo kwijangwa; ntimugende iyo kwijangwa. kandi, 'Mulabhe, ali munzu,' ntimwemele ago magambo. ²⁷ Nkakuliya inkubha ngene yimoleka kuva mutuluko yimoleka kugela mugwilo, niko bhilokabha ukuza kumwana wu muntu. ²⁸ Kukubha hohose halya hali umuvimba, ahoho hulila ibhisiga. ²⁹ Aliko havuyeho amagolwa manini gamwazilya misi, izubha lilobhikwako umwilima, ukwezi nako kandi ntikulo moleka, inyonyoli zilogwa kuva halugulu, ninguvu zamwijulu zilo zunzagiza. ³⁰ Niho ichelekano chumwana umuntu kila bhonekana halugulu, namakabhila gose gomwiyi dunia bhaloibhologela. Bhalomubhona umwana wumuntu agiye aza mubhiho bhyo halugulu kubhushobhozi nubhwiza bhunini. ³¹ Nawe alobhatuma bhamalaika kubhwaku bhunini ni Talumbeta, nabho bhalobhakonganya hamwe abhantu bhage bhakijijwe ukuva impande zine ziduniya, kuva ihelezo limwe lyomwijulu kugela kwihelezo lindi. ³² Nimwibhwilize ijambo lyukuva kuliti lyumutini. halya hishami lihigita nukutulusa amabhabhi, mulamenya umwanga kogwegeye. ³³ Kandi aho, homulobhona ago magambo gose, hagomba mumenye lyukubha alegeye, hofi na malango. ³⁴ Ukuli ndimo ndabhabhwila, ulu luvyalo ntilulohitako, mpaka ago magambo gose hogalobha gakwiliye. ³⁵ Ijulu ninsi bhilohita, aliko amagambo ganje ntigalohita. ³⁶ Aliko kwilyo lyulo lusi ninsantamuntu amenya, nabhamalaika bhamwijulu, kandi umwana, ila Data aliwenyene. ³⁷ Nkakulya kobhyali bhili mwazilya misi za Nuhu, niko bhilokabha mukuza kumwana wu muntu. ³⁸ Kukubha mulizo misi hatalabhaho ighalika abhantu bhalibhalya nukunywa, bhimula nukwimulwa kugela kulugo musi go Nuhu yayinjila mwisafina, ³⁹ Nabho bhatamenya ijambo lyolyose haza kugela igalika hoyaza nukubhatwala bhose - niko bhilokabha ukuza kumwana wu muntu. ⁴⁰ Niho abhantu bhabhili bhalobha kumulima- umwe alotolwa, uundi alosigwa nyuma. ⁴¹ Abhagole gole bhabhili bhalobha bhagiye bhasya hamwe - umwe alotolwa, uundi alosigala. ⁴² Kulintyo, nimwichale maso kukubha mutamenya ulusiku lwazilamo sobhuja wanyu nilwahe. ⁴³ Aliko nimumenye, lino jambo hakabha umutama mweninzu yomenyese insa yazilamo umwivi niyahe yoje, yolaye infubhatilo kandi ntiyolekeye inzu yage kuhomolwa. ⁴⁴ Kulityo, kandi mulagombezwa kuhola mwaiteguye, kukubha umwana wu muntu aloza mukanya komutamenyese. ⁴⁵ Kulintyo niwahe none uwemeleka, umuja alinubhwenge, wo sebhuja wage yamuhaye kuhagalikila halugulu yinzu yage, abhaheleze ibhilibhwa kukanya kageze? ⁴⁶ Yalahezagiwe uyo, mukozi wo sebhuja wage alomusanga agiye akola intya halobha aziliye. ⁴⁷ Nimwemele ngiye ndabhabhwila ntya sebhuja alomubhika halugulu yibhintu bhyage bhyose. ⁴⁸ Aliko nkumuja umwononyi agavye mumutima gwage, 'Data bhuja wanje yatinze; ⁴⁹ Akatangula kubhakubhita abhakozi bhage, akalya nukunywa nukubholelwa, ⁵⁰ Umwami wu mutumwa uyo aloza mulo lusiku lwali lutavugwa, namwinsa yoyalatamenya. ⁵¹ Sebhuja alomuhimbula ibhihimba bhibhili nukumubhikila ifungo lyage hamwe nabhantu bhi mpishila, niho halobhaho ikililo nukusya amenyo.