¹ Yesu nabhana shule bhage hobhasohola hofi na Yelusalem kandi nukugenda iyo Bethfage mwagulya umusozi gwa mizeituni, choyahweje Yesu abhatuma abhanafunzi bhabhili. ² Yalabhabhwiye, "Nimugende mukihugo kikulikila, intyanyene mulomusange umwana windogobhe yabhoshwe halya nuyomwana wi ndogobhe kumwe nawene mubhabhohe nukubhazana iwanje. ³ Hakagila umuntu wowose abhabhwila lyolyose lyukukweleka ilyo, mulovuga, umwami agiyabhagomba, uyo muntu alokolako nukubhalekulila muze kumwe na wene. ⁴ Ilyo liligo lyanabhonekana nililya nyene lyavuzwe kuhita kumubhonyi nikwenenyene likwizwe alabhabhwila. ⁵ Bhabhwile abhakobhwa bhisayuni labha, umwami wawe alimoalaza iwanyu umwitonzi kandi alobhayagegeye mdogobhe numwana windogobhe yumugabhogabho umwana windogobhe. ⁶ Bhahweje abhanafunzi bhagenda nukukola nkayesu ingene yabhalagiye. ⁷ Bhalayizanye indogobhe numwana windogobhe nukubhika imyenda zabho halugulu yabho nawe Yesu alichala halya. ⁸ Bhenshi bhalibhakonganye bhashashe imyenda zabho munzila abhandi bhakase amashabhi gavuye kuliti nukusasa munzila. ⁹ Ubhwinshi bhwabhantu bhwilangiye Yesu nabhalya bhamukulikiye bhalatanze ubhwaku, nukuvuga, "Bhilabheleye kumwana wa Daudi! nuwahezagiye agiyaza kwizina lyu Mwami bhalabheleye hano halugulu nukulenza. ¹⁰ Yesu hoyasohola Yelusalemu, ikihugo chose chalakanguse nukuvuga uyo niwahe? ¹¹ "Abhantu bhenshi bhalishuye uyu ni Yesu umubhonyi kuva Nazareti ya Galilaya. ¹² Yalweje Yesu yinjilia mwisengelo limana. Alabhahama bhose bhatuluke hanze bhose bhalibhagiye bhamehela nabhalimo bhalaguza musegelo. Kandi yalayihenuye imeza nukukabhisha kumahela nintebhe zabhaguza inkundge. ¹³ Alabhabhwila, "Lyalandiswe, "Inzu yanje yiloyitwa inzu ya masegelo, "Aliko mwemwe bhayipiluye nkinkambi yabhakobhezi." ¹⁴ Hakozeka nukuza impumi nibhimuga mwisegelo, Yesu alabhakiza. ¹⁵ Aliko mwako kanya abhakulu bhibhalaza nabhandisi hobhabhona ikishangaza choyakoze, nahobhumva abhana bhalimo bhalavuza indulu mwisengoro nukuvuga ashimwe Umwana wa Daudi," bhalafashwe nishavu. ¹⁶ Bhalamwiye, "Wayumvise lilya ligiye livugwa nabhantu? Yesu yalabhabhwiye, "Nikwene! aliko ntimulakageza kusoma, 'Kuva kumwinwa za-bhana bhatoli abhakyonka mulininkulu zikwiliye?" ¹⁷ Yalahweje abhasigaho yigila hanze yikihugo cha Bethania nukulalayo. ¹⁸ Mukitondo hoyagiye agaruka mumuji, yali ninzala. ¹⁹ Yalabhonye iliti lilihambavu yinzila. Alalgila aliko ntiyaligegegye kandi ntiyalonse ikintu chochose halugulu yage hamwe amabhabhi. Yalabhabhwiye, "Ntihabheko kandi ibhyahwa kandi." Aho nyene lyaliti lyakozeko nukuma. ²⁰ Abhana funzi hobhabhona, bhalatangaye nukuvuga, "Bhibhaye nte ililiti kolyumye intya nyene. ²¹ Yesu yalabhishuye nukubhabhwila, "Nukuli ndimondabhabhwila, mukabha mulinumwizelo gutali gukugelelanya ntimulokola kilya chondalinkola kwilyo liti kusa aliko mulogubhwila gulya musozi gutolwe nukunugwa muluzi kandi lilokoleka. ²² Lyolyose lyomulobhamusavye kubhisabhisho ino mukabha mwemeje, muloyakila. " ²³ Yesu hoyasohola mwisengelo, bhakulu bhisengelo nabhazehe bhabhantu bhalamuziliye mukunya hoyalo alimo alabhigisha nukubhabhaza, " nikubhuganza bhunde bhugiye bhukola gano magambo? kandi niwahe ubhobhuganza? ²⁴ Yesu yalabhishuye nukubhabhwila, "Nanje kandi ndobhabhaza ikigelagezo kimwe nukubha mugiye mumbwila nanje kandi kulya nyene ndobhabhwila