¹ Yesu yalavuze nao kandi kulicho chelekano alimolavuga, ² "Ubhwami bhwijulu bhuteye nkubhwami bhoyiteguye kumubhala gumwana wage. ³ Alabhatuma abhakozi bhage kubhakila bhalibhalaliswe kuza kumubhala aliko ntibhaje. ⁴ Umwami alabhatuma kandi abhandi abhakozi, avuga. "Mubhabhwile bhose bhalaliswe, nimulabhe, ndalinganije ibhilibhwa. Nimali zose nintama zanje zinuze zilabhazwe, kandi amagambo gose galikwene, nimuze mugu mubhala gumwenga. ⁵ Aliko abhobhantu ntibhakulikije kukenguluka kukulalikwa kwage. Mulibhene bhalagiye kumulima gwabho, kandi abhandi bhalagaluse muluhande lwabho lulugelelo lwibhyashala. ⁶ Abhandi bhalabhabhyukiye abhakozi bhumwami nukubhatela insoni nukubhicha. ⁷ Aliko umwami yalabhanye ishavu. yalatumwe abhasilikale bhage, alabhicha bhalya bhichanyi nukusiga ingozabho kumulilo. ⁸ Yakozeko nukubhabhwila abhakozi bhage, "Umubhala gulageze, aliko abhalaliswe ntalibho bhakwiliye. ⁹ None lelo nimugende kwihulilo linzila yikulu, mubhalalike abhantu bhenshi nkingene bhiyobhoka bhaze kumubhala gumwenga." ¹⁰ Abhakozi bhalagiye kuyanzila nkulu nukubhasanganila bhose abhantu bhobhabhonye, abheza nabhabhi. Aho iligambilo lyubhwenga lyaluzuye abhalazi. ¹¹ Aliko umwami hoyinjila kubhalaabha abhalazi, yalamubhonye umuntu umwe uwali atambaye imyenda zitakwiliye numubhala! ¹² Umwami yalamubhajije, 'Mugenzi wanje walonsente kusohola hano munzu atali numwenda gumubhala? kandi uyomuntu ntiyamwishuye lyolyose. ¹³ Niho umwami hoyabhabhwila abhakozi bhage, "Mumubhohe uyo muntu amabhoko namagulu muhweze mumunuge hanze mumwilima, aho aliho halobha ikililo nukusya menyo. ¹⁴ Kukubha abhantu bhenshi bhagiye bhahamagalwa, aliko abhateguliwe nibhatoli." ¹⁵ Niho mafalisayo bhavuyeho nukuja kupanga inge bhomufata Yesu mumagambo gage wenenyene. ¹⁶ Niho bhabhatuma abhigishwa bhabho kumwe namahelode. Kandi bhalamubhwiye Yesu, "Umwigisha, tulamenya lyukubha wewe numuntu ukuli, kandi lukubha ulabhwiliza kigene yigomba imana mulyukuli. Ntibhamanisha ililingo lyuymuntu uundi kandi ntimubhonesha ukupendeleya kumuntu. ¹⁷ No nutubhwile wiyumvila lyahe? Intya, ilinikwene nkiteka kuliha ikoliku kaisali kandi aye? ¹⁸ Yesu yalamenyese ubhubhi bhwabho nukuvuga, "Nikuki komulimo mulampa ibhyo bhigelagezo mwemwe mwebhantu bhabhi? ¹⁹ Nimunyeleke amahela gagiye gakoleka kukulihila ikoli. "Nihobhamuzaniye ilyo hela. ²⁰ Yesu alabhabhaza, "Insuso kandi izina lino nilyande? ²¹ Bhakozeko nukumwishula, "Nibhyakaisali. "Niho Yesu yabhabhwiye, "Muheleze kaisari ibhilibhyo bhyage bhimana muheleze imana. " ²² Hobhumva intyo bhalatangaye. Bhahweje bhamuleka nukugenda nkiko bhali. ²³ Ugomusi halimo mwabho Masadukayo bhaje iwa Yesu, bhalya bhavuga lyukubha ntakuliho ukuzuka kwabhafuye. bhalamubhajije, ²⁴ Bhalavuga, "umwigisha,Musa yalavuze, akabha umuntu afuye atavyaye abhana, muduguwage alomuchula uyo mugolegole kanti umuheleze unwana kubhwili lyumudugu wage. ²⁵ Bhali abhadugu indwi. uwambele yalabhonye nayahweje afa atalavyala abhana. alamusigila mudugu wage. ²⁶ Yahweje wamudugu wage wakabhili alakola nkakulya nyene, yahweje ulya wakatatu, bhibhankukonyene mpakashikila kwaulya wandwi. ²⁷ Hanyuma yukukola intyo bhose, ulya mugolegole nawene yakoze nukufa. ²⁸ None mukuzuka uyo mugolegole alobha umugole wande mulabho bhadugu indwi? kubhwili kukubhona bhose bhalamwimuye." ²⁹ Aliko Yesu yalabhishuye nukubhabhwila, "Mulimo mulachumula, kubhwili ntimumenya amandiko kandi inguvu zimana. ³⁰ Kukubha mukuzuka, abhantu bhatimula nakandi kwimulwa. hanyuma yage abhantu bhalobha nkabhamalayika iyo mwijulu. ³¹ Aliko kukwelekela ukuzuka kwabhafuye, ntimulakageza kusoma. kilya alicho Imana choyavuze iwanyu, nukuvuga, ³² Jewe ndimana wa Ibrahimu, imana ya Isaka, kandi imana ya Yakobo? Imana ntalimana yabhafuye, aliko nimana yabhali nubhulamvi bhakomeye." ³³ Mukanya kukukonganya hobhumva ilyo, bhalatangayeamigisho gage. ³⁴ Aliko Mafalisayo hobhumva lyukubha Yesu alimoalabhaholeza Masandukayo, bhalikonganyije bhene hamwe nyene. ³⁵ Muli umwe wabho, yali umwana witeka yalamubhajije ikigelo chukumuza. ³⁶ Mwalimu, niteka lyahe ilyo alilyo likulu kusumba gose mumaleka?" ³⁷ Yesu yalamwishuye, "Hakwiliye umukunde umwami kumutima gwawe gose. ³⁸ Ili nilyo teka alilyo lukulu kandi nilya mbele. ³⁹ Kandi lyakabhili liteye kilyo nyene umukunde mutulanyi wawe nkiko wikunda wewe. ⁴⁰ Amateka gose nabhabhonyi bhalavye ago mateka abhili. ⁴¹ Kandi Mafalisayo hobhali bhakili bhakikonganyije hamwe Yesu yalabhabhajije ililingo. ⁴² Alavuga, "Intya! Mwiyumvila niliki halugulu ya Kristo? Wene numwana wande?" Nao alamwishula, "Numwana wa Daudi." ⁴³ Yesu alamwishula, "Nikungene yinde Daudi mumpemu umuhamagala umwami agiye avuga. ⁴⁴ Umwami yalamubhwiye umwami wanje,"Yichala nukubhoko kwanje kubhulyo, handobha ndabhakoze abhabhi bhawe bhabhikwe hasi yamagulu gawe."?" ⁴⁵ Akabha Daudi amuhamagala Kristo "Umwami,"Ningene yinde halobha umwana wage?" ⁴⁶ Ntawaliho yayobhoye kumwishula ililingo kandi na ntawaliho yagejeje kandi kumubhaza amaswali galenze kuva ugo musi nugukulikila.