nubhuganza bhunde bhonguye nkola kumagambo gano. Ulubhatizo lwa Yohana-lwavuye hehe, mwijulu nkandi mubhana bhabhantu?"Bhalibhajije bhene nyene nukuvuga tukavuga bhwavuye mwijulu alotubhwila nikuki komutamwemeye? Aliko tukavuga, lwavuye kubhana bhabhantu, tulabhatinya bhalya bhakonganye, kubhwilabhose bhalamubhonye Yohana nkumubhonyi." Bhahweje bhamwishula Yesu nukuvuga, "Ntitumenya" alabhabhwila kandi, "Ninkanto jewe hindobhabhwila nikubhuganza gongiye nkola ganomagambo. ²⁸ Aliko mulimo muliyumvila iki? umuntu alinabhana bhabhili. akagenda kuliumwe nukumubhwila, mwananje genda ukole ibhikolwa mumulima gwimizabibu. ²⁹ Ugumusi uyomwana alishula nukuvuga, hingenda, ' Aliko hanyuma akahindula ibhiyumvilo bhyage akagenda. ³⁰ Kandi ulyamuntu akagenda kumwana wakabhili nukuvuga ililingo lilyanyene. wamwana ulyanyene akishula nukuvuga, ndagenda, mwami', aliko ntiyagiye. ³¹ Niwahe mwabho bhana bhabhili uwakoze nkingene agomba sewabho? bhalavuze, "Umwana wambele."Yesu alavuga, "Nikwene ndimo ndabhab hwila, abhakonganya bhubhushulu nabhamalaya abhonibho bhaloyinjila mubhwami bhwijulu bhwimana umwanya mwemwe mutalayinjila. ³² Kukubhona Yohana yaje iwanyu kunzila yigololose, aliko ntimwamweye, mwako kanya kukukonganya ubhushulu nabhamalaya bhalamwemeye. nawe, homwabhona lilimo lilakoleka, ntimwayobhoye kwihana kugomba hanyuma mwemeze. ³³ Nimumvilize kandi nkakulya halihumuntu, umuntu yali nilyaga linini lyulusi yalateye imizabibu alubhaka ulukinga alalinganiza ilyobho lyukukamilamo idivai alubhaka ubhulinga bhwabhamulindila akola nukuchungika kubhabhika neza izabibu yahweje agenda muyindi nsi. ³⁴ Mukanya kikwimbula imizabibu hokagera, yalabhatumye mwabhalya bhakozi kubhalimi bhimizabibu kuja kutola imizabibu zage. ³⁵ Aliko abhalimi bhimizabibu bhalabhakozi bhage, bhalamukubhita umwe nukumwicha, uundi, bhalamukubhise kumabhuye. ³⁶ Mugundi mwanya, uundi muganza yalabhatumwe abhakozi abhandi, bhenshi bhasumba bhalya bhambele, Aliko abhalimi bhimizaituni bhalabhakoleye nkakulya nyene. ³⁷ Hanyuma yaho umwami ulya yantumye iwabho umwana wage, yiyumvila, hamwe wene bhalomukenguluka uyo mwana wanje.' ³⁸ Aliko abhalimi bhimizabibu homubhona uyo muntu wikikwelele, bhalabhwilanye, 'Uyo numuchuzi, Nimuze, tumwiche, numuganza ubhuchuzi.' ³⁹ Aho nyene bhakozeko nukumutola, nukumunuga hanze yumulima gwimizabibu nukumwicha. ⁴⁰ Intya uwaganza umulima gimizabibu halobha-galuse, alobhakola iki abhalimi bhimizabibu?" ⁴¹ Bhalamubhwiye, "Alobhonona abho bhantu bhabhi munzila nukubhakankamila kulenze, ahweje alochungika kubhandi bhalimi bhimizabibu, abhantu alibho bhene bhaloliha kwilili mizabibu hozilobha zikomeye." ⁴² Yesu yalamubhwiye, "Ntimwasomye mumandiko, 'Ibhuye lyobhayanze bhalya bhahakanye litelya ibhuye likuli linkingi. Ilyavuye kumwami, kandi nilikitangaza mumaso gachu?' ⁴³ Nikantyo ndimo ndamubhwila, ubhwami bhwi Mana bhulolwangazwa kuva iwanyu nukuhabhwa ikihugo kigiye changalila ibhyahwa bhyage,. ⁴⁴ Wowose alobhaguye halugulu yibhuye ilyo alosatuka ibhisate-sate. Aliko kuli ulya wowose alobha aliguyeko, kilomusya." ⁴⁵ Abhakulu bhabhaganza namafalisayo hobhumviliza icho chelekano chage bhalabhonye lyukubha agiye abhavugilako bhene. ⁴⁶ Aliko kila hobhali bhagomba kukiliza ykybhoko halugulu yage, bhalatinyije abhantu, kubwili bhwabhantu bhalamulavye nkumubhonyi.